لقيت الضيوف كلهم وصلو والحنانه جات بدينا نوزع في الضيافه وهو ما ظهر خالص لمن بدو وختو الحنه للعريس واصحابو حتى حضرتو سيادو شرف لابس الجلابيه وووووبلعي من الجلابيه فيو استغفر الله العظيم بس🙈جاء ماشي بي جمبي وريحه عطرو عشعشت في انفاسي الحفله كلها ما رفعت عيني منو ما عارفه مالي شفتو سمح ولا عيوني شكلا خربت😂لكن رشاقه بت اهلو معاو والضحكه البت دي نهائي ما حبيتها جنها تتلصق فيو لا دقيقه وما تتلصق انا مالي ومالو سما انت طيرة صااح ارجعي لي عقلك وبطلي الوهم البتفكري فيو دا🙂قبلت منو ومرتضى كل شويه يجي عايز يتكلم معاي وانا بتجاهلو شفت عمرو والبت ديك طلعو فقلت لي مروة ماشه بيتنا بي حجه انو في كبابي نقصت ح اجيبا وزغقت فتشت عليهم لكن ماف اي اثر قعدت شويه شلت لي كم كبايه كدا في صينيه وجيت طالعه شفت نور العربيه فاتح لكن واقفه بعيد ادبيت براحه براحه لحدي ما حصلتم لقيتم راكبين جوا🙂وهي خاته يدها في صدرو وقفت كم ثانيه بحاول استوعب الشايفاو عيوني قرفت من منظرهم وقربت استفرغ🙂والتقول كان ناقصني مرتضى ختى يدو في كتفي لما اتخلعت قلت ليو مالك بتمد يدي ما تتكلم وانا بسمعك قال لي ما كنت عايز اخلعك قلت ليو من الاحسن تلم يدك عليك😠قال لي جيبي الصينيه اشيلها ليك لانو تقيله قلت ليو مشكور ما يحتاج مشيت وخليتو حسيت بي يدو نهاية ضهري واتمليت فل نبذتو انت يا متخلف بتمد يدك علي كيف والصفتك والصفتك ما خليت ليو جمبه يرقد عليها وفيشيت غلي فيو واديتو كف وتفيت في وشو جاء عمرو جراو واداو بنيه لمن وقع في الارض ولسه مكمل فيو ضرب وانا واقفه مخلوعه
كان بضرب فيو بي طريقه وحشيه شديد كأنو دا ما صحبو ولا بشر حتى لو ما جو ولدين مارين في الشارع مسكو منو كان راح بين ايديو
عمرو:ابقى راجل تاني تعال هنا ولا المحك بالغلط عشان اطلع.....يا تيت ويا تيت غايتو لسانو وسخان خلاص وانا من الخوف برجف بس جه علي وعيونو بتطلع شرار جراني من يدي وثبتني على الحيطه وبقى قافلني ووشو قصاد وشي ولا مديني مساحه اتنفس خلي اتحرك وقال يا بشر انت مالك ما ترسي على بر في اي حته تمشيها عايزة تسوطي اي شي قدامك قايله نفسك كدا شفته فهميني انت عايزة تصلي لي شنو في النهايه وتستفيدي شنو شويه مع اسامه وتاني نورالدين وعبدالرحمن وحتى مرتضى ما عايزة تخلي في حالو انا بتكلم معاك كان بكورك فيني ويضرب يدو في الحيطه وانا بس بعاين ليو وما برد قال لي يا بشر انا بتكلم معاك افتحي خشمك دا قلت ليو حاجه ما بتخصك ان شاء الله اعوزهم كلهم انت مالك وبتدخل في حياتي الخاصه لي هسي انا سألتك بتعمل شنو في العربيه مع البت ديك وزراير جلابتك مفتوحه لي يبقى تقفل خشمك خالص وما تتكلم معاي وتاني اياك ثم اياك ترفع صوتك دا علي فاهم لزيتو ودخلت حلفت ما ببكي قدامو قعدت في المطبخ ببكي لمن بشهق وغلبني اتنفس لا هو قايلني شنو يعني لمن يتكلم معاي كدا هو انا واحد رافضه احبو لو ما كان الراجل الطول عمري بحلم بيو خلي اربعه ومع بعض جات مروة واتخلعت لمن شافتني قالت لي سما بسم الله مالك😨قلت ليها دا كلو بي سبب ود عمك الكريه دا قولي ليو ما يتدخل في حياتي عشان ما حاجه بتخصو قالت لي يابت فهيميني في شنو قلت ليها واقف وبي كل عين قويه بسألني من علاقتي مع نور واسامه وعبدالرحمن واتخيلي شنو قال لي انا جاريه ورا مرتضى هو انا لو خلاص الرجال الفي الدنيا انتهو بعاين لي صحبو دا ميمي انت عارفه اسامه دا انا ولا بعرفو كويس وبس عشان اخو ايه بتعامل معاو اما نور اخوي الكبير وعبدالرحمن ود عمتي واتربينا سوا هو كيف يقدر يفكر فيني بالطريقه المقرفه دي قالت لي عشان هو قليل ادب وبتاع بنات قايل الناس كلها زيو قلت ليها لحدي هناك وخلاص طفح الكيل من الاحسن ليو يتلمى عشان ما اتصرف بي طريقتي وما يوريني وشو تاني ولا حتى صدفه غسلت وشي ورجعت بيتنا شفت الكتاب وضحكت على نفسي وافكاري الاغبى مني شوف انا بفكر في شنو وحضرت سيادتو بفكر في شنو خطر لي اشرطو لكن ما هان علي هو ذنبو شنو اذا الجابو ما بفهم حاجه وعامل فيها كازانوفا💔
