فسحه امل
٢٢
مساء الخير
بقلمي بنت الرافدين
عشتار
.....
استوني واصله المطبخ واحس واحد لزمني من وراه اريد اصرخ خله ايده على حلكي ظليت ادفع بي واحجي وهو لازم حلكي هو يكلي
شبيج اهدي لج لاتصرخين شبيج اول مره واحد.
يلزمج لو تشترفين براسي ويقترب من ركبتي يريد يبوس جسمي كش منه لعبت نفسي
ادفع بي بس لزمته قويه كلش يعني مثل الي مقيدني
حاولت حدما كدرت اعظه بيده الي على حلكي
وصرخت بصوت عالي هو ضربني راشداي اباوع اله يطلع ابن عمهم خلدون
كتله عوفني صاقط طايح حظ هم بيتنا وتعتدي عليه
رد عليه وانتي لو شريفه المن نازله بهذا الوقت
اكيد عندج صاحب مواعدته بهذا الوقت لان عمتي نايمه
فكلت اقوم بلواجب اني بداله لو مااعجبج
دفعته بكل قوتي وظليت اغلط واسب بي والعجيبه محد فزعلي عاى رغم من صوتي عالي معقوله محد سمعني ونهال كاعده بلصاله
دفعته وركضت بكل قوتي وصعدت فوك لغرفتي والبيت هدوء كانوا محد بي بس اني
دخلت لغرفتي قفلت الباب وكلي ارجف حتى نسيت الصخونه والوجع الي بيه والجوع الي نزلت علموده
قفلت باب غرفتي كعدت بالارض بجيت من خاطر
ليش هيج يسوي وياي شنو شايف عني حتى هيج يحجي يعني واحد.بيته وماكدر حتى انزل
يارب استر عليه وتحفظني اني وابني من كل شر وكل انسان يريد بيه مو زين
بقيت للصبح على كعدتي حدما كعد حمودي واني الرجفه بعدها بجسمي حتى خفت عليه اخاف ارضعه ويتمرض
واخاف اطلع بره الغرفه بقيت قافله عل نفسي
حتى حمودي كام يتنحس لان متعلم يطلع الصبح يريد.يطلع
بقيت العبه واني كوه اتحرك من الهبطه حد مارجع نام نمت وياه بقيت للظهر
واجتني خالتي هجمت الباب عليه وغلط ومسبه
فتحت الباب وهي وكعتلي راشديات وضرب بكل مكان وهي دكولي ولج عاهره شنو
هاي يعني جان احترمتي البيت الي كاعده بي اباوع فون نهال بيدها مصورتني الحقيره
جان احترمتي رجلج الي مصارله سنه من مات
بس انتي متعلمه على الشوارع
ظلت تسحل بيه ماجنها مره جبيره هيج قوه ماشايفه
وابني يصرخ وهي تحاول تنزلني جوه
بلفعل نزلتني ضرب ورزاله وغلط حد.ماوصلت للباب المطبخ دفعتني واني اكوله والله خاله مامسويه شي هو اتبلى عليه صدكي ماعندي شي وياه
جان تصيح بيه لج حقيره يوم تنهزمين ويوم انتي وهذا الحقير حتى مااحترم بيت عمه
اثنينكم وصخين
والله خاله ماعندي شي وياها
كالت اطلعي للشارع وازوجي حبي بكيفج بيتج
يتعذرج
خاله ابني شون تطرديني انطيني ابني واني اروح والله ماتشوفين وجهي اني احجي واشهك من البجي وهي مستمره بضربي ودفعي حدما وصلتني للباب وقفلته واني اصرخ اريد ابني خاله فدوه انطيني
وداد حاجيها مسويت شي والقران وداعت حمودي
احجي ويه خالتي بقيت احجي وهما ولا بالهم ولاكانوا احجي وياهم الدنيا ظهريه والشمس عاليه واني بره بلحديقه اضرب بكل قوتي بلباب وحتى اشوف خيالهم بس محد اهتملي
ياناس اريد ابني صار هسه وقت رضاعته ماعرف هو يبجي صدك او اني يتخيلي اسمعه يبجي بذاني
ماعرف شكد.بقيت على كعدتي ونفس التوسل والبجي وماكو احد طلعلي او سمعني
ياربي المن اروح واحجي ويه منو ماريد شي بس ابني
واني على كعدتي بلشمس والدنيا ظهر والشمس تصمط
وكل هذا ماحاسه بي كاعده الطم على وجهي على حظي يعني هاي نهايتها اخذوا الي يردوا ابنهم وعدهم واني للشارع صفيت بقيت على كعدتي منتظره يحنون عليه
حدما شفت لؤي اجه للبيت ركضت عليه مثل المخبله
واني اكوله اني بشاربك استاد ربي يستر عليك
خليهم ينطوني ابني ابوس ايدك
هو مستغرب شكو وداسوين هنا شنو ابنج شبيه
لعد هو وين هذا كل الي كدرت احجي اخذني التعب عافني وراح دخل من باب الصاله ورجعوا قفلوا
واني ادور من باب لباب بس اريد اشوف باب مفتوح وادخل بس ابد.كل البيت مقفول ماعندي غير الحرس الي الباب والسايق ناصر
رحت حجيت وياهم واتوسل بيهم حتى يحجون ويه ام سامر وهم ماكو نتيجه واني وانتظر حد.ماشفت الباب انفتح رحت ركض عليه طلع لؤي
مره ثانيه واني اساله وين ابني
باوعلي ظل صافن بوجهي واني مابطلت توسل بي حدما اجاني راشدي منه وكعني للارض
وعو يكلي لج حتى انتي هم جنت متصورج غير عن البنات
عندج عفه وشرف طلعت ماتفرقين عنهم نفس الشي
لج مالكيتي احد.تحبي اله هذا القذر خلدون
والله زين تسوي بيج خالتي قليله بحقج الطرده
لواني منها ادز على ابوج ويذبحج
شكد.جنتي جبيره بعيني شكد.جنت احترمج والج معزه بكلبي
والله استاد ماسويت هو اتبلى عليه وداعت ابني كلها لعبه مو اني هيج سويت
جان.واكف ومخلي ايده بجيبه واني بلارض
عفيه كلها اصير خدامه جوه رجليها بس لاتحرمني من ابني ماريد شي بس حمودي
حرام عليكم حراااااام
عافني وكمل طريقه وصعد بسيارته وطلع
رجعت ادك والطم على ابني
بقيت عاى حالي ساعه ابجي وساعه افقد اغفى
وافز وارجع ابجي
حدما شفت الشمس غابت و دنيا غوربت واني على حالتي واليوم لاخالتي ولانهال طلعوا ماعرف طلعوا من غير باب
صار اليل واني افتر من باب لباب اسمع طككه بلمطبخ عرفت وداد
داسوي عشاء رحت عليها ادك بلباب وتوسل
بس ابد اله اهل المقبره يردون هي ترد عليه
لليل هم رجع لؤي هو امه اني شفتها رحت اركض عليها نزلت على رجلها واني اتوسل بيها تنطيني ابني دفعتني من وفتحتلهم وداد الباب ودخلوا حاولت بس ادخل وراهم ابد بسرعه قفلت الباب وبقيت لوقت متاخر واني بلحديقه
وياخوفي لاتامر الحرس يطردوني بلشارع وساعته وين اروح والمن اشكي ومنو يصدكني التهمه لزمتني بعد ماكو امل
ظليت ادعي واتضرع لربي بس يهديها الي رجع الباب انفتح صرت افرح من افتح الباب يصورلي الي دكولي ادخلي ابنج يرديج بس الظاهر حتى هو مايريدني
شفت ام لؤي واكفه هي دكلي امشي دخلي
رحت عليها اريد ابوس ايدها دفعتني وهي دكلي لعد.مافكرتي من سويتي سوايتج
بس الي كاسر خاطري هذا الزغير دخلي واعتذري من خالتج وهاي اني اكولج هل المره ادخلت مره ثانيه بلوه جديده محد.يلوم الي يصيرلج
اني بس اهز براسي بدون كلام وشنو اكول منو يصدكني
رحت على خالتي لكيتها كاعده بلصاله ونهال من بجهه الثانيه وتهز برجلها اخذت ايدها بست دفعتني ودكولي ماريد اشوف وجهج يالله ولي من وجهي
اشرتلي ام لؤي روحي رحت اركض لابني سوده عليه حبيبي لكيته يشهك من البجي جنت اسمعه بكلبي مو باذني ووداد يمه تلعبه بس شافتني هزت ايدها ونزلت
اخذته وخليته على صدري واني اشمه هو لازم شداشدتي باصابيعه الزغيره يريد.يرضع
رضعته من صدك جوعان مايقبل يعوف صدري
حدما نام واني هم غفيت هو بحظني حتى ماشلته بفراشه من كدما خايفه عليه
فزيت على صوت رعبني صوت خالتي هي تصيح عليه اكعدي لج الج عين تكعدين بغرفه ابني بعد.كل الي سويتي
فزيت واني ارجف كلت اكيد حتطردني مره ثانيه
مالج كعده هنا
اني فكيت عيني على وسعها على الرغم النوم الي بعيوني بمعني وين اروح
عاطت بيه لج لاتباعيلي هيج انتي وحده تربيه شوارع بيتي مايشرفني واله قبلت ورجعتج
رجعتج خدامه مو اكثر حتى حمودي بعد ماينام عندج وهل الايام لازم تفطمي لحمودي لان اخاف عليه من حليبج
بعد.ناقصني وحده عاهره ترضعه لابني
واطلعي من الغرفه خلي حمودي بغرفتي منا وهيج غرفتي مكانه وانتي شوفيلج مكان بلمخزن بلبيتونه لان مايشرفني تكعدين ويانه بنفس الطابق اشرتلي اخذ حمودي لغرفته
لاياربي هذا هواي عليه والله مالي حيل كل هذا
الي صارلي ليش هيج شنو ذبني فززتني وهي تصيح امشي لج سوي الي كلتج عليه
هزيت راسي ورحت وديته وشلت جربياته وحدي وخليتها ورتبتها وطلعت كالت الملابس باجر ترتبيهم هسه الوقت تاخر واني تعبانه
كافي عليه مصايبج من غير شغلي اليوم
طلعت وقفلت الغرفه وراحت لغرفتها واني بقيت وحدي محتاره وين انام ماريد انزل اخاف ابني يكعد بليل باوعت اكو مخزن زغير قريب على الغرفه يعني من يبجي اسمعه رحت عليه
صح هو زغير هيج متر بمتر ونص وبي غراض
كومه كلت باجر ارتبه اليوم تعبانه كافي الي شفته خليت راسي ونمت بلارض حتى بدون فراش رغم البلاوي الي شفته وماعرف شنو راح اشوف ٠٠٠٠٠
كعدت الفجر على صوت ابني هو يبجي لاارديا دفعت غرفه خالتي ودخلت عليه حتى نسيت اني وين نايمه وشنو صاير وياي اخذته اريد اطلع
صاحت بيه اول مسويه نفسها نايمه من شافتني وصلت الباب كالت هنا رضعي لاتاخذي بره الغرفه ماامن بيج ٠٠٠
هاي وهي نايمه هيج حجت هيج لو كاعده شكد.حجت
كعدت على قنفه قريبه على السرير
رضعته اوي فدوه حبيبي خطيه يلزم بيه مايريد يعوفني بس شكول حسبي الله ونعم الوكيل على خلدون ونهال
رجع نام خليته بفراشه ورجعت لمكاني او غرفتي الجديده كعدت الصبح اخذت ابني رضعته وبدلتله واجتي وداد.كالت انزلي للمطبخ
من اليوم شغل البيت كوله عليج لو نسيتي كلام ام سامر البارحه شنو كالت
هزيت راسي ونزلت للمطبخ كملت الريوك على اساس قبل هما حاسبيني وحده منهم وهسه خدامه هو اني من يوم دخلتهم هما مستلميني رزاله ويعاملوني اقل منهم يالله على الشغل سهله بس خل يعوفوني بحالي واربي ابني
من اليوم بدء الشغل والتنظيف كوله عليه وداد بس تتامر وتنتر بي نتر يعني كولش طبعها اتغير وياي ماعرف ليش مقعوله مصدكه اني مذنبه
فد مره اني داانظف وهي تصح بيه يالله استعجلي
حمودي كعد من النوم يبجي وهي ماتقبل اصعد ارضعه دكول خلي يتعلم على الممه ام سامر ماتقبل ترضعي يابه صدك القهر صعد لراسي اتمنيت الزمها اكطعها بس خفت هم تالي يلوموني
كتلها وداد فد سؤال
كالت اسالي بالله
اريد اسالج انتي مصدكه اني عندي شي ويه هذا الحقير وهيج تعامليني
لو شفتي بعد راح كولشي جنتي تتلوكيلي الي وتنصحين وتعلمين
من جنت مرت سامر وحامل بلولد الي يحلمون كلتي هاي هيه فد يوم تصير ام البيت خل اكسبها
بس هسه كلشي راح بعد مايحتاج تتلوكين والله طلعتي على حقيقيتج ماكو فرقج عن مرت ابويه لو ام سامر مو انتي هم مثلي فقيره ومن عائله تعبانه تحسين باحساسي
صاحت بيه بالله كافي من طوله لسانج الي كتلج عليه تسوي وماريد صوت لا افتن عليج عد ام سامر تعرفين مكانج وين
عفتها وطلعت ظل ابني يحاولون ياه الممه بس ما يقبل ياخذها يمكن هذا الشي شكد.بسيط بس اني بلنسبه اليه نصر من يعاند ويظل يبجي وبعدين يجبوا الي ارضعه وينام بحظني افرح بداخلي واحمد ربي لان هل الشي يخليني مرتبط بيه ومايطردوني او يفقرقوا بيني وبينه
بقيت على الحال ومااحجي على الكلام الي اسمعه او الشغل الاضافي حتى من جوه الكاع طلعلي وداد شغل مثل الواحد.ينتقم مني عجيبه هاي المره وماجنه الاوليه الي جانت ماتفاركني وتعلمني ودافع عني بلعفل الدنيا مصالح واني ماعندي شي حتى تعاملني باحترام
رجعت خدامه
مرات اكول شنو الحكمه من خلقي حتى اشبع وظيم وقهر سبحان الله ناس تتمنى الصحه والعافيه ومالكيتها واني عندي صحه وجمال وماعندي اهل يساندوني او حتى يسالون عني
يعني بس اجه ابويه لسانه شطوله لان رحت بيت خالي
استمرت ايامي نفس الشي انام بملخزن بس على البنكه ماكو تكيف او مبرده ودنيا تسمط سمط اكعد اغلي من الحر بعد اسبوعين من الحادثه وخلدون ولاوصل ولاشفت وجها الظاهر كله الاتفاق بينهم وعلى شنو ٠٠٠٠٠
شنو بيه يخوفها لنهال حتى هيج تتامر عليه
لابيدي شي ولا املك اي شي
مو طلعت من البيت ليش رجعوني اله مايردوني
يارب انت اعلم بحالي ٠٠٠٠٠٠٠
وراه الاسبوعين من من المشكله البيت مخبوس وداد بس تعيط نظفي واغسلي وثاني يوم لزمتني بلمطبخ طبخ ماعرف كم شكل وناس طابه وناس راجعه وهذا يجيب مسواك وهذا يعلك زينه ياربي شنو عدهم شنو صاير ولااكدر اسال منو يسمعني او يرد عليه كملت الطبخ وبخرت البيت وجاب السايق كيك قطع وعصير
وكال حضري
سويت مثل ماكال والسؤال يضرب براسي شكو عدهم
حد العصر اجت نهال لالبسه بدله شكدها لونها بيجي والتسريحه والهلاهل تركع واني فاكه حلكي شنو حتزوج لو انخطبت والله زين صدك لو كالوا ٠٠٠٠٠الظالم سالم
لعد اني وين من انخطبت واليوم تمهر مادري تعرس ومنو العريس ؟؟؟
اجتي وداد وهي تعيط هي شبيج وين صافنه
فزيت من تفكيري وهي دكلي اصعدي فوك رضعي ابنج ولاتنزلين حدما اصيحلج اني اكمل الباقي
هو شنو بقى حتى العصير هم مكملته
عرمه ماتصيرلج جاره بعده لسانج طويل
دفعتني باتجاه الباب معنى اطلعي
رحت اصعد اباوع لنهال كاعده عبالك اميره والصديقات حواليها ماعرف ليش انقهرت لان اني ماحسيت بفرحه عرس
لان اعرف كل الي بي اني من وراها بس ماعندي دليل
صعدت ركض لكيت حمودي وحده خطيه يبجي
اي منو بحالك اليوم العائله عدها عرس وانت الي انولدت يتيم وامك خادمه عدهم
ولاجنه سامر صارله ٨ اشهر من مات حتى السنويه مادرات عليها والكل نسى وعاش عمره وانزع الاسود.واني بعدني بثوب الحزن هم ياريت ملابس بيها حظ ماعرف الفكر يفتر وياي وين ماروح
اجوا اهل العريس واشتغل الدجي والركص طلعت اباوع من المحجر
اباوع من فتحات الحديد واشوف لؤي ابن خالتها كاعده يمها يعني هو العريس
والله لعبتيها صح يانهال طلعت غيرتج مني مو على الخالي جابت نتيجه ٠٠٠٠٠
ماعرف ليش حسيت اختنكت وضجت شنو هل الاحساس عفتهم ورجعت اخذت حمودي وكعدت بلصاله الفوك والحسره لازمه كلبي
يجوز لان هو الوحيد الي جان يسال عني او يعاملني باحترام
اوووف ياهند بنت الفكر على كوله ام سامر اني وين وهما وين اشيل هاي الافكار من بالي هواي احسن لان مو من مستواهم ولا من طبقتهم يبقون هما فوك واني الخدامه
يجوز اله جان مثل حاله سامر ومريض ومعاق يجوز يقبل بيه حتى يبقى اسمه بدنيا غيرها مستحيل احد.يباوعلي ٠٠٠٠
اني صافنه ماحس اله ضربه على وجهي فزيت
فزه تخوف كمت من مكاني اباوع حمودي يضرب على وجهي
استغفر الله عندي هيج ملاك واباوع على الناس
يارب ماريد شي بس ابني ٠٠٠٠
يسمع صوت الموسيقى ويهز هو كاعد
ظليت اضحك عليه يريد ينزل جوه والزمه
بقيت حد.مااجت ام سامر الضحكه شاكه حلكها بس شافتني عبست وجهها اخذت حمودي مني بنتره وهي دكلي انزلي جوه
ماشاء الله عشتلي كم دقيقه اني وابني احلم هسه لازم ارجع للواقع
نزلت والهوسه ماتنوصف والعروس طالعه هي وخطبيها وداد واكفه متخصره تنطي اوامر حتى تروح تنام خطيه تعبت من الصياح والرزاله عليه اليوم
كفكت البيت والمواعين صعدت للجحر مالتي الي يخنك من الحر
ثاني يوم الصبح نفس الروتين لمحت نهال وهي
ملابس الالوان والشعر والمكياج وحده ثانيه وياها
وبعدها على طبعها طلعه الصبح وطلعه العصر
كم يوم من اجتماعتهم هي وخطبيها وامها قرروا يعيشون ويانه
وبدوا يجهزون الهم مكان اخذوا نص من الفوك
يسونه على شكل شقه
بقت بس غرفه خالتي وغرفه سامر والمخزن والحمام النه
والباقي اخذوا واجتي العمال ومواد البناء
وكلها براسي اطبخي غداء سوي جاي للعمال من غير التنظيف والرمل الي يملي البيت
صار تعبي مضاعف
لا فوك هاي تجبرني وداد اني الي اصعد اكل للعمال مو هي
واسمع كلام طايح حظه منهم حتى نفسي تشمئز هاي بدل مادكلي روحي رضعي ابنج الي لو اشوفه بنهار لو مااشوفه
فد مره واني نازله من العمال صعدتلهم غداء واسمع كلامهم وغزلهم بيه صارت عيني بعين صوره لسامر صفنت عليه طبعا الصوره قبل الحادث ولايتمرض يعني اني ماشايفته هيج
بس بلصور كمت احاجي الصوره
يعني شنو تريد اكولك الله يرحمك لا عيشتني بحياتك عيشه زينه كله ضرب واهانه كل همك انت وامك اخلفكم طفل وهاي متت وخليتني خادمه
لك تعرف شنو خدامه اخدم اختك وزوجها وعمالهم بس حتى مايطردوني بلشارع وياخذون ابني مني
شكول عليك الله يرحمك والله مادري ماعرف اله رب العالمين مايحاسبك عليه وانت عفتني لا وصيه ولاوراتب
لا وجماله حزنانه عليه عفت الصوره ونزلت اكمل كراب اليوم وصدري بده يورم من الحليب لان ابني بس بليل ارضعه
فديوم كعدت صخونه عندي وصدري ورام والم يذبح فوك هذا الشغل كملت جزء وطلعت بلحديقه الي وراه المطبخ كعدت شويه الهوه حلو خليت راسي بين رجليه وغفيت من التعب
ماحس اله صوت نهال طايحه الحظ وهي توعيني حتى اكعد ادز اكل للعمال
يابه اني تعبانه والالم الي بيه موتني و
لزمتها من ركبتها ودفعتها على الحايط وكتلها
ترديني اخدم عمال بيتج ها
ليكون صدكتي بلمسرحيه الي سويتها انتي وابن عمج الحقير عليه
شوفي اني ماعندي اخسره لااهل يسألون عني ولازوج
وابني اخذتوا مني هسه من اخنكج واموتج واخلص من شرج وتروحين تبعين اخوج الله لايرحمه على الي سواه وياي
وعادي انسجن على الاقل ارحم من عيشتكم انتي وامج على الاقل احفظ شرفي مو هسه هنا
ظلت دفع بيه واني لازمتها بكل قوتي
اسمعيني اله تردين تعيشين ابني يرجعلي لا والله وانتي نايمه اذبحج واخلص من شرج وانتي بكيفج شوفي ياعروس تردين تنزفين للنجف لو لحظ حبيبج دفعتها بقوه وكعت على الارض وهي ترجف والوجه مصوفرو تكح
راحت تركض للمطبخ وظلت تعيط على وداد اسمعها حتى تاخذ شغلي عابت شكلكم اثنينكم
مايعيش الفقير بينكم
من بعد هاي الحادثه بلفعل رجعت ارضع ابني واني اوكله واغسله صح اشتغل بلبيت واطبخ بس
الحمد الله ظاهر بين فتره وفتره يراد اهد عليها حتى تمشي عدل وياي كامت اله تشوفيني بمكان تروح للمكان الثاني ابد تنحك بيه
فد يوم طالعه هي وداد يجهزون للزواجه واني
بقيت بلبيت والشغل كله عليه والعمال يردون اكل صح صارلي فتره مواصلتهم بس هسه بس اني بلبيت صعدت الاكل الهم وكل العاده كلامهم واحد يكول وين الحلو مختفي وثاني يكول مشتاقين
والله يالله لو بيكم واحد بي حظ ماباوع لوجهي
هزيت ايدي عليهم ونزلت بدون كلام
واني بنص الدرج اجاني صوت بكل قوه
هنددددددد
&&&&&&&
يتبع
قراءه ممتعه
