حاسه اني في كابوس وما قادرة اصحى منو سناء قالت لي يخسي كان يخسي نبذ افتكرتو راجل🌚قلت ليها هو راجل غصبا عن عين اي زول وانا متأكد عمرو حاصله ليو حاجه والا مستحيل يعمل فيني كدا ويخليني ايه قالت لي يابت فوقي لي نفسك متين انت ح تقعدي تدافعي عن الناس ما اي زول في الدنيا دي كويس قلت ليها عارفه لكن عمرو ما بعمل كدا😭ما فضل الا تديني كف في وشي قلت ليها انا عارفه ليو كم يوم متغير ومضغوط من الشغل لكن لمن يفضى ح يرجع ويفهمني الحاصل سناء قالت لي معليش تكبري وتنسي😒وطلعت ايه فضلت تحنس فيني وانا لسه مصرة عمرو ما بعمل كدا شويه وننا جات قالت لي ناس عمتو قاعدين برا وابوي قال لي تعالي قولي رايك قلت ليها انا ما عايز اعرس زاتو خلي عبدالرحيم ولا غيرو قالت لي ما تطولي لي لسانك هنا امشي لي ابوي وقولي ليو كلامك دا😒لبست توبي وطلعت ماسكه في ايه خايفه من ردت فعل ابوي اذا رفضت ولو وافقت امي ح تخلي البيت وبقيت بين نارين وكلام عمرو ما قادرة اصدق منو حرف امشي خطوه واقيف وامشي تاني ايه قالت لي ما ح تتحل بالهرب لازم تواجهي اهلك بالحاصل اتوكلت على ربنا وختيت الكلام العايزة اقولو في راسي وطلعت لقيت عمرو وابو وعمو قاعدين مع ابوي🙂ولا بقول ليكم اتصدمت ولا اتخلعت لاني اتختيت في موقف فات ديل بي كتير وقفت مكاني بس ما عارفه اتحرك ابوي قال لي الشاب دا اتقدم ليك وطلب يدك مني على سنه الله ورسوله(صلي الله عليه وسلم)قولك شنو؟عاينت ليو مسافه وهو بضحك الحقير🙂قلت لي ابوي انت سألت عنو يعني هو زول كويس ولا عايز تورطني سااي قال لي هدا قدامك اسألي انت قلت ليو والله ما مرتاحه قلبي واخزني عمرو اداني نظرة نظام انت بتقولي في شنو اسكتي عشان ما تبوظي علينا🤦قلت لي ابوي عايزة وقت افكر فيو دا قرار مصيري😴بقيت بتعزز طبعا😂🙈عمرو اتنفض وقال لي يابت الحلال والله اعقد هسي قلت ليو اجي بالجبر هو كدي اوافق عليك اول😒خليتو على اعصابو ودخلت جوا لقيت ايه وسناء ميتين بالضحك شلت اقرب مسند جمبي وبقيت بضرب فيهن الخاينات الوسخات بلعبن علي وبتفقو مع عمرو من وراي🙂سناء قالت لي ممكن تبردي دي كلها خطه عشان يشوف ملامح الفرح في وشك قلت ليها فرح يشقو نصين متخلف هو ولا انتن البتسمعن كلامو والله الليله ما اخليكن وبقيت ساكاهن بعد تعبت قعدت في الارض وبكيت ايه قالت لي بسم الله يابت انت كويسه؟قلت ليها انا عارفه عمرو مستحيل يخليني ولو على قطع رقبتو بالرغم من الكلام السمعتو منو احساسي قال لي ما تصدقي ما بعمل كدا🥺قالت لي فعلا ثقتك كانت في محلها وهو برهن لينا كدا ننا قالت لي انت عارفه امي كشفتكم فنقلت عيوني وقلت ليها كيف😳قالت لي يوم وصلنا عرس مروة شافتو بغمز ليك سكتت سااي لكن يوم جه وجاب اسيل معاو اتأكدت وجات سألتني قلت ليها ما عارفه حاجه تاني يوم ساقتني معاها ولاقيناو قالت ليو ما دايرة معاك لولوه بتي ما تعلب معاها عايزها تعال ليها بالباب غير كدا ولد خالتها قاعد وهسي بنعقد ليها اتكبكب وخاف خوف قال ليها اصبري لي بس كم يوم وبجي ان شاء الله قالت ليو يوم الجمعه لو ما جيت ما تجي تاني ومشت خالتو عايز يموت من الخوف😂قلت ليها عااد يا امي صعبه المهم جينا البيت وقلت ليها ما تفتح الموضوع معاك ولمن عمرو ضرب لي ابوي وفتح ليو اضانو انو عايزك برضو ماف زول فينا اتكلم وانا العملت الخطه بتاعت ناس عبدالرحيم جايين وامي كانت ممثله رائعه😂💛مع ابوي وعمرو القصه كملت قلت ليها آه يا خسيسه تعملي في اختك كدا🙂قالت لي انت عارفه كدا لمن تموتي ما بتنسي يوم اتقدمو ليك عشان ما كان يوم عادي وحصل فيو اكشن واثارة😂قلت ليها لسه انت ما شفتي الاكشن🙂بالجد كان احلى يوم في حياتي واخيرا عمرو جاء بيتنا وح نكون سوا في اقرب فرصه🙈❤
