٢
فسحه امل
#بنت الرافدين
دخلت للبيت وجان تشوف بيبي
ملابسي المنتهيه وشعري
وهي ظلت تعيط هاي شبيج
ومن سواه بيج هيج.حجيتلها عن هدى
وهي ظلت تحجي عليه وانتي لشوكت
تبقين مرعبله وماناويه تكبرين
مو هذن بنات خالج مافد يوم وحده تعاركت
بس انتي ساعه سوده يوم الي ربيتج
اخذتني مرت خالي وكالت دخلي للحمام
وسبحي وغيري ملابسج
سبحت وبدلت وكعدت خالتي تمشطني
وبيبي لبست عبايتها وكالت يالله
شكو ؟؟؟
كالت امشي اروح اشكتي عليها عند
المديره
رجعت لبست قميصي وصدريتي
وجواريبي وحذائي
وطلعنا والطريق كوله بيبي تحجي
ساعه عليه وساعه على هدى
حد.ماوصلنا للمدرسه ودخلت بيبي على
المديره وظلت تشتكي
كالتها تفضلي كعدي هي كعدت واني بقيت واكفه وسالتني شنو المشكله
بعدها صاحت على العامله تصيح لهدى
وحجيتلها القصه حد.مااجت وبيبي كعدت
تحجي شون هي مربيتني وابوي مايسال عني
اصلا بيبي ماعدها غير قصتي وين ماكعدت حجت عليه
وظلت المديره ترزل بهدى وطردتها وبعدها
رجعت عليه هم ودكول لبيبي وكيحه
كالت يالله روحي على صفج
رحت لكيت ست ايمان وهم استلمتني
بعد خلص درس الانكليزي نزلت بلساحه
ادور على بنات خالي لكيت هنا يم الحانوت
بيدها طاسه لبلبي واستوها طالعه من السراه
وتخاف على الطاسه تنجفي
وكل ساع عاطت بلبنات حتى لايدفعوها
شافتني وكالت ها هنوده شونج
عمه بعينيج ان شاء الله يعني انتي
مادكولين هاي بت عمتي تعاركوا وياها
اساعدها افاككهم خليتني وحدي
اسفه والله بس اخاف منهم مشوفين كل
وحده جنه برميل
كمت جريت الطاسه منها والخاشوكه
هاي مكان ماساعدتني
لاعفيه هنوده والله جوعنه انتي موعندج
مصرف اشتري
جيبي
لو تموتين ماانطيجياه
بديت اكل وهي طاسه زغيره موجبيره
وهي تتوسل كملت شمرت الطاسه عليها
سم حتى سم ان شاء الله بطنج كالتلي
وعافتني وراحت
اي تستاهلين سمعتي لو اعيد
كملنه بقيه الدروس وهم بنهايه
الدوام اجه خالوا وكف ويه ست
سحر مادري شعنده يوميه واجه
رحت عليه سلمت وحجيتله عن هدى
والست تسمع كال شوكت هاي
كوتلها الصبح
كالتي باجر اني احجي وياها
كلي خالو روحي هسه انتي
طلعنه للبيت واجوا خوالي على الغداء
وهي بيبي استلمتني
وتشتكي عدهم عليه والمديره دكول عليها
برعه يوميه متعاركه ويه بنيه شكل
شوفلكم صرفه وياها
لو اخابر لابوها يجي ياخذها
تعبت اني مره مريضه وين بيه حمل
تربيه
ظل خالي يهدي بيها
واني مدنكه ولاحجيت شي
ويكلها طفلها ماتفهم بس تكبر تقعل
وتصير ست البنات
حتى الغداء سوته عليه زقبنوت
٠٠٠٠
بلايام الجايه نفس روتين المدرسه
والبيت بس هدى ابد ماتعرضلتي بعد
واني بطلت اتلاغى وياها مشت
امورنا طبيعيه طبعا اني ولااطلع بس المدرسه
يمكن بنات خالي هم نفسي بس
هما يرحون بيت جدهم لخالتهم
اني وين اطلع اظل مكابله بيبي وكاعده
حتى من تطلع للجوارين ماتاخذني وياها
بس اله عرس وبعد توسيل شكد يالله تقبل
اروح وياها
مرت لايام وصارت امتحانات اخر السنه
وبدينا ندرس اكثر اني وهنا
نكعد بفرغه بيبي لو بلحديقه وحده
تسمع للثانيه وبعدها ندرس طارق
بس سما امها درسها
وجان دوامنا صباحي ودنيا حاره اول
احنه السادس السنه بكلوريا
ولد.خالي كملوا قبلنه بقينا اخر شي
حد ماخلصنه اخر امتحان فرحنا كولش
لان حنكعد بلبيت
بعدها فتره نطونه النتائج الحمد الله
الكل ناحجين وبيبي تهلهل
