احببتُ غامضة

الفصل السادس والثلاثون

*لا تهمل صلاتك ليتها الرقعه الأخيرة♥✨
*عطر لسانك بذكر الله والصلاه على النبي ♥✨
ـــــــــــــــــــــــــــــــــــــــــــــــــــــــــــــــ
_انتي اكيد اتجننتي ازاي تاخدي القرار دا من غير ما تقوليلي... لا كمان لولا اني دخلت عليكي كان زمانك مشيتي من غير ما تقوليلي كمان وكنت هعرف زيي زي الغريب...

قالت شاهي هذه الكلمات بصراخ علي قمر عندما قالت لها انها تريد الذهاب الي المانيا اليوم وانها ايضاً قد حجزت التذكره للرحله التي بعد ساعه من الآن...

قمر..:  لو سمحت يا شاهي سيبيني براحتي انا مستحيل اقعد هنا دقيقه كمان بعد الي حصلي...

شاهي...:  الي عمل كده في السجن دلوقتي واخد جزاته.. ايه لازمتها انك تهربي..

قمر.بصراخ وقد فاض امرها..: هرتاااااااح هرتاح من الي فيه هرتاح اني هبقي لوحدي... هرتاح عشان هبقي متأكده ان مفيش حد هيسأل عليا... هرتاح ياشاهي.. ساعات بتكون الراحه في البُعد...

شاهي...:  قمر اسمعيني...

قمر...:  اسمععع ااايهه فاكره يا شاهي لما روحت زورت سيلا في المستشفى ورجعت بسرعه وقعدتي تساليني ليه رجعت بسرعه احب اقولك اني اتضايقت اتضايقت لما شوفت انها لما كانت تعبانه لقت العيله كلها بدون مبالغه حوليها.. كلهاااااا... انا بقا لما خلاص كنت هبقي ضحيه اغتصاب ولما فقت ملقيتش غيرك حتي امي ملقتهاش.. اختي الي هيا المفروض امي التانيه ملقتهاش... اخوياااااااا الي هو المفروض سندي بعد ابويا... ملقتهوش. تقدري تقولي هما فين دلوقتي.. مش معايا... المفروض دلوقتي ابقي بعيط في حضن امي وهي بطبطب عليا بس مفيش امي.. انا عندي ام بس زيي زي اليتيمه.. انا حاسه لو جرالي حاجه مش هيبقي فيه حد جمبي.. انا هسافر يا شاهي هقعد في بيت بابا هناك هشتغل بشهادتي وابني نفسي وهاثبت لنفسي اني مش محتاجه ولا ام ولا اخت ولا اي حد... هبدأ حياه جديده.. وهبقي علي تواصل معاكي يا شاهي ومش هنساكي صدقيني..

مسحت شاهي دموعها واقتربت من قمر واحتضنتها وبكوا سويأ علي ما وصلوا إليه...

قمر..برجاء ودموع.:  ارجوكي سيبيني امشي...

شاهي...:انتي عارفه انتي ايه بالنسبالي...

قمر...:عارفه..عارفه والله بس صدقني..محتاجه اخد شويه وقت عشان ارجع قمر الي تعرفيها...

شاهي....: ماشي يا قمر هسمحلك تمشي بس بشرط...

قمر...: ايه هو...

شاهي...: هتبقي علي اتصال دايما وانك عمرك ما هتقفلي تليفونك ابدا....

قمر بأبتسامه بسيطه...: موافقه..

قامت قمر لقفل سحاب حقيبتها وذهبت شاهي حتي تجهز حتي تقوم بتوصيل قمر هفي بالطبع لن تتركها تذهب وحدها..