فسحه امل
24
مساء الخير
بقلمي بنت الرافدين
عشتار
... .
ظليت افكر بكلام خالوا
رحت فرشتلي فراش بلارض
وكعدت انيم حمودي واباوعله لعيونه العسيله
لوجهه الابيض
وكلام خالي يرن براسي ياخذون ابني منج
يعني شون اعيش بدونه
احسن حل اسافر وارتاح هو هذا الحل ماكو غير حل واله ارجع لظيم مرت ابويه لو ظيم خالتي
وسوالف نهال
٠٠٠٠
ثاني يوم على الريوك حجيت للخالي بحضور عائلته
سكت خالي مارد عليه ورجع ياكل
حجيت ويه روحي بس لا مايقبل وبعد ابويه هم شون يقتنع حتى ذهبي هم ماهو جان انطيته لابويه حتى يوافق هو خوله مرته
طلعوا الكل من البيت خالي لشغله والبنات وطارق لدوامهم نظفت البيت وغسلت المواغين
ومرت خالي تحضر الغداء وكعدت احجيلها حتى تقنع خالي
وبلفعل الكل وافق بلبيت بس طارق لازم الصمت ماحجه اي شي
كلت لخالي لادكول لابويه حدما اكمل اجرارءات السفر والجوازات ذيج الساعه اكله
مالي خلك كلامه ونصائحه هم ياريت بيهم حظ
يسمعهم من مرته ويجي يطبقهم براسي
وافق خالي واتصلت بخالي وليد وكتله موافقه
اسافر واطلع بلكي حظي التعيس
يبقى بلعراق ومايسافر وياي ٠٠٠٠
خالي كلف طارق يسويلي جوازات الي ولحمودي
ماعرف شعجب جايبه جنسيتي وجنسيه ابني وياي ودفتره الصحي علمود اللقاحات
انطيتهم لطارق هو دايدرس قانون يعني شغلته
بس خطيه عنده دوام وامتحانات
شويه كال حطول الشغله
سكتت وماعندي حل
غير اوفق وانتظر
بلفعل كمل معاملتي وصارت عراقيل هواي
اولها جنسيتي مكتوب مزوجه مو ارمله ولازم ابدلها وهاي تريد وقت وشهاده وفاه سامر
كلي طارق لازم اجيبها
كتله يعني شون تريدني اروح لبيت عيالي
هز راسه كال اني اوصلج
رفضت كتله مااوصل لهناك
لك طارق حتى ماكلفوا عمرهم يعذرون يسالون
شون ترديني اروح برجلي
كال لعد خابري ابوج مو هو يشتغل عدهم
ابوي ؟؟؟؟
اي ابوج
اوووه طارق مالي خلك احجي لااخابر اوبويه ولا اروح واله هيج الشغله اني بطلت
كال :بعد احسن
عفته ودخلت للغرفه ياربي ليش ماجاي تنعدل وياي
وراه كم يوم رجع عليه طارق كال باجر لازم تحضربن بلمحكه طالبيج
عززااا ليش اني شنو سويت حتى يطلبوني
ههههههه لج شبيج خبله حتى نكمل جنسيتج
شون مافهمت
وكلتلج محامي وهو راح يجب الشهاده من عيالج لهذا المحكمه طلبتج
اوووف طارق موتتني خوف عبالي مثل الافلام يدزون شرطه ةياخذوني
كال ماكو غير هل المسلسلات الي خبلتج
شسوي هو هذا عالمي الوحيد الي يطلعني من حياتي
ثاني يوم خليت حمودي عد.مرت خالي ورحت بدلت لبس تنورا وقميص اسود
وخليت شالي على راسي لفيته لفه مرتبه تعلمت من بنات خالي
شافتني مرت خالي وكالت يمعوده كافي حزن شنو طالعه باسود.انزعي والبسي الوان
كتلها خاله ماعندي
بيسطه اخذي من ملابس البنات
ماقبلت كتلها خليني هيج مابقى شي وتطلع سنويته وانزعه مامستجعله هسه
كالت بكبفيج وطلعت من الغرفه
كملت لبست حذائي وطلعت لطارق
ورحنه للمحكمه وسط الهوسه والازدحام صاحوا اسمي طبعا طارق وياي ماتركني
والمحامي هم دخلنه اني والمحامي وطارق بقى
يتنظرني بره
قدم اوراق للقاضي وظل يقراء ويباوعلي ويكتب
