فسحه امل
23
مساء الخير
للكاتبه بنت الرافدين
عشتار
..........
اجاني صوته يخوف من كد العلو مالته عبالك واحد يعيط
اندار اشوفه خطيب حماتي
هزيتله راسي بمعني شكو
كلي هو كله يرجف شعندج فوك ها
عفته ومشيت مارديت عليه اله هو تخبل
اجاني يركض لزمني من ايدي قوي لج اني مو احجي وياج ليش ماتردين
لو ماتردين واحد يحاسبج وتظلين وبكيفج سوالف وغزل ويه العمال
يعني لو ماجاي من الدرج الخارجي وشايفج ماجان احد يدري بيج وانتي ماخذه راحتج لان وحدج بلبيت
درووح زين لاتشوفك خطبيتك واني احصلي رزاله لو طرده منها لو من امها تركوني بحالي
لج انتي شمصعدج فوك ونهال شكو بلموضوع
صدك والله ماتعرف لعد هاي العمال الي دتجهز الكم بيت
من يوكلهم منو يطبخلهم ها من يوم الي اجوا لليوم مو اني هسه كلتك الغيره عليه لعد ماتحجي من تشوفني اخدم وحتى ابني اخذوا مني ردت اكمل ماكدرت خنتكتني العبره ودموعي بدت تنزل عفته ورحت للمطبخ قفلت الباب عليه صاح عليه من وراه الباب اكثر من مره هو يصيح عليه هند افتحي الباب
صرت مامن باحد حتى لو خوش انسان ليروح يسويلي شي واني ماناقصه مشاكل
واصلا شنو يكدر يسويلي هو اني حياتي عوجه من يوم الي انخلقت لاام اعرف طريقها ولاابو بي يتحمل مسؤليتي
بجيت من صدك حدما تعبت يارب لشوكت ابقى هيج لا وبعد كم يوم تزوج هاي الحقيره وبعد سنه تخلف واني هم اخدمها
فوضت امري الى الله على كوله بيبي قبل ماعندي غيره للعصر هم رجع لؤي اجه للبيت واسمعه يحجي ويه خالته وصوتهم عالي ماعرف على شنو يحجون اصلا منو اني حتى اسال بعدها بالايام منعوني اصعد للعمال هو يجي ياخذ الاكل بايده او السايق
مره هو يمي بلمطبخ اصب حتى يصعدوا والف فكره بالي ساعه اكول اخذ ابني وانهزم تعبت
وكل ساع اصفن شكل مااحس اله هو يصيح
شبيج صافنه مارديت عليه
رجع عليه لج انتي شنو ماتسمعين لو ضايجه لان هل الايام متصعدين فوك اشتاقيتي للعمال
يابه هاي الكلمه احسها ذبحتني
لك احترم نفسك واعرف شون تحجي شنو ضايجه لو اريد هيج اشكال تارسين الشارع
لعد وين صافنه صارلي ساعه واكف فوك راسج وانتي بعالم ثاني
وانت شعليك ها
شنو ترديني مثلا اكعد اسولف وياك شنو بيني وبينك
اكلك انت ماعندك شغل غيري وين رحت وين كعدت ليكون ولي امري واني مادري
روح اسال عن خطبيتك واهتم بيها مو احسن
الزم الاكل نطيته الصينيه واشو هذا بس يضحك
شكو شنو الي يضحك
هزيت ايدي وطلعت ياريي شون عائله هاي
مابيهم واحد.صاحي
اكيد يضحك على حالي حتى هدم مابي حظ لالبسه
وراه فتره مو هواي والبيت هوسه ورمل مواد بناء تعب وابني يريد يمشي واي مكان لازم يروح يلعب بي لاحديقه لا درج واني ركض وراه والشغل الي مايخلص
والعروسه تجهز من غير التوصيلات الي توصل للبيت وامها فرحانه بيها ٠
هاي البنات وهذا الزواج مواني كله غش وصفقه ربحها ابويه
شكد. انقهر واحس نفسي مو مثل البنات بكلشي
لادراسه لا عائله
بقيت على حالي الى ان فد يوم الظهريه استوها
ام سامر واصله اخذت حمودي مني بين ما اصبلهم الغداء هي ونهال ولؤي وكل ساع صاحت وين صار الاكل اريد اروح اتمدد
وترجع وكالت يعني ماتعرفين هذا وقت جيتي كملي كلشي اله ننتظر
واني طبعا لازم مارد عليها انفذ وبس
كملت كلشي واتجمعوا واني رجعت للمطبخ
اسوي جاي واللملم بلمواعين
وادردم ويه نفسي على كلامها تريد كلشي حاضر ماتدري بيه نفسي من الصبح لهسه على هاي وكفتي بس هي تعبانه
واحجي طبعا هذا طبعي من الزغر اله ماكدر ارد على اظل ارد.ويه نفسي
٠٠٠٠٠٠
اسمع اصوات عاليه بصاله
شبيهم بعد مو جاي يتغدون صارت بيه خوفه
اخاف يسويلي بلوه جديده كلشي اتوقع منهم
بقيت مكاني اكمل شغلي
واشوف وداد اجتي تركض من الحديقه وترجف
ودكول الله يستر وراحت على الصاله
اني خفت اخاف ابني بي شي
لو غص او اختنك هم رحت اركض
لكن شفت شخص ماعرف شون ضبطت اعصابي وظليت واكفه على رجليه واني اشوفه كبالي
شفت خلدون الحقير جاي يتعارك وياهم وهو يعيط وام سامر وبتها هم
اني ظليت ارجف شكد حقير واتذكر الي سواه الي
ظل يغلط ويسب بنهال ويكولها والله مخطوبه ودجهزين للعرسج
واني عندج اله تنفذين بيها خططج
نهال :انجب طايح الحظ اني شكو بيك
انت عينك على غيرك وكم مره دكول حرامات هيج شابه وحلوه باقيه بدون زواج
خلدون :اني عيني عليها لج مو انتي الي نطيتني نص دفتر وحجزتيلي على تركيا بس افضحها الج
وكتيلي لاتخاف محد.يسال عنها لااهل واحد
ظلت ام سامر تعيط الله اكبر على المصيبه هاي
وكعدت ترجف وداد تفرك بصدرها
شويه وتلازموا لؤي وخلدون وصار بينهم غلط ومسبه
خلدون يكوله اسكت انت شايف من هاي يطلع منها اكبر
اندار عليها مو كتيلي بس ترجع من السفره تجي وتخطبني
خوش اتنظرتيني
وظلوا واحد.يرد على الثاني واني صافنه ماعرف افرح لان انكشفت هاي الكلبه ماعرف الطم على حظي الي صايره لعبه بيد ناس قذره
بدون كلام ركضت لبست جبتي ولميت غراض ابني كافي لهنا وكافي شنو مكعدني بينهم يوميه مصيبه شكل اروح اكعد.بيت ابويه اتحمل ضيم مرت ابويه هواي هواي ارحم
نزلت شلت ابني وكتلها ام سامر هل المره طالعه
كدام عينج مو دكولين انهزمت وماعرف وين راحت لا
راح اطلع كدامج اني وابني
وهاي كدامج سمعتي الي صار وعرفتي اني مظلومه بس طبعا مادافعين عني مثل بنتج
واني اريد اكولج بعد ما اكدر اكعد هنا الشغله صارت تخوف واني مالي احد.هل المره ربي طلعني برئيه ماعرف شنو راح تسوي بنتج وجماعتها بيه من جديد
عفتهم وطلعت والشمس تحرك واخاف على ابني غطيت راسه بقبعه وصلت للباب السايق موجوده استغرب من شافني وشالني وين عمو
بهل الظهريه
كتله لاتخاف عمو طلعت برضاه ام سامر والكل يدري
اي بس يابنتي وحدج والدنيا ظهر انتي وهذا الزغير خطيه عليه الشمس
واني احس وجهي يطلع منه نار مادري من الحركه ماعرف من الحر صدك.
اصعدي اني اوصلج
لاعمو شكرا اني اروح هسه اخذ تكسي لبيت ابويه
طلعت واني ماعرف شنو راح يصير بيه اني وابني
المهم طلعت من الجحيم
جسمي كله يرجف اباوع اشارع فارغ لازم اطلع للشارع العام ظليت امشي والتفت للجهه الثانيه بلكي تجي تكسي
حد.ما طبكت سياره قريبه عليه ظليت ارجف
مشيت سريع بس استغربت من السايق يصيح
هند
ظليت ارجف منو يعرفني بلمنطقه اريد اندار على السياره ارجف اكيد حيخطفوني اني وابني اجه وكف يمي اباوع لؤي
كال اصعدي
جريت نفس انت
واني اتصورت مجرمين حيخطوفني
هههههه شدعوه خطف فد مره اصعدي هند اني اوصلكم
شكرا اني اروح
سمعتي شنو كلت لو اعيد ماتشوفين الدنيا الظهر وهذا الولد الشمس عليه حاره خطيه
لؤي روح ماصعد كتلك اني اروح
سحبني من ايدي وكعدني كدام وقفل الباب واخذ الجنطه مني خلاها لي وراه
ودار هو كعد مكانه
شنو هل العناد الي العندج
ها كتلج اصعدي شنو هيج ماتأمنين بيه لو شايفه شي موزين مني
ماريد شي منكم كافي الي شفته منكم
اي حقج ماكنله شي بس اني شكو بلموضوع
لا والله انت اصل الموضوع
شنو ؟؟؟؟
اي مو خطبيتك الي سوت هيج وكلها علمودك
حتى اوكع من عينك
ماشاء الله هاي تعرفين القصه كولها وتعرفين تحجين وتجادلين
لعد.ماكلتي بوقتها وخليتي الكل يصدك انتي مذنبه
لو حجيت منو يصدكني يمعود.اسكت المهم خلصت وابني بحضني
ماريد شي منهم
ظليت اهز بحمودي ودرت وجهي على الجامه
طريق بيت ابويه ماشايفته من يوم الي طلعت منهم عشتوا من ازوجت
ماعرف شنو رده فعله ابويه لو مرته شنو حشوف منها
فوضت امري للله
فزيت من صفنتي لؤي يكولي هند وين وصلتي يامحافظه
شنو؟؟؟
مادري اسالي نفسج حتى ابنج نام وهو كاعد وانتي صافنه
حبيبي عدلته بحظني ومارديت عليه يعني شنو اكله خايفه من بيت ابويه
وكفنه بتقاطع ما عبالك دنيا ظهر ماشاء الله وين واصله السيارات
رجع يحجي ويايه هند اعرف موقته هل الكلام
بس يجوز مالتقى بيج غير هل المره وحدنا
يعني شنو يسموها طلعتج من بيتج
تعرفين البيت باسم سامر الله يرحمه يعني بيتج وبيت هذا الامير ويباوعله ويبتسم
من غير بقيت المحلات والمخازن اكثرهم الكم وشي قليل لنهال وامها
ليش تعوفين حقج
ماشاء الله لعد وين جان حقي من اشتغل خدامه الهم وين جان هذا الكلام منو الي دافع عني منو الي ساندني
اذا انت دكول حق ابني اكدر اخذه منهم ومارجع الهم
جر حسره وكال اني ماساكت بس الي صارلج كرصه اذن وكلت فتره واحجي ويه خالتي عن موضوعج صدكي ماقابل عن الي تسوي خالتي بيج وبنفس الوقت صدكت بلعبه خلدون الحقير
