فسحه امل
١٤
مسلء الخير والسرور
بقلمي بنت الرافدين
عشتار
.........
اخر مره راجعت بيها سوتلي تحليل
وبقينا ننتظر النتيجه ربع ساعه وصاحوا
هند سليم طفرت خالتي راحت تجيبها
واني بقيت كاعده بغرفه الانتظار وكومه مراجعين
راحت خالتي وشويه واسمع الهلاهل
وكامت توزع الفلوس واني مصفنه شبيها
اجتي عليه بوستني يمكن هاي اول مره تسويه
والناس اتجمعت عليها اي واحد يكولها مبروك وهي تنطي بلفلوس
طلعنه من المختبر ورحنه للدكتورا باركتلي وكالت مبروك حامل وباركت لخالتي
وكتبتلي علاج وطلعنه خالتي طلعت فونها
وظلت تخابر وكالت اكعدي هنا حد ما اجيب
العلاج ولو اني صارت عندي عادي اعرف من اطلع من الدكتورا اكعد هنا
جابت العلاج وسجلته الدكتورا وطلعنا اشترت كيك وجكليت اخذت ويانه للبيت والطريق كله
توصي ممنوع صعده على الدرج ممنوع تمشين سريع ممنوع تشلين شي ثكيل
ممنوع ممنوع اوووه كومه نصائح حد.ما وصلنا ونطت الكيك والجكليت لوداد توزعه وظلت وداد تهلهل وتبارك
تعبت ردت اصعد.استوني باول بايه وصاحت خالتي وين وين
خاله اريد اصعد.
مو شجنت الغي قبل ساعه ممنوع الدرج
لعد شون اصعد لغرفتي
ماكو غرفه فوك حتكون غرفتج جوه
ظليت فاكه حلكي شون يعني
شنو عادي سحبتني من ايدي ودخلتني لغرفه
قريبه على المطبخ وتصير قريبه من غرفه وداد
وكالت هاي غرفتج منا وغاد
وسامر ؟؟؟
ماعليج منا انتي
هاي غرفتج انتي وبس
دخلت للغرفه كانت ماثثه باخشاب يصير لونها بيجي والنقش والمفاتيح فضي
وجربايه نفر وشاشه وثلاجه يعني كامله
فتحت الكنتور وجان الكه ملابسي كلهم مرتبات
تعجبت هاي من شوكت خلوهم هنا
شويه ودخل سامر يضحك وفرحان كعد للجربايه وكال مبروك هنوده
الله يبارك بيك مبروك عليك
يعني شوكت يجي
منوو؟؟
الطفل اوووه هو استوه انخلق بعد كومه
يالله شكد مشتاق اشوفه اخاف مااطول لهذا
اليوم
نزلت يم رجليه هو كاعد اسم عليك ليش دكول هيج ان شاء الله عمرك طويل وتشبع منه ومن اخوانه
لا والله جنج حلتلج الشغله تريد اخوان بعد
لعد شون يعيش وحيد
هههههه الله كريم هسه خل يجي واقر عيني بشوفته
كال اني طالع محتاجه شي
لا
خلي فونج يمج حتى ادك عليج
اي
بدلت ملابسي وتمددت بمكاني
بقيت كم دقيقه واجتي وداد.رجعت بوستني
وهم توصيني سالتني متعيشه لا
لعد.خل نتعشى اني وياج.
اي صرنه جيران اني وياج كوله ناكل سوه
ههههههه
راحت وبسرعه رجعت جايبه الصيبنيه هاي من شوكت مسويته
مو داكولج اني ممتعشايه
اكلج وداد.خالتي ليش خلتني هنا
يعني ليش غير تخاف عليج وعلى الطفل
وياا ولشوكت ابقى هنا
وشبي عيني هنا.شنو الفرق هناك غرفه وهنا غرفه
اي بس سامر
اوووي فديت الحب يمعوده عوفج من كلشي
واهتمي بلي بطنج خل يثبت وتتعدى هاي الايام على خير
وان شاء الله الي تردي يصير يالله اني اروح
خل اطلع وياج اغسل المواعين
لاحبيتي اني اغسلهم
زين بس اغسل ايدي وافرج اسناني
يالله امشي
رحت غسلت ورجعت شربت علاجي
وتمدت خابرت سامر
الووو
هلووو
شونك
حمد الله
تعيشت
اي
وعلاجك
اخذته
يالله تصبح على خير
وانتي من اهل الخير
شغلت التلفزيون وكعدت اباوع حد.مانمت
صارت ايامي متشابه وصارت ايامي ومن هذا اليوم انعزلت عن سامر كان مهمته خلصت وياي
صرت من الشجره مهمله السنه كولها بس بوقت الي تثمر يصير الفلاح يهتم بيها اكثر
حتى تنزل ثمرها هيج حالي
يعني اني بس وعاء شايلتهم طفل يحمل اسمهم ممنوع عليه حتى اطبخ مثل قبل او اشتغل
