فسحه امل
٦
بقلمي #بنت الرافدين
عشتار
مساء الخير
مبارك عليكم ليله او عرفه
تقبل الله اعمالكم وقيامكم
سمعت صوت يجي من الحمام ومهتميت
بعدها الصرخه صارت اعلى
طفرت وجان اشوف وسام حاصر
فاطمه بلحمام وهي تضرب بي
وتصيح حقير بلا شرف نذل
يمه واني اتخبلت شلت نجانه الحمام
وركع على راسه وفاطمه تجر بكفشته
مخلناه تمخل والله ساقط البنيه بيتنا
هيج تتحارش بيها
وهو بين ايدنا صار من
الحظينه نجرجر بي
ونضرب
حد.ما نهيناه من الضرب
طلع من الحمام وشمرت عليه طاسه اجت
براسه كدر يفلت على الدرج
من صعد طلع لسانه
وهو يتهدد بيه
طلعت فاطمه كعدت بلغرفه ومنهاره
من البجي واني اعتذر منها واسكت بيها
بعدها لبست عبايتها وطلعت
واني بقيت ميته قهر ومنا مريضه
بقيت بفراشي وعفت الشغل انعل ابوهم
لابو الي يشتغلهم المن اتعب لهذا العار
بدل ماهو يعيشنا
ويصرف علينا
اني متحمله عيشتهم
ظليت احجي حد مانمت شويه واسمع
مرت ابويه تعيط
فوك راسي
ليش عايفه شغل البيت
ونايمه وليش،لهسه
مامجهزه الخبز
مارديت عليها سويت نفسي نايمه
ظلت تلعلع وشالت البطانيه مني وتشمرها
ودكلي كومي
ماكوم لو شنو يصير
كافي ذبحتوني خدمه بخدمه
والمن لهذا ابنج العار
انجبي هذا تاج راسج ولج اله اخلي يكسر
راسج
رجعت جبت البطانيه واريد تمدد
رجعت عطات
شوفي خاله شغل مااشتغل شنو تردين تسوين
سوي
ولج شبيج غير اعرف
شكو روحي اسأل الشفيه
ابنج.شنو صخم وبعدين تعاي تعاركي وياي
تغطيت بلبطانيه ظلت تسب وتشعل
شويه واسمع عياطها ورجعت عليه
كومي هند
خير
ومنين يجي الخير هو الي يشوف ابوج
يشوف الخير من يوم الي زوجته لليوم واني
كل الهم اجاني
ابويه شكو بلموضوع
شنو هو الي كال لابنج هيج يسوي
البسي عباتج وامشي نروح بيت فاطمه
قبل ماتسوينه فضيحه ودكل لاهلها
هاي الي هامج الفضيحه
ماهامج ابنج شنو
سوه
كومي وبلا كلام زايد
رحت للحمام غسلت وجهي وبدلت بجامتي
وعدلت شعري
ولبست عبايتي
وطلعنا هاي صارلي فتره ماطالعه من البيت
مشينا وجان نتعدي من يم محل احمد.
احس كلبي كام يدك سريع
سلمت عليه خالتي
هو ماانتبهه جان
عنده ناس هواي بلمحل
افترينا بلفرع الثاني كم بيت وصلنا
دكت خالتي الباب شويه وطلعت ام فاطمه
سلمت عليها ودخلنا بس امها رحبت بينا
ظاهر ماتعرف او ماكيلتتها فاطمه
جابت النا مي وبعدها جاي وظلت خالتي تسولف ويه امها
حدما شويه كرصتني قوي بفخذي
وتحجي وهي صاكه سنونه كومي شوفي
فاطمه وين فاكه حلكج شبيج
كتلها خاله وين فاطمه
جوه خاله بلغرفه رحت عليها
بوستها وكتلها خالتي جايه عليج
امشي اطلعي كلتلي
ماقبلت ظليت توسل
بيها الى ان اقتنعت
شويه وطلعنا كعدت
يم خالتي اجت وبوستها
وتشاورها حتى لاتسمع امها
كالت بعد اني مااشتغل ظلت تتوسل بيها
خالتي وامها هم
حد مااتفقوا تخبز بيتهم
صراحه ضجت لان بعد مااشوفها قبل
شويه تخفف عليه الضوجه مالت البيت
٠٠٠٠٠
ورجعت للبيت وبعد
.فاطمه ماوصلت النه واني
وشغل البيت الي
مايخلص اله عندي مجال
اباوع مسلسل تركي
هاي عندي اخر ونسه
ابويه استمر بشغله
وصار مايتواجد هوايه
بلبيت الصبح يشتغل
ويرجع بليل ويجي
ينام كم ساعه وهم يرجع
اول راتب استلمه
جابلي فستان لونه
فستقي وشال وحذاء
يمكن هاي اول مره يشتريلي
من اجيت عدهم
او البس شي جديد
وهم اخواني كلهم جابلهم ملابس
وجايب مسواك وفواكه
وبليل كال اني حجيب العشاء
وطلع نص او اكثر اجه
وياه علاليك لونهم ابيض
والريحه ترتسن البيت وافتح وجان اشوف
كباب ومقبلات وببسسي وصمون
محد.مصدك هيج اكل بيتنا
والكل فرحان
وندعيله بلرزق
الابو غير من يصرف
على البيت مهما يكون
العائله تشيل نفسها
ويصرف بطيب خاطر مو مثل المره تتكفل بلبيت تصير متفرعنه وهي الامره الناهيه
شون مرا تخوف
