لمن سمعت كلامو شعر جسمي لمن قام عايزة اعرف وخايفه من اجابتو قلت ليو منو قال لي وحده اسمها سلمى بتقرا في طب اسنان قلت ليو وصفها لي وطلعت ياها سلمى زاتها صحبه مروة ما انكر انا عارفه انو ما بتحبني لكن لي تعمل كدا انا سويت ليها شنو عشان استحق منها المعامله دي💔مشيت وانا من شدة ما زعلانه لمن ما شايفه قدامي كانت واقفه مع محمد قلت ليها عايزة اتكلم معاك قال لي في شنو قلت ليها انت بي ياتو حق بتنتحلي شخصتي وتتكلمي بي لساني قالت لي انت بتخرفي وتقولي شنو قلت ليها اياك تنكري لانو انا ممكن هسي اجيب ليك الزول الغشيتي بقت تتلفت وتقول لي انا ما عملت حاجه وانت كضابه قلت ليها طيب خليك هنا ضربت للولد خمسه دقايق وجه هي فنقلت عيونها كبار وبقت تتمتم قلت ليها مصرة تنكري قالت لي انا ما عملت حاجه امشي اسألي صحبتك وبير اسرارك قلت ليها لمن اتزنقي عايزة تلصقيها في غيرك مش قالت لي ما محتاجه لانها قايمه بالواجب واحب اقول ليك هي الضربت لي اسامه واتكلمت معاو وصاحب عمرو برضو ربطت معاو بي اسمك قلت ليها بطلي كضب وما تتعبي نفسك اصلا ما شايلاك من ارضك وعمايلك دي بتشبهك قالت لي امشي اسأليها ولو نكرت يبقى انا الغلطانه قلت ليها انا واثقه فيها وكلامك ما بهز شعره في ثقتي ضحكت بي صوت عالي وقال لي مسكينه وثقتي في الشخص الغلط قلت ليها اسكتي ما عايزة اسمع منك شي قالت لي اسأليها بتحبي عمرو وهي الالفت قصه عرسو وخلت سارة تتلصق فيو من غير علمو ورضاو ما وقفت سمعت باقي كلامها ومشيت وفي راسي الف سؤال وسؤال ما قدرت احضر باقي محاضراتي ورجعت البيت مصدعه وعمرو ما برد علي الحمدلله بس على اليوم دا
صحيت المغرب كدا اكلت مع ننا وكانت متغيرة ما عارفه مالها قلت ليها هيي انت كويسه؟قالت لي ببا انت واثقه من عمرو دا قلت لي اي واثقه منو لي في حاجه قالت لي مروة حكت لي انو هو بتاع لعب وجنو بنات وخرشات وولد ما كويس وانا خايفه عليك منو🥺قلت ليها ننا انت متأكده مروة القالت كدا قالت لي انا زاتي استغربت منها جاتني قبيل وحكت لي براها قلت ليها طيب انا ماشه اتكلم معاها ما قدرت اكمل اكلي لبست توبي ومشيت كانت بتضرب منكير قعدت قصادها وقلت ليها ميمي قالت لي اها قلت ليها انت متشاكله مع سلمى قالت لي اي اتناقشنا مالا قلت ليها وصلت لي كلام كتير وما صدقتها ختت المناكير وقالت لي كلام شنو قلت ليها ما مهم انا واثقه فيك وعارفاها بتكذب بس عايزة اسألك من حاجه قالت لي في شنو قلت ليها صحي عمرو دا بتاع بنات قالت لي ايييك عمرو دا خاربها ما خلى بت حايمه ربط مع السمرا والصفرا الحلبيه الطويله القصيره السمينه الضعيفه ماف واحده سلمت منو لا بت جيران ولا قريبه من الاهل ولا غريبه ملخبط في كلو قلت ليها انت واثقه من كلامك دا قالت لي حبيتي صااح انا مش كلمتك من البدايه عمرو دا ما تقربي منو لانو بتاع بنات وانا خايفه عليك منو عارفه انو ما ح يقول ليك اني كعب انت عارفه هو جاء بيتنا لي ح تعرفي كيف اكيد ما كلمك ابو طردو عشان بساهر وما بجي خاشي البيت الا الساعه تلاته ومرات بكون خارش وما واعي ومرة علي طلعو من الحراسه بي كفاله انت واعيه للبقولو دا انا بس بسمع فيها قالت لي ما تتصدمي انا قلت ليك من البدايه ابعدي منو وما سمعتي الكلام قلت ليها انا عارفه بي دا كلو عمرو حكى لي وما خبى عني حاجه
