Unicode
စေဟန် အသက်ရှုရတာ ကျပ်လာတာကြောင့်
အိပ်နေရာကနေ နိုးလာခဲ့သည်။
အိပ်ယာက နိုးနိုးခြင်း သူ့ရဲ့ လည်ပင်းပေါ်ကို တက်ဖိထားတဲ့
သွန်းဓနသော်ရဲ့ ခြေထောက်ကြီးကို မြင်လိုက်ရသည်။
*ဒီသူတောင်းစားကတော့.....*
ခြေထောက်ကို အားနဲ့ တွန်းဖယ်လိုက်ပီး
အိပ်မောကျနေတဲ့ သွန်းဓနသော်ရဲ့ မျက်နှာပေါ်ကို
ခေါင်းအုံးတစ်လုံး ပစ်တင်ပီး ထွက်လာခဲ့လိုက်သည်။
သန့်စင်ခန်းထဲ ဝင်ပီး မျက်နှာသစ် သွားတိုက်လုပ်ပီးတော့
အိမ်ရှေ့ကိုထွက်ပီး ခြံထဲကို ငေးကြည့်နေတုန်း
"အကိုစေဟန် နိုးနေပီလား "
ဈေးက ပြန်လာဟန်နဲ့ တူတဲ့ မောင်လွန်းက အထုတ်တွေ
လက်က သယ်ရင်း လှမ်းမေးသည်။
"ဟုတ်တယ် ညီလွန်းက ဈေးက ပြန်လာတာထင်တယ် "
"ဟုတ် အကိုတို့ စားဖို့ သိပ်မရှိလို့လေ
ဗိုက်ဆာနေပီလား ကျွန်တော် နွားနို့ ဖျော်ပေးမယ် "
"ရပါတယ် အေးဆေးပေါ့ ညီလွန်းကို မေးစရာတော့ရှိတယ်"
"မီးဖိုချောင်ထဲ လိုက်ခဲ့လေ
ကျွန်တော်လည်း ချဉ်ပေါင်ရွက် ခြွေစရာရှိတာနဲ့ အတော်ပဲ
အကိုမေးတာလည်း ဖြေရင်း ချဉ်ပေါင်ရွက်လည်း ခြွေရင်းပေါ့ "
"အေးအေး "
"အကို ထိုင် သိချင်တာ မေးလို့ရပါပီ "
"အင်း အကို သိချင်တာက ညီလွန်း သူငယ်ချင်း တိမ်ယံအကြောင်းပါ။ တိမ်ယံက ညီလွန်းတို့လိုပဲလား
မနေ့က လာခေါ်တဲ့ သူ့ဘကြီးဆိုတဲ့သူနဲ့ အတူနေတာလား "
"မဟုတ်ဖူး အကိုစေဟန်ရဲ့
တိမ်ယံက အရမ်းချမ်းသာတာ
ဘကြီးချိုက သူတို့အိမ်ရဲ့ အလုပ်သမားဦးလေးကြီးလေ "
"ဪ ဟုတ်လား "
"ဒါပေမဲ့ အရင်ကပါ ချမ်းသာတာက "
"သူ့မိဘတွေက စီးပွားပျက်သွားလို့လား "
"မဟုတ်ဖူး တိမ်ယံ အသက် ဆယ့်သုံးနှစ် လောက်မှာ
သူ့မိဘအရင်းတွေက တိမ်ယံ ကို အိမ်ပေါ်က
နှင်ချလိုက်ကြတာ
ဘာအကြောင်းကြောင့်လဲ ဆိုတာကိုတော့ တိမ်ယံ ကိုယ်တိုင်
တောင် မသိဖူးလေ
ဟူး~~
အဲ့လို နှင်ချခံရတော့ ဘကြီးချိုက တိမ်ယံကို သူ့ရဲ့ အလုပ်သမားအိမ်လေးမှာ ခေါ်ထားပီး
ဆယ်တန်းအောင်တဲ့အထိ စောင့်ရှောက်ပေးခဲ့တာ "
YOU ARE READING
နှလုံးသားရဲ့ ဥယျာဉ်မှူး ႏွလံုးသားရဲ့ ဥယ်ာဉ္မွဴး
Romance"ခေါင်းအစ ခြေအဆုံးဟာ ကိုယ့်ရဲ့ မြတ်နိုးရာ မင်းရဲ့ ဖြစ်တည်မှုက ကိုယ့်ရဲ့ ရှင်သန်မှု မင်းရဲ့ အပြုအမှုတိုင်းက ကိုယ့်ရဲ့ ရင်ခုန်ခြင်းတို့ ဖြစ်တည်ရာ... သည်လောက်ထိ မြတ်နိုးရပါသော ကိုယ့်ရဲ့ သည်းငယ်" စ...
