فسحه امل
١٧
مساء الخير
بقلمي بنت الرافدين
عشتار
........
الكل مخبوص بلبيت وحظروا ذبايح
واني هم جهزت نفسي وبدلت وسشورت شعري
وخليت مكياج ولبست فستان طويل
طلعت نهال للمطار تستقبلهم هي وابن خالتها
بس اني مارحت لان وداد. وهاي الخبيثه حتى ماكالت انشي ويايه
و ودادماتكدر تعوف البيت
بقيت كاعده على نار شوكت يجون
حد.ماسمعما اصوات سيارات وهورنات
كالت وداد اجوا رحت من باب المطبخ اباوع
الهم دخلوا كومه سيارات اهلهم كلهم جايين بقوا ينزلون واحد.يحجي ويه الثاني واني عيني عليه ٠اباوع على كل سياره توكف الى ان
وكفت سياره عاليه نزلت خالتي كلت هواكيد هنا فتحوا باب الاخير ونزلوا عربانه دفع
وقدموها على الباب الثاني وبدوا ينزلون بسامر
اني فكيت حلكي ليش عربانه مو هو راح يمشي
وصافنه ودموعي تصب احس واحد يطبب على
جتفي اباوع وداد وهي دكلي شبيج
شوفي واشترتلها بيدي
اي حبيتي عادي اكيد تعبان من السفر حدما حظنتي وظلت تهديني
ماكملت كلامها دخلوا والكراج بدء يفرغ
رحت اباوع للصاله هم ماكو سامر رحت اباوع
كل ثنين او تلاثه يحجون سواه بس هو ماكو
وخالتي صعدت فوك هي وبتها المن اسال
رجعت لوداد.سالتها كالت خلوه بغرفته
ممنوع احد يدخل عليه يخافون عاى عمليته من التلوث مايصير يختلط بلناس
يااا ولشوكت هيج
ها هنوده جنج اشتاقيتله
اي والله بس مو الي بالج بس اريد احجي وياه
اشوفه اسلم عليه
ههههه من يجي الطبيب اساله واخليج دخلين
عليه روحي ارتاحي
طلعت والبيت مليان ناس واني ماعرف احد.
بس اباوع عليهم كاعدين يسولفون سوه واني امشي عيني على غرفه سامر يعني
امشي ليكدام وراسي دايرته ليوراه ماحس اله انطخيت بشخص فزيت باوعت طلع خلدون
رجعت ليوراه واني اكوله اسفه
لامصار شي شونج هند
الحمد الله زينه كتله شونه سامر
ان شاء الله زين ظل يسولفلي على وضعه
وعن عمليته وشون بقى بلعنايه المركزه فتره
واني صافنه على كلامه ودخت اكثر كلشي مافهمت شي ترخصت منه ورحت لغرفتي
صار بوجهي لؤي ويخزوني بعيونه عفته ودخلت شبي هذا ناقصته اني لو هو نهال ماعرف شبيهم عليه
لليل يالله فضت الهوسه وخالتي ولانزلت صعدت الها سلمت عليها شكلها تعبان مو مثل اول ماسافرت ظلت تسالني على حملي وشكد.
بعد لمراجعتج كتلها هاي الايام اراجعها
ظلت توصيني ديري بالج عليه وخل نفرح بجيته للبيت بلكي سامر يتحسن من يشوفه
ياريت خاله
يالله محتاجه شي
لا سلامتج
تصبحين على خير
وانتي من اهله
نزلت جوه لغرفتي ظليت افكر بكلامه الكل دكول ان شاء الله او بلكي يتحسن ليش هو شبي مو كالوا بس يزرعوله الكلى يصير زين ويرجع طبيعي هذا الي جنت خايفه منه وكتله
لاتسافر كلبي حاسسني راح يصير بي شي
لا اسم الله الرحمن ان شاء الله يتحسن
ويعيش فتره اطول
بقينا يومين ناس طالعه ناس طابه وسامر على وضعه بلغرفه ماطلع منها ابد ولا احد.يدخل عليه جانوا مخليله ممرضى بلبيت هي الوحيده الي تدخل تجيك حالته طلبت منها ادخل اشوفه ماقبلت ظليت اتوسل بيها كالت بسكته
تعالي لان هاي الناس كلها تريد تدخل عليه كلساع واحد.جايني يريد يشوفه
كتلها اني زوجته مو اي احد.
تمام من وراه الغداء احاول ادخلج عليه من يفرغ البيت
شكرا
واجبي حبيتي
ظليت احوس اروح منا اجي منا حدما صاحتني
ولبستني كمامه على الخشم
ليش
احسن انتي حامل ومناعتج قليله هو هم مريض
دخلت امشي على كيف وجان اشوفه مخليله
اوكسجين موصلينه بخشمه وصدره يصعد وينزل وشاديلي مغذي
وصونده جوه بطنه نازله اني شفته هيج
دموعي كامت تصب شكله حيل يقهر اباوعله صاير جلد.وعظم
ماكو فرق هو الفراش الي نايم عليه فتح عينه
وشافني واكفه يمه واني ماعرف شنو صار بحالي متت بجي وخر الكماكه الاوكسجين
وابتسملي وكال شونج هنودتي مد ايده على بطني ويتلمس بيها واني تصمنت مكاني بدون
حركه كلي انزلي كعدت بللارض على ركبي
ظل يتلمس بوجهي ويسالني بصوت متعوب
حوه ينسمع
شونج ويه الحمل ان شاء الله ماتعبانه شكوت
تجيبن
مسحت دموعي وكتله مابقى شي ان شاء الله
بعد عشرين يوم اكمل شهري
ليش تبجين منو وياج متاذيه من شي
لا
لعد.شبيج.
مشتاقتلك عصر ايدي بس مو قوي
هياتني يمج.مو كتلج ارجعلج ماعوفج طول العمر وياج لج شتاقيت لطول لسانج
ههههه تسمعه بس مو تصير عصبي مو تضربني
هههه لج غير كله اهذي باسمج
دخلت الممرضه كالت كافي اطلعي مو زين عليه
اهوووو هم انتي خلصت من خالتي طلعتيلي
انتي هم اكعد يمه ممنوع
ههههههه تبقين بسوالفج ماتتغيرين
اشرتلي بايدها اطلع
اي زين طالعه واعوج بحلكي تقربت عليه وبسته بخده وحظني بايده بس موقوي
طلعت وعيني عليه هو ياشرلي بايده باي
رجعت للغرفتي واني مقهوره من شوفته يالله
شافي لخاطر الي بطني والله مالنه احد.وين نروح
بقيت بليوم ادخل عليه مره لو مرتين من
اكعد اسولف وياه بس مو هواي وطلبت من الممرضه تخلي البرده مفتوحه حتى اشوفه منها
بدت الناس تخف علينا ورجعنا لحياتنا الطبيعيه نهال كله طالعه وخالتي لو طالعه لو بلمكتب هي لؤي يتحاسبون عاى الشغل
واني مخلصتها ويه وداد.بلمطبخ او بغرفتي
٠٠٠٠
مره الظهر كملت تنظيف المطبخ والجو حلو مو
كلش بارد.طلعت واخذ نفس قوي يملي صدري
واسمع اصوات عاليه اباوع من وراه الحايط
نهال ولؤي واكفين
هو يكولها لج انتي وتالي وياج اله تخربيني ويه
مرتي ليش تخابرني بليل من اني موجود بلغرفه
لو تتصلين عليها لج شنو الي براسج
اني فكيت حلكي بس الفضول لزمني اسمع الباقي رحت بلمطبخ الخارجي وفتحت الشباك
حتى اسمع كلامهم
هي دكلها خل تولي واله زعلت فد.مندله
شبيج انتي شنو تولي كيفج امشي اني
اي كيفي يعني انت ماعندك احساس ماتشوفني
شكد مهتمه بيك يعني ماتعرف اني احبك
واني شنو اسويلج تحبيني او لا كافي يرحم اهلج تعبت منج ومن خبالاتج بنت خالتي على عيني وراسي بس مو تتدخلين بحياتي
لك اني حياتك انت الي وماتصير لغيري والله اموتها بيدي وماخليها تبقى وياك
استغفر الله انتي اكيد.مخبله شنو تقررين عني
اني لو ماريدها اني اعوفها ما انتظرج الج
عافها ومشى وهي لزكت بي تجر بايده ودكله لا تعاملني هيج لؤي لك اموت والله
اوووه انتي صدك وحده فارغه وماعندج شغل اعوفج احسن دفع ايدها وراح على سيارته شغلها وطلع واني ظليت افك واسد بعيوني
من الموقف الي شفته ومن براعتها يعني هي بعدها لهسه بذمه زوجها ماطلكت رسمي وتحجي ويه غيره ياربي سترك
اشوفها من يحجي وياي تتعاركني اثاري الاخت تحبها وتغار مني عليه شايفتني مثلها اباوع لكمه غيري طاح حظج حتى طاح حظج
اباوعلها بقت تبجي ومخليه ايدها فوك عيونها
رجعت للبيت ولكيت وداد.واكفه وتتلفت
استغربت سألتها شبيج
لج انت وين جنتي
بلحديقه ليش
سامر يسال عليج
صدك والله
اي والله دز الممرضه عليج
اي رايحه بس خل ابدل واتعطر رحت اركض بسرعه لبست نفنوف قصير وسويت شعر صفح
وخليت مكياج ودخلت عليه هلووو وكعدت يمه
وين جنتي
بلحديقه كعدت شويه جوه حلو
ليش مانمتي؟؟؟؟
قبل كم ساعه كعدت شبعانه نوم
سامر ليش ماتطلع من الغرفه مثل قبل
نكعد.بلحديقه والله ترتاح احسن من الخنكه الغرفه
هو بيدي ياهنوده غير هاي اومر الدكتور
وشوفي هاي الممرضه الي فوك راسي
عوفج مني انتي شوكت تنزل هاي الدعبله الي شايلتها
هههههه يادعبله تقصد
بطنج.
لاوالله
اي والله صايره مدعبله هاي وانتي طويله وهيج شكلج
هسه يسمعك محمد.ويزعل عليك
يالله شوكت يجي كلش مشتاقله طولتي هنوده
مصارت هاي يالله شدي حيلج وطلعي
شنو بكيفي هو
