نبذتو في نفسي السغيل الكريه ابو وش حامض وقبل افتح الباب سناء فتحتو قلت ليها لو بايته ورا الباب ما بتعملي كدا🐸جرتني من يدي وقالت كنت ماشه الحمام سمعت صوت عمرو جيت اتصنت ضرب الباب لمن اضاني صنت🌚قلت ليها تستاهلي عشان تاني ما تتحشري في حاجات ما بتخصك😒قالت لي لا دقيقه الفهمتو صااح عمرو غار عليك قلت ليها ننا ممكن تبطلي البتحضري فيو اليومين ديل عشان لحس عقلك وبقيتي غبيه🙂قالت لي انكري انكري الا ما بكرة يبان المستخبى😏قلت ليها استسلمت وما ح اتناقش معاك تاني🤦♀️قالت لي انت رافضه تعترفي لي انت في ذات نفسك عندك ليو حاجه ومكابره ممكن اعرف السبب قلت ليها عشان ماف حاجه وانت فاهمه غلط واصلا لا يمكن تحصل حاجه قالت لي والسبب شنو؟ قلت ليها عشان انا ما نوعو المفضل قالت لي طيب انت ما نوعو هو بغير عليك لي قلت ليها هو ما بغير بس بحب يتدخل في حاجات ما بتخصو قالت لي انت غبيه ولا بتتغابي؟ قلت ليها الاتنين وانا تعبانه ممكن ما تزعجيني وخليني ارتاح قالت لي طاايب بي رحتك😒اخدت شاور وصليت العشاء وكنت شبعانه الحمدلله لقيت عصير شلت كبايه ودخلت الغرفه وانا رايقه احسن اقرا روايه تلفوني ضرب وكان رقم غريب
=السلام عليكم
(صوت منصور)
-وعليك السلام
=وصلتي كيف؟
-ضحكت وقلت ليو والله عتبت الباب ودخلت بيتنا😂هو زاتو ضحك قال لي ضربت اقول ليك في حاجه نسيتيها في عربتي قلت ليو حاجه شنو قال لي بكرة بتعرفي قلت ليو لا يااخ كدا من الشمار ما بقدر انوم🤦♀️قال لي احسن زاتو وقفل الخط تخيلو بس فتشت شنطتي ماف حاجه ناقصه ياربي قصدو شنو انتبهت انو جاتني مكالمه من عمرو وانا بتكلم مع منصور رجعت ليو قال لي مشغوله مع منو قلت ليو ما بخصك عايز شنو قال لي احسن ليك تاني لو سألتك من حاجه ما تقولي لي ما يخصك عشان ردي ما ح يعجبك قلت ليو وبرضو ما يخصك😏قال لي انتظريني وقفل الخط غايتو الواحد امن يكون فاضي شغله بعمل كدا خرب لي مزاجي زاتو انقلبت على الحيطه ونمت
تاني يوم كان عندي محاضرة الساعه 7ص فكان لازم اصحى بدري والحمدلله لحقتها مشيت لي ايه كانت قاعده في المكتب مع راجلا😂قلت ليها تاني
انت ما بتتكنسي من المكتب دا قالت لي راجلي وقرة عيني ما زول غريب وغمزت ليو😏👋قلت ليها ماف زول غالطك فيو كدي تعالي عايزاك في موضوع طلعنا برا قلت ليها انت منصور دا صاحب طارق من متين قالت لي اييك ليهم سنين مع بعض لي مالو قلت ليها والله بس قال عايز يقابلني بحجه اني نسيت حاجه في عربيتو وانا متأكده انو ماف شي قالت لي وانت يا دحشه بترفسي النعمه لي جاك لحدي عندك مالك بتابي🙂قلت ليها انا ما ابيتو لكن عايزة اعرف اذا هو كويس ول لا قالت لي من الناحيه دي ما تخافي طالما هو صاحب راجلي معناها كويس شديد قلت ليها اتلهي عليك الله😒قالت لي والله جاده معاك هو انسان كويس والا طارق ما بقاو صحبو وبعدين انا في لو حصلت اي حاجه ح اكون معاك بستها في خدها وقلت ليها يخليك لي😍💛قالت لي يخلني لي راجلي وقرة عيني🙈❤قلت ليها تُف من الأعماق🙂منصور ضرب لي قلت ليو في الجامعه قال لي انا زاتي وصلت شويه وجاء خاشي سلم علي وقعدنا في واحد من البنشات
-اها نسيت شنو؟
منصور:شماره للدرجه دي😂
-اي وح اموت لو ما قلت ليك
=في الحقيقه انا النسيت ما انت
-ح تلف وتدور كتير
=خليها ما وقت السيرة دي
-ياربي ما تتكلم يا انسان🤦♀️
طلع ورقه وقلم وقال لي بما انك ح تكوني وزيرة العروس وانا كذلك بالنسبه للعريس في حاجات لازم نتفق عليها قلت ليو زي شنو يعني؟ قال لي مثلا نحن ح نمشي نشوف ونحجز الشقه الح يقعدو فيها وتذاكر السفر والتصوير ومشغوليات كتير قلت ليو فعلا كلامك صااح دا كلو كان فايت علي قعدنا قريب ساعه ونص ولا ساعتين ونحن بنرتب ليهم في الحاجات ايه شافتني قاعده مالو وبقت تغمز لي وتضحك الهبله جات قالت لي ارح يالسمحه ماشين نختار الفستان قلت ليها هسي قالت لي امي بكرة ح تحبسني وماف لي طلعه تاني قلت ليها خير اخلص الفي يدي دا واجيك قالت لي ما تتأخري قلت ليها حاضر اتقدمت هي وطارق ورجعنا لي شغلنا ما قدرنا كملناو قال لي خليو لي وقت اوسع قلت ليو ان شاء الله مشيت لي ايه وقلت ليها عارفه المحلات الح نمشيها قالت لي ماف حاجه في بالي قلت ليها انا جهزت مع منصور قايمه فيها احسن المحلات ممكن نمشي نشوف ولو عجبك واحد نبقى عليو قالت لي نااايس😍ابتدينا بي كوفير كل ما نمشي السوق ونجي بشارعو بتقول لي انا نفسي البس هنا قلت ليها اها رايك قالت لي وااي انا بحبك لكن ما اكتر من راجلي🙈❤قلت ليها انا ح اسكت بس🙂دخلنا وفضلنا بنتفرج وهي كل شويه تختار واحد في النهايه قالت لي واااي انا هسي ما عارفه اختار ياتو قلت ليها نجرب والبجي فيك احلى تختاري قالت لي ناايس فكرة حلوه💛🌻يمكن لبست قريب لي اربعه فستانين حتى اختارت🤦♀️قالت لي خلاص المرة دي اخر مرة قلت ليها الحمدلله اتفقنا معاهم واديناهم عربون قالت لي بكرة من افتح عيوني القاك قدامي عشان جايبين الشيله قلت ليها ان شاء الله ما بتأخر لو اتسهلت لي ولقيت مواصلات سريع قالت لي ما تشيلي هم بتصرف وصلوني البيت ومشو
