اتصمغت في حتتي مسافه بعاين ليو وهو واقع في الارض جسمي خدر وغلبني اتحرك بعد مجاهده حتى يا الله جرجرت رجليني ووقفت فوق راسو وبقيت بعاين ليو وما عارفه اعمل شنو تاني كوركت ابوووي💔قعدت جمبو لكن كان ما بتحرك وبتنفس بي صعوبه💔كوركت لي امي جات مخلوعه ما وقفت فهمتها حاجه بس جريت ناس مروة حفيانه من غير ما البست توب ولا عبايه وما شايفه قدامي لمن اطقشت بي عمرو وهو طالع من المطبخ رميتو وكسرت الكبايه الكان شايلا وفوق دا عفصتها💔لكن من العلي والخلعه الدخلت فيني ما حسيت بالوجع💔
عمرو:بسم الله سما انت كويسه؟
بقيت بتكلم بي صوت مقطع والبكا ما خلاني اعرف انطق رفع لي راسي بديو وقال لي روقي عشان اقدر افهمك وانا بس ببكي وبقول ابوي يا عمرو....و...و واقع في الارض....وما برد علي...ا....ارح نودي المستشفى😭💔
=سما انا ما فاهم حاجه بطلي بكاء لو سمحتي
-انت ارح معاي بس😭💔حاولت اقوم ما قدرت الجرحه الفي رجلي مصعبه علي الموضوع هو قام وقومني معاو جريتو من يدو وشاف امي بتبكي وسناء دي واقفه ومصدومه ما بتتحرك زحانا من جمب راسو وطلع الشارع نادى واحد من اولاد الجيران شالو معاو وركبو العربيه طلعت وراو كورك فيني وقال سما ارجعي البسي ليك حاجه هو انا ما كنت منتبه لي نفسي لبست عبايتي ومشينا معاهم وانا بدعي ياارب ما تحصل ليو حاجه💔اسعفو ودخلو غرفه العمليات
عمرو:استهدو بالله يا جماعه ما كدا ان شاء الله بقوم كويس
-يارب ما تمتحني فيو والله ما بقدر اعيش من دونو ياارب😭💔
سناء:ببا ابوي ح يبقى كويس مش😭💔
حضنتني وبكينا عمرو جراني من يدي وقال لي ارح يضمدو ليك الجرح قلت ليو خلي ما وقتو قال لي ما على كيفك غصبني ووداني للسستر اول ما ختت لي المطهر دموعي نزلو قال لي روقي هسي ح تبرد غمضت عيوني ونضفو لي الجرحه وختو ليها لصاقه قعد جمبي وقال سما انا عارف انو الموقف صعب لكن دا ما وقت تنهاري فيو امك واختك محتاجنك ومستندات عليك خليك قويه عشانم اول وعشانك تاني
-حاولت يا عمرو والله حاولت لكن ما قدرت دا ابوي😭💔
=حاولي تاني وتالت ورابع لانو بستمدو قوتهم منك اذا انت كنت كدا عايزام يكونو كيف اتوكلي على الله وما بحصل الا كل خير وانا معاك
-ان شاء الله يارب ان شاء الله😭💔
بعد ساعات من الانتظار طلع الدكتور واخيرا طمنا عليو وقال جاتو جلطه لكن الحمدلله عدت على خير ح يختو تحت الملاحظه 12ساعه بعدها بحولو غرفتو وممكن نشوفو من الفرحه ما فضل الا احضن الدكتور😭💛
ياداب ارتحنا والحمدلله رجع لينا سالم غانم💛🌻
مشيت المصلى صليت ركعتين شكر وقريت قران ومن التعب نمت في حتتي صحيت بي ايه فوق راسي
-ايوته جيتي متين؟
ايه:من قبيل وكنت نايمه ما حبيت ازعجك
-الوراك منو؟سناء
+لمن مشيت الجامعه وما لقيتيك ضربت في تلفونك كتير ولما ما رديتي ضربت ليها وقالت لي انو في المستشفى وحمدلله على سلامتو ما تشوفو فيو شر يارب
-اللهم ياارب ولا زول ما يشوف شر في البحبهم
+انت كويسه؟
-بعد اطمنت عليو بقيت احسن كتير
+ارح طيب ماما واسامه برا عايزين يكفرو ليك
-حااضر
ما كان عندي بانده الم بيها شعري والحاله الجيت بيها المستشفى ولا البجامه اللابساها مع سفنجه كل وحده من بلد والعبايه المفتوحه وفوق دا وسخانه غايتو الخلعه ما بتخليك تشوف قدامك🤦♀️ايه ضفرتو لي وغسلت وشي ومشيت
مروة:يعني انا اخر من يعلم😒
-ما قصدت والله بس وقتها الوضع ما سمح لي افكر في اي شيء غير صحه ابوي
+غلبك تكوركي لي عشان نمشي معاكم وبعد دا نجي نلقى الغرباء قاعدين
-ميمي عليك الله وضعي ما مستحمل لوم جات كدا اعفي لي
سلافه:زعلت منكم والله لو بعيدين ما مشكله لكن بالزقاق دا لو ندهتو بنسمعكم
هند:المرة الجاي لمن زول يقع بنوريكم اول حتى نودي المستشفى😒
الجو كان متوتر شديد وانا براي تعبانه وما حمل فارغه زي دي طلعت برا قعدت تحت شجرة واخدت نفس يريحني
اسامه:الف حمدلله على سلامتو
-ربنا يقبل حمدك
=انت كويسه؟
-اهو بحاول
=ما مجبورة تمثلي القوة انهاري لكن بينك وبين نفسك واطلعي للناس جبل ما يهزك ريح ما تخلي بشر يعرف نقطه ضعفك عشان الضربه ح تجي من هناك
-كلامك دا جاني في جرح لكن لزومو شنو في الوكت دا؟
= ح تعرفي قدام وان شاء الله تستفيدي منو وتعملي بيو
-بإذن الله
شايفه في البوابه نورالدين وخالتو هاله واقفين والحارس ما عايز يسمح ليم يخشو مشيت حنستو حتى خلاهم دخلو خالتو حضنتني وقعدت تبكي قلت ليها ما تبكي ابوي كويس الحمدلله دخلتها جوا لي امي نور قال لي تعالي عايز اتكلم معاك طلعنا برا قال لي عارف انو الوقت المريتي بيو ما هين واعفي لي عشان ما قدرت اكون معاك قلت ليو ما لايماك والله انا وقتها ما فكرت في شيء غير ابوي وهسي الحمدلله بقى كويس ودي اهم حاجه قال لي الحمدلله وما على قلبو شر قلت ليو تسلم
