فسحه امل
مساء الخير والسرور
بقلمي بنت الرافدين
عشتار
........
حسيت بالم بطني كطعني
استندت حتى اروح للحمام
كمت واني لازمه الحايط واشوف الارض كولها
دم اخترعت هذا منين
كملت طريقي للحمام بس الالم يذبح صرت
اعيط
دخلت للحمام فتحت الدوش واكفه واشوف المي ينزل مني لونه احمر
والالم يزيد.
لفيت نفسي بلخاولي
وطلعت طلعتي داشداشه
كملتي لبسي وبعدني على نفس الوضع
مااتحمل بعد
اريد.اوصل للباب ماكدر رجليه مايشلوني
رجعت ضربت الجرس
الي يستعمله سامر
دقيقتين واجت خالتي مفزوعه
تتصور ابنهها بي شي
من شافتني سالتني وين سامر وشبيج
خاله اني ضربت الجرس
الم ذبحني ببطني
اي شنو اسويلج اكيد.
مزوهوره تاكلين بدون
مراعاه
على كوله المثل ماشايف وشاف
عافتني وطلعت
بعد.ماكدر ظليت اصرخ من الالم
ومحد.يرد عليه لاعندي فون واخابر
ماعرف شكد.بقيت من الو قت بس عبالك
عمر كامل
اجتي عليه وداد
واني عطت ولج الحكيني راح اموووت
يمه اسم الله شبيج.
باوعت لمكان الدم وظلت تعيط
طلعت فونها وخابرت كالت هسه اجيج
لزمت بيه فدوه لاتعوفيني روحي احسها تطلع
لج هسه كتلج
عافت ايدي وركضت
وصلت مرحله من الالم ظليت اعصر بطني
بايدي اجتي وداد لبستني عبايه خليجيه
ونزلتني تسح بيه سح ماكدر امشي
حد.ماطلعت من البيت السايق ينتظرنه
حاولت اصعد.ماكدرت
اجت شالتني هي السايق
وهي صعدت كدام والطريق كله التوه
والسايق يصبر بيه عمو هسه نوصل
هنوده بنيتي صيري سباعيه
وصلنا راح جابلي كرسي حد.ما نزلتني
وداد ودخلوني لقسم النسائيه
دخلت على غرفه الدكتورا وظلت تسالني
شبيج انزف
من شنو ؟؟؟
ماعرف
انتي حامل
لا
عروس
لا
لعد شنوووو؟ من شنو تنزفين
اطلعلي ماما اطلعي وتاشرلي بايدها
ظلت تتوسل بيها وداد دكتورا شوفيها
خطيه متاذيه وماتعرف شنو دكول
كالت اصعدي من وراه خشمها
صعدت وداد.توصي بيه اصبري تحملي
فحصتني وكالت شون دكولين مو حامل
اخاف تخافين
لج هذا الطفل مكطع
طفللل !!!،
لج ماما شنو قصتج انتي ليكون ممزوجه
كالتلها وداد لادكتورا على بختج
مزوجه وزينه الشباب
صارلها شهر شهرين وشويه
بلفعل هو هم هيج عمر الطفل
خل يجي زوجها يوقع
حنسويلها عمليه اسقاط
الجنين
كومتني وداد واني ارجف
اطرافي صاروا ثلج
طلعنه كعدت على كرسي قريب على غرفه
الدكتورا وخابرت وداد.زوجي الظالم
ماعرف شنو كللها
فد نص ساعه وجاب السايق العقد
وهو وقع على العمليه
لبسوني ملابس لونه سمائي واني منتهيه
ونيموني على سديه وبدوا يشدولي كانونه
ويضربوني ابر
حد ما حسيت على شي
حلمت بيبيتي كاعده بحديقه حلوه ولبسها
هم حلو واجيت اقترب منها واريد اذب نفسي
بحظنها واشكيلها من هم الدنيا عليه
وعيت على صوت الممرضى هرج الغرفه
وهي تضرب بخدي
يعني حتى هنا لاحكني الضرب
هند هند
اه اه
الحمد الله صحت
هنوده تسمعيني وداد تحجي وياي
اي
فتحي عيونج حبيتي
كوه افتحهم اباوع غواش
وداد تسالني تشوفيني
اي
تقربت عليه وباستني وتحمدتلي السلامه
واجه سلم عليه السايق هم
وكلي ربي يعوضج بنيتي وطلع
اجت الدكتورا فحصتني وظلت تكتب
بلفايل كالت تبقى اليوم كله هنا وباجر
نكتبلها على خروج
واجت الممرضى ضربتني ابره
جسمي مااحس من التخدير
وداد كل ساع سألتني شونج وشنو تحسين
اكلها زينه
جابت عصير وكيك وشربتني وفتحت الكيكه
بس ماكدرت اكل
اباوع لنفسي لازوجي ولاامه حتى ماسالوا عليه
ولاكالوا شنو الي صار
يعني مهما الانسان يصعد يبقى الغني غني
والفقير فقير
هاي اني خدامه والي ساعدوني ويشلوني
الخدم
هم ارجع لذاك البيت وارجع لضرب سامر
اليوم قتل طفله باجر يقتلني
وين اروح عندي مكان ثاني
اروح بيت بيبي
زين شون اطلع من المستشفى
وهاي حالتي حتى تكسي ماتوكفلي
خلصت اليل ساعه انام واحلم وساعه
اون من الالم وخطيه وداد وياي ماعافتني
حد الصبح كتبولي على خروج
شكد.تمنيت اموت ولاارجع اشوفهم
ولاارجع لذاك البيت
اذكر اول مره دخلتله حسيت بخوف
وكلبي عصرني
سبحان الله هاي الخوفه طلعت محلها
دخلت ذليله مكسوره فوك ضربهم الي
هاي اني ارجع برجليه الهم وماعرف شنو
بعد يسولوي
صعدت بلغرفتي زين هو ماكو
غطتني وداد ونزلت
باوعت للمكان الي نزفت بي وظليت ابجي
بحركه شنو ذنبي ليش هيج ضربني
شنو سويت اني
دخلت عليه خالتي بدل ما دكول حمد الله على سلامتج
كالتلي ارتاحيتي عرمه
ارتاحيتي من كتلتي ابنا
اجت تريد تضربني دفعت ايدها
وخرري الله ياخذج انتي وابنج ظلام
اني الي كتلته لو ابنج وانتي
اي انتي شفتني واتوسل بيج عفتني ورحت
اتلوه
لج بعد.ربي شنو يسوي بيج من ظلمج
ولد واحد معاق ومريض ياساعه يموت
كدام عينج وظاي بحركتج.خلي تفيدج.
فلوسج وتكبرج.
لج تشمتين بيه بنت الفكر
كافي كافيييي الفكر الفكر
شنو مسويتلج الفلوس بالله كولولي
شنو انطتج صحه لابنج
شوفي هذا القصر الي شكده.وبارد مابي روح
دفعين نص فلوسج حتى تشترين سعاده
بيت من طين بي الفه ومحبه
عافتني وطلعت
مسحت دموعي وكلت خلاص كافي
ضعف اشو اطيعهم ويضربوني
ارضيهم ويذلوني
اني السبب اني الي منطيه مجال
الهم يتحكمون بيها وكل ماحجوا بنت الفكر
منو لازمهم ماجبوا من طبقتهم
