احببتُ غامضة

الفصل الخمسون

طب يا بنات انتوا اكيد ملاحظين اني مش بنزل كتير ومعظمكوا بيدخل برايفت وبيسألني وانا مستغربه ان معظم الناس مش بلاقيهم عاملين ولا حتي ڤوت واحد او حتي كومنت وبيبقوا عايزين البارت التاني علي طول... فأنا حقيقي السبب الوحيد الي مش بيخليني انزل علي طول هو الدعم وبجد بتضايق جدا فبطلب من اي حد يشوف البارت دا يحط ڤوت فضلاً وليس امراً...
قراءه ممتعه..
ـــــــــــــــــــــــــــــــــــــــــــــــــــــــــــــــ

صلوا علي شفيع الأمه ❤️
ـــــــــــــــــــــــــــــــــــــــــــــــــــــــــــــــ

_"تمام كدا تقريبا خلصنا نص الشغل... النص الثاني بكره ان شاء الله"

-"فعلاً دا الي هيحصل انا خلاص فصلت يلا نروح"

والفعل عاد كل من مراد وملاك الي بيتهم بتعب وبدل كل منهم ملابسه واحضرت ملاك الطعام وقام مراد بمساعدتها وأكلوا سوياً بعدها قامت ملاك بصنع القهوة لهم وتوجهوا للشرفة حتى يستمتعوا بالجو ليلاً مع القمر...

مراد بتفكير وهو شارد الي السماء:
_"تفتكري هننجح يا ملاك"

ملاك بثقة وهي تنظر إليه:
-"هننجح طبعاً صدقني انا واثقه من دا"

مراد وهو ينظر إليها بابتسامه:
_"قهوتك حلوه...شبهك بالضبط"

ملاك بخجل وابتسامه:
_"احم... شكرا "

مراد بضحك على خجلها:
-"انتي بتتكسفي؟"

ملاك باستغراب:
_"ايه السؤال دا؟ اكيد بتكسف ما انا بنت"

مراد بتوضيح:
_"اول مره اتعامل مع بنت بتتكسف"

ملاك:
_"لا اتعود بقا احنا شكلنا مطولين"

مراد بفضول:
_"مش هتقولِ ايه الصلة الي بينك وبين الراجل الي اسمه عادل دا"

ملاك بتوتر فهي لم تتوقع هذا السؤال منه ابدا:
-"ايه لزمته السؤال دا"

مراد باستغراب:
_"عادي عايز اعرف...هي حاجه عيب؟"

ملاك بنفي وهي تتهرب من عيونه المسلطة عليها:
-"ل لا مش عيب... بس هي حكاية قديمة اوي... من ساعة ما كانت ماما عايشه"

مراد وهو يعتدل في جلسته:
_"هو الموضوع ليه علاقه بطنط ايمان"

ملاك بغموض:
-"حاجه زي كدا "

مراد وهو يحاول ربط الأحداث:
_"بس الواضح ان مفيش حد غيرك يعرف لأن عمر مش عارف ولا ملك.. يبقي الموضوع عندك انتي"

ملاك بتهنيده:
-"دي حقيقه"

مراد:
_"لو مش عاوزه تحكي It's okay مش هضغط عليكي"

ملاك بتوضيح:
-"لا مش قصدي كدا بس يعني اني احكي حاجه زي كدا صعبه عليا شويه...بس مش اكتر"