واقفه على اعصابي عايزة اعرف دي منو الهبله المنتحله شخصتي وكمان بتشحد الاولاد بي اسمي الخط فتح وردا لكن صوت ولد قال ليو عايز شنو ردا ليو ست التلفون دي وين قال ليو انت....التلفون دا حقي قال ليو حقك كيف وانا امبارح اتكلمت مع ستو قال لي انت...ما بتفهم قلت ليك التلفون دا حقي ولو ضربت فيو تاني ما تلوم الا نفسك وقفل الخط قلت ليو انت عايز تلعب علي يعني😠اهو الرقم طلع حق ولد صفقت وقلت ليو برافو قصتك رهييبه وتستاهل عليها جايزة قال لي اقسم ليك برب العباد انا ما كذبت عليك وانا ح اعرف دا منو البلعب علي وختاك في طريقي قلت ليو امشي شوفو بعيد عني وياريت ما تتعرض لي تاني عشان تصرفي ما ح يعجبك وقتها ومشيت منو لكن راسي ضرب ما هو دي ما اول مرة ونفس الرقم الضرب لي اسامه ضرب للولد دا ومنتحل شخصتي المرة الفاتت بت وهسي ولد طيب هم بعملو كدا لي انا ما حصلت غلطت على زول لي مركز في حياتي كدا وبحاول يخربها لي "اللهم اشغل عبادك عني بما يحبون" رجعت البيت لقيت نور قاعد بتونس مع امي سلمت عليو من بعيد ودخلت الغرفه رقدت في السرير شويه وامي جات جضمتني وقالت لي بتسلمي عليو كدا قلت ليها هو عارف امشي اسألي🙂قلت لي قومي خالتك قالت تجي تقعدي معاهم كم يوم قلت ليها معليش تعبانه ما ماشه حته قالت لي سما اسمعي الكلام قلت ليها يا امي غصب هو ما عايزة امشي قالت لي ان شاء امشي سلمي عليهم وتعالي عشان ما تزعل منك قلت ليها يا امي لو سمحتي ما تضغطي علي قالت لي بي راحتك وطلعت(دي معناها يا خساره تربيتي وانت ما بتسمعي كلامي🤦♀️)شكلها كلمت نور عشان دق الباب وخشى قلت ليو ما تتعب نفسك ما طالعه من الغرفه دي قال لي انا ما جيت اسألك عاين في ساعتو وقال معاك نص ساعه تجهزي فيها قلت ليو انت بتهظر صااح سمعتني لمن قلت ما ماشه غصب هو🙂قال لي اي غصب لمن تقوي راسك يبقى غصب وامشي سريع قبل ما اتصرف معاك وحمر لي بطريقه تخوف قمت ادوشت وغيرت ملابسي وطلعت معاو ركبت وما فتحت خشمي
نورالدين:ما ناويه تتكلمي معاي
-....ولا رديت عليو
=انا عارف روحي غلطان لكن كنت مضغوط وما قادر اتكلم في الموضوع
-انا سألتك هسي😒
=عارفك زعلانه من النقطه ديك
-عادي وازعل لي ما فيها حاجه لو بقيت انا بحكي ليك اي حاجه بتحصل في حياتي وانت لا🌚
=عادي...ايوا فمهت الليله موضوعي مطول
-سريع عشان عايزة ارجع البيت
=ما على كيفك ارجعك وقت انا عايز وانت تسكتي
-لي بالله عاقد علي ولا عاقد علي🙂
=ممكن يحصل ما بعيده
-ما تظهر معاي
=دا ما موضوع هظار امي وامك متفقات وممكن في اي جمعه ننط ليكم ونقعد
-خيالك الواسع دا🥲
مشينا مطعم ظريف كدا اكلنا وحاول يخفف دم وانا متساغله معاو وابيت اضحك لكن هو ما وقف محاولات منها قعدنا في محل اسكريم اكلت لمن قلت بس ونحن راجعين على البيت قال لي اسف عشان ما بعرف اشارك لحظاتي الحزينه معاك وما بحب تزعلي معاي قلت ليو ما من حقك نفرح سوا وتزعل براك كدا انا ح اعمل زيك قال لي لا ما تعملي كدا وانا ح احاول قلت ليو يعني هسي ماف اي امل ترجعو قال لي ما اظن والفيو الخير ربنا يكتبو قلت ليو اللهم اميين وصلني قدام الباب وقال لي ما تزعلي مني قلت ليو انت حاول ما تزعلني قال لي ان شاء الله ودعتو ونزلت دخلت البيت سناء قالت لي يابت المحظوظه وكمان مشتري ليك هديه قلت ليها هديه شنو؟ قالت لي دخلت الغرفه لقيت في كيس مختوت في السرير فتحتو لقيت فيو جزمه مشيت شفتو لقيتها جزمه بيضاء مرسوم فيها زهرة عباد الشمس🤤💛🌻شده ما حلوه لمن تهبل عديل جريت شلت تلفوني وضربت لي نور قبل ما انطق قال لي عارفك ماديه والكلام ما بياكل معاك عشان كدا جيت بي رشوتي😂قلت ليو احلى رشوه فيك يا دنيا وما انحرم منك يارب🥺❤قال لي ولا منك
وانا بتكلم معاو خشت لي مكالمه من ايه فصلت منو ورديت ليها قالت لي يا سنقل يا بائسه بترغي مع منو هسي قلت ليها مع نور قالت لي لو بتسمع كلامي وتربطي معاو ما احسن ليك بدل امور البحبو بعض وما قادرين يعترفو ديل😒قلت ليها انت ما قادرة تفهمي العلاقه البينا انا بحبو وهو بحبني لكن ما الحب داك لا حب تاني احلى منو بي كتير وفايتو بي مراحل قالت لي اي غشي نفسك كدا لمن تلقي نفسك بقيتي مرتو😏قلت ليها ما ح اناقشك تاني🙂قالت لي ما تلهيني انا ضربت عشان اقول ليك بكره الساعه عشرة بالضبط ح تجيك عربيه جمب الباب اياك تتأخري ولا ثانيه والا البحصل ما طيب اركبي فيها وما تتكلمي ولا تنطقي بحرف وكلو لي سلامتك يلا مسافه نص ساعه وح تلقي نفسك في السوق تنزلي من غير ما تتلفتي وتخشي اول دكان على يدك اليمين بتلقيني هناك عشان نشتري الشيله😂طبعا لو كانت قدامي كان اديتها كف فقدتها الذاكرة🙂وهي السجم ماتت بالضحك قلت ليها اصبري لمن القاك امانه ما ح اندمك🌚قالت لي ياخراشي ياخراشي لي بكرة وما تتأخري عليك الله قلت ليها طيب
