احببتُ غامضة

الفصل الرابع والاربعون

*لا تهمل صلاتك ليتها الرقعه الأخيره✨♥
*عطر لسانك بذكر الله والصلاه علي النبي✨♥
________________________
~في الصعيد

خرجت ريتال حتي تري من اين يأتي هذا الصراخ لتري انه يأتي من البيت الذي بجانبهم رجل يحمل أمرأه من الواضح انها حامل وعلي وشك الولاده وحولهم كثير من الناس.. والسيده تصرخ بشده.. اقتربت ريتال منهم لتسمع الرجل يقول..

الرجل...:  المستوصف جافل واقرب مستشفي بتاخد ساعتين بالعربيه ومفيش اي عياده فاتحه ايه العمل دلوقت..

ريتال بسرعه...:  انا ممرضه وممكن اساعد حضرتك..

الرجل...:  يلا بسرعه يا بنتي..

ريتال...:  ممكن بس حضرتك تحطها علي السرير..

دخل بها الرجل الي ما يسمي (الدور الأرضي) ووضعها علي سرير صغير وهي ما زالت تصرخ..

ريتال وهي تحدث السيده..:  كلها نص ساعه وكل دا ينتهي انا بس طالبه منك انك تتنفسي كويس وتدفعي علي ما تقدري ان شاءلله تطلعوا انتي والبيبي كويسين من هنا..

هزت المرأه رأسها ببكاء لتبدأ ريتال وهي ترتعش لأنها اول مره تفعل هذا الشئ فهي مجرد ممرضه وليست طبيبه بعد ربع ساعه معافره و ووجع وصراخ وبكاء ليرتفع صوت بكاء الطفل معلناً انه قد وصل الي عالم جديد لتبدأ حياته مع هذا العالم بدايه جديده خاليه من اي شئ..

ريتال وهي تضع الطفله بين يدي الرجل...:  الف مبروك بنوته زي القمر..

امسك الرجل ابنته بخوف لتضتح ريتال انها اول مولوده له بالتأكيد ليبدأ الأب بالتكبير في اذنيها والذهاب الي زوجته التي هي بين النوم واليقظه لتبدأ الأم بتقبيل ابنتها وتنظر لريتال بشكر..

الأب...:  هسميها ريتال علي اسمك..

ريتال بطفوله...:  بجد..

الأب...:  ايوا لولاكي مكنتش هعرف اعمل ايه انتي نجده من ربنا ليا... شكرا ليكي...

ريتال...:  انا معملتش حاجه.. انا بس عملت واجبي مش اكتر بس هي الصبح لازم تروح المستشفي تطمن عليها وعلي البيبي..

الأب..:  اكيد... ممكن تاخدي دول..

مد يده لها برزمه من الورق لترفض ريتال بشده النقود فهي لم تفعل هذا من اجل النقود بل من اجل ان تنقذ هذه المسكينه والطفله... خرجت ريتال وعادت الي المنزل وقد بدأت الشمي بشق انوارها في السماء لتعود مره اخري الي المنزل وفتحت الباب لتري والدتها تبكي في الساحه وجدتها تحضنها ومن الواضح ان ليس احد مستيقظ الآن..

ريتال.بخضه..: مالك يا ماما بتعيطي ليه..

سميره وهي تتحقق انها سليمه..:  كنتي فين يا ريتال صحيت مش لقيتك جمبي ودورت عليكي كتير مش لقيتك...