فسحه امل
١١
بقلمي بنت الرافدين
ظل يتلوه ويصيح من الالم واجيت عليه
واني اكله شبيك سامر ضربني بوكس
بطني ودفرني شمرني بعيد.ماجنه مريض كوه
يكوم ويكعد ماعرف منين هاي القوه
ظليت اصرخ من الالم احس بطني تتكطع
هو يسب بي ويكولي تردين تسمميني
ها شنو مخليتلي بالاكل حتى هيج الالم
اني منتهيه من الالم بس من كال هيج
فكيت عيني على وسعها شنووو؟؟؟؟
ياسم انت شدتحجي مو اني اكلت وياك
وداد هم ليش ماتتسممنه
استكي ادبسززز بسيطه اني الج
رجع يعيط
شويه دخلت امه
هله هله كملت عليج ياهنوده
اجت عليه وتسال بي شبيك وشنو الي ياذيك
وهو يصيح من الالم
خابرت على الدكتور ورجعت تهدي بي
ودكله هسه توصل الاسعاف
هو مستمر يتلوى ويرجع يغلط عليه
هي السبب هي الي سممتني
شنوووو؟؟
اي يوم من اكلت من طبخها واني بطني
سجاجين تتكطع
اجت عليه شنو سويتله بت الفكر
والله خاله ماسويت شي شوفه عينج
مو اكلنه كلنه سوه
بس هو ماعرف ليش اتاذى
اجتني وتضرب بيه راشديات واحد وراه الخ
حد.ماكعدت بالارض ولفيت نفسي
وغطيت وجهي وظليت ابجي بحركه
مو من الم الضربه كد.ماالم بروحي حسيت
اني شكد.ذليله ومالي احد.بلدنيا
٠٠٠٠٠
بدلتله وطلع سامر وهي وكفت بلباب وكالت
اله طلع شي بلتحليل اقراءي على نفسج
الفاتحه وطلعت
شكد.مره شريره وماتعرف الحق هسه ماتعرف
بابنها مريض وياتذى وتعبان
بقيت مكاني ابجي وادعي على نفسي
وعلى ابويه الي ورطني بيهج.قسمه
ماعرف شكد.بقيت كاعده حد.مانمت
كعدت واشوف على مكاني اباوع الساعه
متعديه الثمانيه الصبح وسامر ماكو بفراشه
غسلت وبدلت وطلعت للمطبخ
طلعلتي بيضه سويتها عين وخليتها بصمونه
وصبيتلي كلاص جاي واكلت واني واكفه
كملت وغسلت المواعين قوي حتى لا يكولون
سممتهم
واجيت ارجع للغرفه صارت بوجهي
وداد صباح الخير هنوده
صباح الخير
هاي منو ضاربج على وجهه وطابع ايديه
ماسمعتي الهوسه الي صارت
لا
حجيتلها
حظتني وظليت ابجي وهي تواسيني
من زمان محد.حاظني ومحسسني بالامان
كل الي اعيش وياهم يعاملوني معامله قاسيه
ظليت تهديني ودكلي ماانتي مالج ذنب
هو مريض لكوا اليوريا صاعده عنده
ويحيبقى كم يوم بلمستشفى
رجعت كعدت بغرفتي وهي راحت على شغلها
تمددت ونمت بقيت وراه الظهر يالله كعدت
احس الوقت يمشي بطى بهذا البيت
والهدؤ الي بي ما ينطيني الامان كد.يعصرني
ويخوف ومستقبل غامض ويه انسات مريض
ساعه يصير حنون وصار يصير وحش
٠٠٠٠٠
بقينا يومين على هل الحال سامر بلمستشفى
وامه تروح وترجع عليه
واني محد.يحجي وياي او حتى من اسأل
خالتي على سامر.ترزلني وتغلط عليه
وتطردني
وارجع للغرفتي حتى الاكل تاكل وحدها ماتقبل
اكل وياها
مليت من الرزايل والغلط
عفت كلشي وصرت اسهر اليل كله
على التلفزيون والنهار نايمه احسن حل
حتى ماشوف خالتي
اربع ايام وطلع سامر للبيت شويه متحسن
من كالت وداد فرحت ونظفت الغرفه وفرشت
فرشه جديده وبخرتها
وبدلت وتمكيجت والله فرحت من كل كلبي
لان حالته تحسنت
خطيه شاب بعمر الورد مايهون عليه اشوفه
يتاذى وماعايش عمره
وبنفس الوقت متخوفه منه اخاف هم يضربني او يتعصب عليه بدون سبب
للظهر اجه سادنته امه وزوج نهال
ودخلوا للغرفه ضعفان وتعبان وكانونه بايده
خلوه على الفراش واجيت سلمت عليه
وبست راسه اشو هذا دار وجه مني
ياربي شبيهم عليه
غطته امه وصاحتلي طلعت وراها
اشرتلي على الغرفه مالتها
نعم خاله
شوفي دروب التمسكن ومثل الحيه تكرصني
وتختفين بطليهم كلتها الج قبل عيوني بكل
مكان بلبيت
هذا ابني الوحيد تعرفين شنو ابني
اني ام وتخاف على ابنها اسوي كلشي لخاطير ابني حتى اجرم
بس حتى اشوفه مرتاح تعرفين شنو احساس
الام ولو انتي وين تعرفين شنو ام اله امج عافتج بلبيوت حتى تتزوج وتعيش عمرها
اني لا اختلف اسوي كلشي لخاطير ابني
اتصرفي بعقل وعوفي اسلوب الانتقام
وعافتني وراحت
اباوع لنفسي منتهيه من البجي
يعيروني بامي ليش
رحت للحديقه الي وراه البيت شبعت بجي
ماعرف شكد.بقيت كاعده لو ابقى يوم كامل منو
يسأل عليه او يكول وين راحت
مسحت دموعي ورحت للغرفه والله ماريد حتى الغرفه كرهتهتا بس وين اروح
سامر مستند ظهره على مخاد وكاعد ومغطي نص جسمه بلحاف
كلي وين جنتي؟؟؟؟
بلحديقه
ليش هيج عيونج حمر
وكع بيهم غبار
تعاي يمي يشريلي بيده على الحاف
اجيت كعدت بس مجبجبه منه اخاف
ماجنه رجلي ماحس وياه بالامان
كعدت لزم شعري وانه تراجعت ليوراه
اخاف ياذيني
ظل يلزم الخصله ويشمها ويخلها وراه
ذاني
اني اسف هنوده
سكتت
ماعرف شنو هيج اذيتج مو قصدي بس
اني اتعذب الم جسمي اقوى مني يخليني
اقفد من شده الالم اتمنى انتقم من كل
الي يمي اتصور هما سبب بعذابي
حتى الي يعاملني بلطف اعتبره
دايعطف وياي
اشرلي بايده اقترب منه
اقتربت حظني وظل يعتذر مني
وكلي اريد اكل من ايدج
لادكلي بيتزا وتروح تتاذى
ههههههه ليش انتي ماتعرفين بس
البيتزا
شنو تريد بلبضبط.
كلشي من ايدج حلوو
تمام راح اسويلك اكل بس بدون لحوم
وشرط نطلع بلحديقه
تمام
نزلت فرحانه وعندي طاقه ايجابيه
واني على الدرج افكر شنو اسوي
اطبخ
ودخلت للمطبخ فتحت الثلاجه واريد اطلع
الخضروات على اساس اسوي تبسي باذنجان
زلاطه وعصير فرش
واني بعدني اطلع بلمواد.اجتي خالتي
داسوين
اطبخ سامر طلب مني اطبخله
سحبتني من ردني وطلعتني بره المطبخ
احترمي نفسج و بلاوي يوميه ماريد
وسامر مامحتاجج تطبخيله
واياني واياج الكاج واكفه بلمطبخ
ياربي هاي شبيها وياي ليش تتصرف
وياي هيج كبر حتى كبر ان شاء الله
رحت كعدت بلصاله بعدها صعدت
للغرفه لكيتها يم ابنها
ماعرف شنو يحجون شويه وكلتله ياالله ننزل
نتغداء
كالها لا
اني وهند نتغدى بلحديقه
وهي عاطيت سامررررر
كافي تصرفات المزعطه
يعني ماتعرف انت الك اكل خاص
كافي يامي تعبت ارحم حالي
اتمنى تتحسن والعلاج يجيب نتيجه وياك
انت تروح تخربط كلشي ونرجع من الصفر
سكتت وجر نفس قوي وكالتله
امشي يامي
اخذته وراحت
نزلت وراهم خلوا الغداء
هو شوربه اكله وخبز اسمر
بس اباوعله ياكل بدون شهيه
واني وياها صدر دجاج مشوي علمودها هي
هم
عدها ضغط وكرسترول .واني من المنسين
مو عبالك بشر واشتهي اكله معينه
اكل وامري لله
٠٠٠٠٠
مر على زواجي شهر واني على الحال
ممنوع ادخل المطبخ او اسوي اي شي
من زوجت لليوم ماطالعه بره البيت
ماكو احد.احجي وياه حتى سامر
قليل على كد.السؤال
اله اله خلك يحجي وياي ولا حتى من احجي
يسكتي
حتى التلفزيون بامره وحسب حالته النفسيه
وخالتي هي هي تروح ترزل تجي ترزل
ماعرف على شنو شايفه نفسها عليه
فديوم دزت عليه عليه بغرفه المكتب
اجي
رحت و اني بملابس البيت جنت لابسه برمو
و بدي نص ردن لا محد.موجود بلبيت
هاي جانت بلمكتب
دكيت هو جان مفتوح كالت ادخلي
دخلت واشوف سامر ويمه ولد شاب اكبر شوي
منه
ظلوا يباوعون عليه وسامر صاح
طلعي بره
اني هم طلعت شبي هذا يطردني
مو امه الي ودت عليه
صعدت لغرفتي مو اكثر من كم دقيقه
دخل سامر وشكله عصبي اجه عليه
ولزمني من شعري
ودفعني قوي انضربت بحافه الميز مالت المرايه
حتى المكياج كوله اطشر
اني عطت واحس وجهي اتغرك بلدم
شبيك تخبلت ليش تضربني
انجبي لج شون دخلين للمكتب بهاي ملابس
منين جايه انتي جنج وحده موخوش
لهنا وكافي شنو كل واحد الي لزمني يعيرني
لو بامي لو يكول عليه بدون شرف
ليش شنو سويت امك.دزت عليه ليش ماكالت
عدنا خطار غيري لبسج
ساعه تسوين اريد اقتلك.وساعه بلا شرف
حرام عليكم الرحمه حلوه
انتم تهمكم المظاهر كلشي تسووون بس
تبينون للناس باحسن صوره وانتم اكبر
ظلام
لج احجي شنو ظلام بشنو ظلمناج
لاابد.مامسوين شي
تعرف امك محرمه ادخل للمطبخ اسويلي اكله او حتى افتح الثلاجه
لو اكل حالي من حال اكلكم لو ابقى ميته جوع
الكل تضربني وتهيني
يعني لو اختك هيج يضربها زوجها تقبل
لو هيج يهنها
عفته وطلعت وراسي مشكوك والدم غرك ملابسي ولاتهميت اله تعبت
نزلت ورحت من باب المطبخ فتحته ورحت على المطبخ الي بلحديقه الي جنت اخدم بي
كعدت باواحد من اركانه وشبعت بجي
صح اني اقل منهم بس ماذيتهم حتى هيج
كل تعاملهم بلضرب
بقيت ابجي ومنا الم راسي ذبحني حد.ماغفيت ونمت مكاني على الارض
ماعرف شكد مر من الوقت واشوف
خالتي ودواد فوك راسي
كالت خالتي بنت الفكر شعندج هنا لو حنيتي على مكانج القديم ولخدمتج
اي حنيت وارحم من قصرج
احترمي نفسج لج تتطاولين عليه
لاعبالج زوجج مريض ومايكدر يربيج
والله اله اسويج.عبره لغيرج
شنو الي تردي مني زوجيتني لانبج
وشبع رغبته ببنيه شابه واكتفه
هسه صار مايطقني عوفوني اروح بحال سبيلي
امشي اصعدي وبدلي ملابسج
ما اطلع من هذا المكان ومااصعد عوفيني بحالي عوفني
طبج مرض ان شاء الله
ابقى هنا وبيش تاثرين
عليه بس ماكول اله ان شاء الله مرض ابني يوكع بيج
وداد.خلت ايدها حلكها من سمعت دعائها
وعافتني وطلعت
غميتها باثنين ايده
عبالهم كلشي يشتروا بلفلوس
عدلت نفسي والتمس راسي على شي يابس
رحت للحمام وغسلت واباوع للشك بنص الهامه
رجعت كعدت مكاني وظليت صافنه على ابويه
من يوم الي عاتبته لليوم لاسأل عني لادك
عليه
يجوز عبالهم اني عايشه بلخير ونعيم وهما
الفقره الي مايملكون شي
بقيت كاعده وحدي صح المكان مخزن مو مال
كعده وحتى فراش مابي
بس حسيت براحه مشايفتها بغرفتي شويه
واجتي وداد جايبه اكل
ودكلي اكلي
ليش تعبتي نفسج يمعوده اخاف يعاقبوج
لان مهتمه بيه
اكلي ومالج شغله بيه
مااشتهي والله ولاتخافين متعودين على الضرب
انام بدون اكل ايام هواي عشتها هيج
ظلت تتوسل بي وعافت الاكل وطلعت
باوعت للاكل وحسيت بجوع
مسويه كباب عروك ولبن و زلاطه
اكلت وشربت البن غسلت المواعين
وخليتهم ورجعت لمكاني
خليت راسي على الحايط واباوع للسكف
وافكر بعد شنو اشوف بدنياي
ليش اني مالي سند هواي اسمع بنات
فقره ومتعوزين ويزوجون ويرتاحون بحياتهم
هسه شهر صارلي من ازوجت المفروض بعدني
عروس واحلى ايامي هاي
دافكر
ودخل سامر ماعرف ليش خفت منه
رجعت ليواره
على الرغم من المرض البي وجسمه الهزيل
بس ضربته تاذيني
اقترب مني وظل واكف
كومي اصعدي للغرفه
مارديت عليه
سحبني من شعري سمعتي لو اعيد.
هاي كلاواتج عبيرها على غيري
