فسحه امل
٧
بقلمي بنت الرافدين
عشتار
مساء الخير
كل عام وانتم بخير وصحه بسلامه
..........
اخذوا ابويه وظلينا مكانه ندك ونلطم
شون مصيبه ياربي
فوك ماهو مريض
بابنا الجوارين كلها مجمعه والجهال
بعد ماكو احد.بلمنطقه ماواكف بابنا
وكلها نفس السؤال شكو وليش اخذوا
شنو مسوي
صاحت مرت ابوي جيبي عابتي وجزداني
وهي تولول
جبتلها الها وكلها ابو محمد اني اروح وياج
وطلعوا
سديت الباب ورجعنا للهول اني واخواني
شويه هم اندك الباب ياستار
طلع حسام اجت جيرانه ام محمد
كالت اخاف محتاجين شي
مشكوره خاله فدوه لعمرج
اكلج هنوده شنو القصه ليش اخذوا لابوج
والله مانعرف بس اكيد وسام مسوي بلوى
اكلج هو هسه وين اخوج
والله خاله مانعرف عنه شي بس الي كاسر
خاطري ابويه فوك ماهو تعبان هما اخذوا
ربي يكون بعونكم اني رايحه.عليج الله
اي شي تحتاجي دزي عليه وعينج على اخوانج
مشكوره خاله ان شاء الله
طلعت وسديت الباب ماراح اخلص من التحقيق
كل ساع وحده جايه
بقينا اكثر من ساعتين ورجعت
خالتي
ها خاله شكو صار ابويه وين ؟؟؟
نزعت شالها وتهفي بي على وجهه
مصيبه وطاحت على روسنا
وظلت تلطم على فخذها
دك فونها
طلعته وردت وظلت ساعه تبجي وساعه
تحجي ماعرف ويه منو
اقل من ساعه واجوا اهلها اخوانها والاولاد
اخوها وملوا البيت
وجببي ياهند جاي وجيبي مي
وظلوا كل واحد.يحجي شكل
هم ياريت يفهمون مثل اختهم بس عياط
واصوات عاليه
بقوا اكثر من ساعتين واني متت تعب
والوقت تاخر واحنه هوستنا عالكه
رحت فرشت لاخواني واني هم نمت
ميته تعب بس خليت راسي غفيت
ماكعدت اله ثاني يوم
رحت للحمام وغسلت وبرجعتي
اشوف واحد طالع من الهول
استغربت منو هذا نايم عدنا
صار بوجهي ويفرك بعيونه
عفته ورحت للمطبخ خليت الجاي على النار
وطلعت بيض وجبن اسوي ريوك
وطلعت خالتي عيونها مرومه من الضغط
وهم لالفه راسه
صباح الخير
صباح الخير كوه تحجي
شنو سويتي على الريوك داكلي بيض
وهذا جبن عدنا
اي خوش مو هذا ابن اخوي كرار بايت
عدنا
شويه رتبي الرويك
ان شاء الله
كالت كعدي حسام حتى يجيب صمون
عيب الولد ياكل خبز مال البارحه
كلت بكلبي صدك بعد ابن اخوج اكيد عيب
كملت الصينيه وديتها للهول
خليته واريد اطلع
كال شبيج ماتعرفين تسلمين
باوعتله وكتله هلوو
مكلفه على عمرج هواي هاي
عفته ورجعت للمطبخ والله يالله
شنو يريدني شون اسلم عليه مثلا
ليكول اني وياه عشره عمر
طاح حظكم من عائله ولاواحد.بيها
بي خير
كملت ريوك اخواني وتريكنا صاحت
خالتي هنددد
هااااا
تعاي صبي جاي لكرار
رحت اخذت الكوب وصبيتله
وانتطيله اله
شويه وكالت خالتي اني طالعه اني واكرار
نشوف حل للهل المصبيبه وديري بالج على
البيت واله صار شي خابرني من ام محمد
صار خاله
وطلعت
رجعت للبيت وهوسه التنظيف
وراه ساعه او اكثر واني بلحمام اغسل ملابس
ورافعه الباجه
سمعت صوت خالتي تصيح هندددد
كلاص مي ريكي نشف
رحت للمطبخ جبتلها مي واجت انطيها
وباوعت لكرار وياها
ياااعززا واني رجليه كلهم طالعات
هو عينيه تريد تاكل جسمي ركضت للغرفه
بدلت ورجعت للهول واسال بخاله
عن ابويه وهي دكول ماكو خبر
مايطلع اله وسام يسلم نفسه
