احببتُ غامضة

الفصل السادس والأربعون

-في المزرعه..

دخل مينا الي مكتب ايسم الذي كان يراجع بعض الأوراق..

مينا وهو يضع أمامه ملف وتحدث بغموض... : مراقب كل حركه بنتحركها..

ايسم. ببسمه مخيفه.. : ودا المطلوب..

مينا.... : بس بعد دا كلو ايه الي هيحصل..

ايسم... : لازم يموت حد فينا...

مينا... : تعرف انو نقل شغله كلو هنا..

ايسم... : طبعا اعرف وانا ساكتلوا بس لو فكر انو يقرب عليها ساعتها هيشوف الوش التاني...

________________________
في صباح يوم جديد نزلت ريتال الي الأسفل حتى تتناول وجبه الفطور لتجد كل من في البيت موجود تقريباً.. جلست بهدوء على مقعدها بعدما ألقت تحيه الصباح و اخذت تتناول فطورها بهدوء. قاطع هذا الهدوء صوت الجد..

الجد... : جهزي نفسك يا ريتال انهارده على العشيه عشان في عريس جاي يقابلك...

ريتال وهي تسعل بعنف ثم شربت بعض قطرات المياه وهي تقول وهي تنهج... : عريس..

الجد.... : ايوا عريس چاي عشان يطلب يدك ولو حصل قبول يبجي خير وبركه ولو محصلش قبول يبقى مع السلامة..

سميره. باستغراب .. : مين دا يا بوي..

الجد.. : عباس ولد محمد.. متعرفيهوش انتي..

ريتال وهو تنسحب بضيق.. : بعد اذنكم..

انسحبت ريتال تحت نظرات أحدهم الغامضه ونظرات الجد المستغربه.. صعدت لهفه خلف ريتال وهي تسحبها الي غرفتها وتجعلها تجلس على الفراش رغماً عنها...

لهفه....: مالك يا توتا..

ريتال بضيق... : مفيش..

لهفه وهي تمصمص شفتيها... : امال لو فيه بجا كنتي هتعملي ايه..

ريتال وهي تنظر للجهه الأخرى بضيق... : مفيش يا لهفه ممكن تسيبيني لوحدي..

لهفه وهي تمسك وجهها حتى تواجه عينيها باصرار ... : يحبيبتي انتي بنت زي اي بنت بيچيلك عرسان دا غير انك زي الجمر والف مين يتمناكِ وبعدين ابوي مش غصبك على حاچه دا الراچل عداه العيب جالك لو فيه قبول هتتچوزوا ولو مفيش يبجي مع الف سلامه.. انتي بقا متضايقه ليه..

ريتال... : مش عارفه... بس أنا أصلا مش بيجيلي عرسان عشان مفيش حد يعرفني كتير ويمكن دا تالت عريس يتقدملي فممكن تقولي اني متوتره شويه.. (ثم أضافت بمرح) وبعدين دا اسمه يسد النفس اسمه عباس وابوه اسمه محمد يعني اسم ابوه احلى من اسمه..

لهفه بضحك وهي تضع يديها على بطنها المنتفخه فهي في آخر شهور الحمل.... : دمك شربات يا ريتال اروح انا بجا اجيب فطار من تحت ونفطر سوا عشان مش فطرنا..

ريتال... : لا انا هنزل اجيب ارتاحي انتي..

________________________
_في بيت مراد وملاك..