فسحه امل
١٧
مساء الخير
بقلمي بنت الرافدين
مساء الخير
.........
وصلت للمستشفى وداد.لازمتني تمشيني واني
كامشه ايدها بقوه ميته خوف دخلتني واني اكلها عفيه وداد رجعيني ماريد.اجيب مو اليوم
والله خايفه
دمشي ياعيني شنو بكيفج مو اليوم هسه نشوف دكتورا شنو دكول وعلى اساسها تبقين لو ترجعين
وصلنا للباب الغرفه منتظره دوري اكو بنيه يم الدكتورا انتظرناها تطلع واني دخلت بس وداد طلعوها كتلها عفيه خليها
اصعدي ماما اصعدي شنو ترضعج امج وترديها يمج قابل شنو راح اذبح شافتني كالت طفلج عالي ماعتقد تولدين هسه ابقي تمشي فد ساعه وبعدها نشوف فرحت من كالت ماراح تجبين هسه طلعت وفتحولي فايل وخلولي غرفه وحدي لان مستشفى خاص ظلت وداد تخابر وتروح منا وتجي منا وساعه تستغفر وساعه
دكول اوووف
ماعرف ويامن تحجي واني عندي اوجاع ومنا خايفه مابيه اسألها ظليت ساعه اصيح من الالم ساعه امشي تخربطت احوالي ماعرف شنو اسوي حدما اجتي خالتي شافتني
وسألت وداد.كلتلها وين الدكتورا ؟؟؟
اشرتلها على غرفتها وراحت بس شكلها خايفه ومتوتره
وره هيج ربع ساعه رجعت كالت يالله امشي الدكتورا تريدج اني منتهيه كوه امشي وصلت للدكتورا وكلتلي اصعدي على السديه صعدت خلت جهاز يطلع صوت مثل نبض القلب
كلت لخالتي ام سامر امورها طبيعه بس هي لان اول طفل تتاخر انتظريها تولد.طبيعي
خالتي كالتلها لادخلوها عمليات شنو هاي شنو تفتهم من الطلوك تروح تخنك الطفل واني شنو احصل
بس تتاذى وبعدها زغيره
ان شاء الله تموت بس اريد.الطفل
تحجي واني يمها وبهاي حالتي ماكو كل مراعاه لحالتي وضعي يعني هسه لو بتها هيج دكول كالتلها دكتورا روحي فتحي فايل وقعي ومري على الحسابات
واني اخذوني بغير ممر دخلت مجموعه غرف بلجانبين دخلوني لوحده لبسوني دشداشه لونها سمائي الفتحه من الظهر
وكالوا اكعدي حد.مايجبون اوراقج ماطولت خالتي واجت وهما اخذوني نيموني على سديه والخوف اكلني اكل يعني كل مره باهي اللحظه عدها ام زوجها اخت عمه خاله اله اني وحيده
صعدت ودموعي تصب اجه دكتور مو كلش جبير بعمر تلاثينيات لزم ايدي يشدلي كانونه واني غير تخبلت اخذ ايد منا وايوديها منا
كلي الدكتور شبيج بابا ثبتي شوي
بداعت امك على كيفك اخاف والله
هههههه منين تخافين غمضي عينج وهاي هيه
صدك درت وجهي بس من الخوف بس احس الابره تلامس ايدي افتح عيني سألني شنو اسمج
هند
حلوو وشنو يسموج بلبيت
مو سوه الي يحبني يكلي هنوده
والي يكرهني
يكلي هنيده
هههههههه ظل يضحك بصوت عالي ويدفع دواء بايدي حد ماماحسيت على شي ظليت اشوف بيبي اجتني واحجي وياها بس ماترد عليه واجاني سامر ويكلي وين محمد انطياه
ماعرف خربطه بخربطه حد ما وعيت بس كوه افتح عيني واكفه يمي ممرضه وداد اسمع الممرضه دكلي تسمعيني
اي
كوه تطلع مني هاي الكلمه رجعت نمت وهم اسمعهم يكعدوني كعدت بس بطني الم موتني
يمكن هو الي خلاني اكعد
صحت وداد عفيه اريد اموت الم
اجت يمي بوستني وكلتلي حمد الله على سلامتج حبيتي مبرووك هنوده جبتي محمد
الله يسلمج بس اباوعلها عيونها مورمه من البجي
سالتها شبيج وداد كالت مابيه شي
ماعرف معقوله عليه يعني حتى لو قلقله عليه
بس مو هيج تبجي اجت الممرضه وشافتني وكلتلها وداد على الالم كالت طبيعي بس خل ترضع ابنها
اباوع بس وداد.وياي لعد وين عيالي هاي اني كل شده بس اشوف وداد والسايق وياي هما ذوله الي نفس مستواي دقايق واجت الممرضه
تدفع ابني بسريره الزغير
كعدتني وخلت وراه ظهري مخاد.واني اصيح من الالم وخلت الطفل بحظني وعلمتني شون ارضعه يالله احساس يخبل ماينوصف بس دموعي تصب يارحمتك ياربي يعني هاي هذا الي جان بطني هسه بحظني اباوعله زغير ولونه وردي يخبل وكلشي بي ناعم وزغير بديت ارضعه واني طايره من الفرح مارضع شويه ونام
اخذته مني وداد وهي تصلي على النبي ودكول
لج هنوده هذا يشبج والله شوفي نفس دوره وجهج نفس خشمج زغير
اني لازمه بطني واكوله هو كله زغير بقت على خشمه
يمعوده خلي شمايكون المهم كامل وصحيح مو مريض
وربي يجعله من ابناء السلامه والبارين بيج تستاهلين هنوده
فدوه لعمرج حبيتي
بس الالم وداد موتني اي هسه ينطونج علاج صدك دتحجي واجتي الممرضه ضربتني ابر هدءت ونمت
كعدت وراه كم ساعه مالكيت احد يمي ماعرف ليش اباوع للسرير ابني ماكو
يمه وين ابني منو اخذه وليش محد يمي ليكون
باكوا مني لا اخاف هاي خالتي اخذته بعد اني مالي لزمه عدهم سنتدت نفسي اريد اكوم ماكدرت ظليت اصيح واعيط وين ابني ولازمه بطني واعلي بصوتي باخر علوه حتى يسمعوني
حدما اجتني الممرضه كالت شبيج ليش هل العياط
ابني وين منو اخذه
اسم الله الرحمن محد اخذه بس اخذوا لابوه
ابوه ليش سامر موبلمستشفى هنا ؟؟؟
اي نقلوا لهنا بغير قسم من سمع بيج والده يريد يشوفكم
الله عليج صدك.تحجين يعني ماخذوا ابني وبعد مايرجعوا الي
دخليك يارب لاحبيتي اجتي بيبته وهاي المره الي جانت يمج واخذوا الطفل لابو حد ماتكعدين ويرجعوا الج
اي اني هسه كعدت روحي جبيي الي
اي حبيتي هسه اتصل بام زوجج بس قبلها لازم تاكلين شي تشربين سوائل حتى تكدرين ترضعي وبعد شغله ماريد اعصاب وانهيار وبجي مو زين عليج وعلى الطفل كل قهر بيج ينزل بحليبج لابنج وراح تضرينه اكثر ماتنفعينه
ان شاء الله
بعد.ماانقهر ولاابجي بس جيبي الي
طلعت واني عيني على الباب شوكت يجبوه
حدما اجتي خالتي وداد وخالتي شايله الطفل بيدها ومخليته على صدرها اول مادخلوا فز كلبي فتحت ايدي الها يعني اكلها انطيني ياها
اتقربت مني بوستني وكالت مبرووك حبيتي وحمد الله على السلامه
الله يسلمج خاله واني مستغربه من سلامها اول تالي هيج خالتي تصير لطيفه وياي
يالله هنوده اكعدي رضعي هذا البطل
كلت لوداد.ساعديني اكعد
كعدت وخلته بحظني
هي دكول بسم الله الرحمن الرحيم اخذته وشميته يمه وليدي حبيبي وبديت ارضعه وخالتي واكفه على راسي ودكل لوداد شوفي شون فدوه لله اكلج وداد بي شبه لمنو كلتلها
كلتلها وداد.يشبه امه
اي بس عيونه سود لابوه هنوده عيونه عسلي
هنه يحجن واني ارضعه حد مانام اخذته خالتي
وخلته بحظنها ماقبلت تخلي بلسرير دكول هذا يبقى بحظني طول عمري مايتركني
كلتلها وداد ان شاء الله عمرج طويل وتشوفينه شاب وتشوفين اخوانه
دنكت ونزلت دموعها بس ماعلقت واني كلبي كرصني على سامر اكيد حالته تعبانه
طولت وهي مدنكه حد.مارفعت شوفها وكالت تاكلين زين حليب تمر فواكه بعد ماوصيج شوفي شون زغير ومابي لحمه وداد انتي تشرفين على اكلها ماريد حليبج ينقص
هزيت راسي ورجعت تمددت استوني غافيه وكعدتني وداد.
شكو
كعدي تغدي دنيا الظهر
اوووه وداد.ماريد نعسانه عفيه من اكعد اكل
عاطت خالتي شنو ماتردين هو على كيفج مواستوني شنو كلت مو ارديج تاكلين وتتغذين
من سمعت خالتي تحجي عدلت نفسي وكمت لان هاي كلمتها وحده ومايفيد وياها النقاش
واجتي وداد توكلني كوه اكل ماعندي شهيه بس خوف من خالتي
وهي مخليه ابني بحظنها ظل يبجي وهي فرحانه بصوت وتصور بي واني من سمعتها يبجي حتى الاكل عفته واكلها انطانياه
ارضعه
لاتخافين عليه خلي يبجي يوسع صدره
مافهمت شنو كالت بس سكت انطتياه رضعته وهي راحت على سامر
سألت وداد.عليه اكلج وداد شونها سامر الحمد.الله نفس وضعه ماكو جديد
زين مايكدر يجي عليه اريد اشوفها
وين يجيج والله انتي بطرانه
زين هو فرح من سمع بيه ولدت
اي شون مايفرح مو دز على ابنه يشوفه
اي صدك شنو كال
طاير من الفرح من كلوله هنوده ولدت اصر اله يشوفه والدكتور رافض وهو اصر يشوفه اجت امه اخذته وراحت اله
شفتي هاي من دااصور حتى تشوفه اله
يالله شوكت نرجع للبيت هو يتحسن
ان شاء الله باجر تطلعين
يالله اني راح انام
واني هم تعبانه اخذت مني حمودي خلته بسريره وتمددت على القنفه خطيه تعبت وياي
بهاي اليومين
اني هم تمددت بس عندي الالم ظليت التلوه شويه وغفيت ماكعدت اله العصر على صوت وداد.وهي دكلي اكعدي هنوده
شبيج وداد كل مانمت كعدتيني اكعد حتجي خالتج واختها ام لؤي
اوووه اله هسه
ها لعد.شون غير انتي والده والناس تجيج
يالله كومي بدلي وغسلي
كومتني ودخلتني للحمام غسلت كالت لاتخلين مي يوصل للعمليه غسلت بس اطرافي وجهي وشعري ولبست بدله لونها احمر قماشها شتوي لان الدنيا بارده
طلعت مشطت شعري وداد وكعدت ارضع بحمودي حدما اجتي خالتي جايبه كيك وعصير
جكليت خلته على الميز و من شافتني معدله نفسي ومتهائين زين ماعلقت
واخذت حمودي لحظنه وتلعبه ودكله ابوك يسال عليك بلكي وجهك علينا خير ويشفى ابوك
اني اشتهيت الكيك كلت لوداد.انطيني قطعه قبل لايوصلون اكلت قطعه وعصير حتى مااخلي عيني عليهم زين بس كملت دخلوا اول ام لؤي وراها لؤي وحماتي نهال لازمه ايده ودخلوا سواه اني فتحيت عيني عليهم هاي شنو حتى لو زوجها مو هيج تلزمه اجت بوستني هي وخالتها ولؤي بارك لخالته وباس راسها وهم باركلي وتحمدلي السلامه وظلوا ياخذون حمودي من ايد لاايد وكل ساع واحد.منطي رائيه بلشبه واحد يكول يشبه بيبته واحد.يكول يشبه امه
بقوا بنص الساعه ونهال لازكه بابن خالتها خاف يطير طلعوا حتى خالتي راحت وياهم واني لزمت وداد تحقيق اكلج شنو القصه فهميني لادكولين بهاي اليومين الي بلمستشفى اني انخطبت اله
خب والله بطرانه انتي هسه شكو بيها تنخطب تتزوج
غير حماتي واعرف شوكت انخطبت
هزت ايدها والله يالله شون تنخطب وهي لهسه بذمه رجلها
عليج الله
والله لهسه كل ماتروح للمحكمه لو مايحظر لو مسافر ومخليها هيج
لعد.ولؤي شنو موقعه من الاعراب
اكلج شي هنوده مالج شغل بيها انتي مو كدها لاتدخلين وتسألين عن حياتها انتي ماشايفتها شون جانت مدلله قبل لاتزوج عاشت عمرها كله على خير وترف وماكو ممنوع بقاموس حياتها اي شي تسوي هو الصح لاتقارنين نفسج وياها
واله على لؤي ترى هو ابن حالتها ومتربين سواه لاتاخذين تصرفاتهم على غيرشي
اي صدك كلامج يالله شكد فاهمه انتي مو مثلي
عقلي بي تنكه
هههههه حلوه هاي دخلت الممرضه وشافتني وانتطني علاج وجابولي عشاء شوربه تلعب النفس بعد.اكل مستشفى بس مااكلت منه ذبته وداد كله واني اكلت باقي الكيك
وغيرت لحمودي وكمتطتها وهي دكلي تعلمي
مني شون تلفي
والله مادري شون راح ادبرها كملته وطفينا ونمنه غطيت بنوم حد.وقت متاخر حسيت نفسي احتاج حمام والالم تزيد عندي تكطع بطني تكطع اباوع لوداد نايمه استخطيت اكعدها شنو المره ابتلت بيه خوما ابتلت بيه
سندت نفسي وكمت وصلت الحمام بس بصعوبه غسلت ورجعت وجان ازلك باب الحمام
تمدت على طولي اريد.اشيل نفسي حاولت اكثر من مره ماكدرت ظليت اصيح على وداد اجت وشافتني تخبلت كومتني وصلتني لفراشي وراحت صاحت على الممرضه اجتي وياها فحصتني وشافت العمليه وانتطني علاج
وظلت وداد تحجي عليه ليش تكومين وحدج لو صاير بيج شي انتي شبيج ماتفتهمين لشوكت تظلين مرعبله هسه لو سمعت خالتج شنو يفكج منها
لاتخافين بعد.مابعد.ماتتهملي ابنهم وصار بيدهم
شنو احجي وياج بعد.طيرتي النوم من عيني بخبالاتج
رجعت نامت وحمودي كل ساع كعد.يبجي واني جسمي كله يعورني من الوكعه حد.ما صبح الصبح واني على كعده وحده اجت الدكتورت شافتني وكالت لازم تحليل دم ليش وكعتي ودختي اكيد دمج نازل
يعني ماطلع اليوم
خنشوف التحليل والله كريم
سحبوا مني دم وراجت وداد دزته للمختبر واني بقيت وحدي
بقى اكثر من ساعه وداد.ماكو ظليت بقلق ليش تاخرت وماعرف ابقى وحدي حد مااجت بس ضايجه مو على بعضها
شبيج وداد ماحجت كل هذا تحليل شنو طلع بي
شنو طلع فقر دم بيج هسه تجي الدكتورا وتنطيج علاج
ها زين
واحنه كاعدين منتظرين الدكتورا ودخلت مرت خالي وبنات خالي يالله شكد فرحت بيهم
تحمدولي السلامه واخذوا ابني والبنات يصورا
واني صوروني يردون يدزوها لخالي وليد
والبنات يضحكون ويكولون شكد ابويه فرح من سمع وكال هنوده المخبله صارت ام
هههههه ليش عيني شايفيني
اتقربت مني سما وكالت طارق يسلم عليج
الله يسلمه سلمي عليه هوايه كلش مشتاقتله
كالت خالتي لوداد شعجب باقيه لهسه ماطلعوها اني اعرف القيصريه ثاني يوم تطلع
ظلت تحجيلها وداد شون وكعت ودخت
ليش شبيها
عدها فقر دم
زبن خلوها تجي عندي اني اديرها حد.ما تتحسن والله اخليها بعيوني اني والبنات
يا ام طارق على بختج مو هياتني وياها ماعايفتها وبعدين ام سامر وين تقبل يتبعد عنها حفيدها تريدها بحظنها لاتخافون عليها الكل يدايرها
وثاني شي منو بلبيت غيرها
داتحجي وداد وخالتي ودخلت نهال من شافت بيت خالي ظلت تباوعلها بعين الزغيره عليهم عاة اساس هما اقل منها على الرغم بنات خالي لبسهم كلش مرتب وحتى مرت خالي صح لالبسه عبايه بس مرتبه
حتى ماسلمت اخذت وداد وطلعت شكد.مكروها
طلعت خالتي علبه بيها فتحتها وكالت هاي هديتج من خالج فتحته طلعت محبس بي شذره زركه زغيره وتصير بوسط ورده كلش حلو لبستنياه و بجيت
كالت خالتي احنه نروح خاله بعد وكت لا حبيتي البنات عدهم دراسه لو اني لوحدي جان بقيت يمج لليل بس هما
اصروا يجون يشوفوج انتي والطفل
سلموا وكالوا نمرلج من طلعين بيتج
كلش فرحت بيهم يمكن لان شفت واحد.ذكرني من اهلي
٠٠٠٠٠
اجت وداد وكالت هنوده الدكتورا طولت وام سامر تريد حمودي حااخذه الها وانتي نامي زين
ليش هي؟؟؟؟
وين خالتي وليش مااجتي اليوم
اهوووو شكد.تسألين اشك الفقر دم الي صار بيج سببه كثره الفضول مو قله الاكل
شبيج عليه بس اسالج تعاركني وياي اخاف هاي ام الزلم وزتج عليه
ااووف من لسانج اروح اني احسن اخذت حمودي وطلعت
لفي زين اخاف بارده
لاوالله شكرا على المعلومه العظيمه
شبيها هاي انام احسن استوني نايمه اجتي الدكتورا وشافت التحليل وكالت لازم يخلولج
دم كتبت ورقه وخلتها كالت من يجون اهلج انطيها الهم وطلعت
رجعت نمت حدما اجت وداد اباوع لحمودي بفراشه وكتلها ضاجت وخلت وطلعت راحت على الدكتورا وطولت من رجعت هي وخالتي واستلمتني خالتي رزاله ليش بيج فقر دم وليش ماتاكلين شنو اكو شي تردي وماموجود
بس انتي بت فكر متعوده على البيتيه والطماطه ماتعرفين غيرها اخذت الورقه وطلعت
اهوووو هاي شون بيها صدك انقهرت ظليت ابجي حدما اجت وداد.طلبت منها اطلع ماريد.ابقى
لج والدم
ماريده حتى لو تجيبوا ماخالي سمعتي
انتي شبيج مساع مابيج شي
ظليت ابجي هي عرفت بدون مااحجيلها وظليت توسل بيه على الطلعه وهي تقنعني حد.مااجه لؤي وامه بس وجوهوهم حزينه كلش اخذوا وداد.بره يالله شنو هاي الاسرار الي
الي بينهم شنو صاير اجتي وداد.كالت سامر يريدج يشوفج
صدك والله وشون اشوفه
اني اخذج اله
كيفيت من كالت هيج صدك اريد اشوفه عدلتني
وراحت جابت عربانه دفع وكعدتني بيها وطلعت الممرضه مادري عامله تدفعني وهي شايله حمودي بايدها وطلعنا من الممر الي بي غرفتي وصعدنا بمصعد وظلت تدفع بيه طلعت من قسم النسائيه كله ودخلت بغير قسم وهم نفس الترتيب الغرف بس ارضي ماصعدنا
وصلنا لغرفه مكتوب بيها العنايه المركزه دخلنا بغرفه جبيره واكو غرفه ثانيه بقينا واكفين واخذوا ابني ودخلوا عليه ماطول عنده بس ماعرف من شفت الغرف كلبي انعصر ياسترك ياربي اجتي وداد عيونها دم بين ماردت اسألها اشرت للعامله دخلني دخلت وشفتها مايبين انسان بس مجموعه وايرات طالعه من جسمه
وصوت الاجهزه يرن باذني ظليت ارجف وصلتني يم سريره وطلعت واني بقيت اباوعله وعيوني تصب مديت ايدي عليه وكتله سامر شونك فتح عينه عليه باوعلي وابتسم يريد يوخر الكماكه الي على خشمه اباوع لنفسه ظل يصعد وينزل بطريقه غريبه مديت ايدي وخرتها
اله وبعده هيج يتنفس يريد يمد ايده لوجهي كم مره ماتوصل بلمره استوه لمس وجهي بس ايده
ثلج جن مابيها روح وعيوني مستمره تصب
اول لمسه ونزلت ايده وحده والجهاز طوط
اني هنا تخبلت
ظليت اصرخ سامرررررر
&&&&&&
يتبع
قراءه ممتعه
