فسحه امل
مساء الخير
بقلمي بنت الرافدين
عشتار
.......
الحهاز طوط عرفت هاي نهايه سامر صارت
ظليت اصرخ سامررررر بكل قوه عندي كمت من مكاني لزمت البطانيه الي متغطي بيها بايدي من كد.الحركه شكيتها من كد القهر الي بيه والالم مكان عمليتي لزمني ماعرف اصرخ عليه لو من الالم هي لحظات مو اكثر واجوا الاطباء والممرضين ملوا الغرفه
ملي طلعوني منه واني فقدت مادري عن شي فتحت عيني اشوف
نفسي اشوف نفسي
بسرير بلمستشفى وايدي وحده بيها دم وثانيه بيها مغذي صفنت
اني وين شنو ليش مخليلي دم وشنو هل الحلم المزعج الي شفته
ربي يشافيك ياسامر ويعافيك
بين مااني افكر بحلمي والم العمليه موتني
دخلت عليه وداد لالبسه اسود وجها حزين صفنت عليها شبيج
وليش هيج لالبسه ظلت تبجي وماتكدر تحجي كعدت على حيلي ونسيت الي بيه ولج شبيج كولي زادت بلبجي
تقربت مني كالتلي
العوض بابنج صفنت
على كلمتها يعني شنو وافر بايدي وهي مستمره بلبجي ظليت استرجع ذاكرتي يعني الي صار مو حلم سامر مات من صدك واني جنت واكفه على راسه وكانت هنا نهايتها رجعت اصرخ واعيط واملخ بروحي وايدي كاموا يجرون دم
اجو عليه الممرضات هدواني بابر ورجعت نمت
وابني ماعرف عنه شي بقيت على الحال اكعد املخ بروحي حد.ما
ارجع انام بقيت تلاثه ايام
وطلبت منهم اطلع ماقبلوا واني اصريت اله اطلع طلعت
بهاي الفتره ابني عايش على الحليب القواطي لان اني كله فاقده
بدلتلي وداد جبه سوده ولفت على شعري شال وكالت من طلعين غطي وجهج بعد محد يشوفج انتي هسه بلعده يالله شكد احساس صعب
طلعت من المستشفى مكسوره وذليله وبس وداد سانتدتني والسايق بره صعد غراضى المن رايحه ومنو الي بعد لو عندي اهل مثل الناس يمكن حتى مابجيت
اله عندي احد يحتوني يحظنوني اطلع وارجع وحيده طلعتنه من المستشفى العصر الجو بارد يعني شويه ويصير مغرب دخلنه للبيت مظلم وموحش مابي كل روح اخاف هو قبل عايز وحشه وبروده
برود مو من الجو برود.مشاعر احساس ناس متحابه مابي دفو العائله
اسمع ونين من فوك اكيد هاي ام سامر على الرغم مغطيه وجهي بس اشوف هواي ناس تفتر بلبيت هو خلص العزا بس اكو قرايبهم متواجدين رحت بطريقي بدون مالتفت لغرفتي دخلت وداد.خلت ابني يمي لكيتها ظلمه واني هم مشغلت اكلوب خليتها ظلمه مثل حياتي الي ماشفت النور بيها
ولا فرحت فديوم ٠٠٠٠
شغلت وداد الاضويه صحت بيها طفيهم
شبيج ماما موزين على الطفل لازم معلوك يمه
شغلت التبيلم وخليته قريب عليه وكتلها طفي
الضوه طفت وطلعت واني لفيت رجليه لمستواه
وجهي وظميتهم بايديه وبجيت بجي مال وحده مكسوره ماعرف شكد.بجيت حد.ماحسيت مكان العمليه يكطعني من الالم لان ضاغطه برجليه على بطني اجيت اتمدد باوعت لابني نايم بريئ
طوله عرضه مايجتاوز
كم سنتيمتر اباوعله واكول محمد سامر محمد انولد وبعد يومين ابوه توفى اني يتيمه بوجود اهلي وهو يتيم لان ابو مات
واني امه شنو من حياه هاي كل مره جايبه عدها فرحه توصل للبيت تلكى فراشها مفروش وحواليها اهلها
وحبايبها وتلبس وتنزع الالوان زاهيه واني
اولد ويتوفي زوجي لازواجي مثل الناس ولاعرسي مثل الناس ولاولادتي مثل الناس
تمددت ومكرفسه رجليها نومه وحده مكسوره
دخلت وداد كالت راح اخذ محمد تريده بيبيته
تقربت عليه ولفته اصلا هي مامنتظرتني اوفق او لا
جايه تاخذه بس هيج دكول
اخذته وطلعت واني اكول هذا الي رداته ام سامر وصار الي راتدته تجبيلها ولد مكان ابنها الي راح وتعرفه ايامه معدوده
واسمهم يبقى ماينكطع
واني منو يفكر بيه
شبابي الي تحطم بعدني ماكمله العشرين اصير ارمله شنو السبب طمع بشر لو ماكو اهل زينين
بقيت بغرفتي اكلي شربي اني وابني مااطلع ابد
وشون اطلع واني حاده وهما ماشاء الله عمامهم
وخوالهم مالين البيت لليل وهما هنا
طلبت من وداد اصعد بغرفتي الي زوجت بيها
الي فوك اريحلي على الاقل من اطلع مو اصير بوجه الخطار
كالت من تتحسنين ونفتح خيوطج صعدين
سكتت وراه يومين من طلعتي كاعده الضحى رضعت ابني ونام
واجتي وداد كالت ابوج اجه عليج
شنوووو
ابوج اجه يسلم عليج احس هاي الكلمه غربيه عليه ابويه صارلي بسنتين ماسال عني
هزيت راسي الها اي
دخل ابويه اجه حظني وكال البقيه بحياتج واني من صدك محتاجه احد.من اهلي ظليت انحب بحظنه ماعرف ابجي عاى حظي لو ابجي لان مشتاقه لحنيه ابو مثل باقي البنات
ظل يهدني ويكلي هاي قسمه الله وماعدنا اعتراض على حكمه وامره باوع لفراش حمودي وابتسم العوض ان شاء الله بهذا البطل
شاله لحظنه وباسه مابقى نص وكام يريد.يطلع
اني ظليت فاكه عيني على كميه الحنان الي عنده يعني بلجذب مكال امشي ويايه شنو محتاجه او جايب وياه شي الي
باسني وطلع صحت عليه ماعرف هاي الكمله شكد مانطاقتها يابه
اندار عليه كتله لاتكطع بيه خليني اشوفك رجع
حظني وكال راح اجي كل كم يوم اشوفج لاتخافين اني يمج واسمع اخبارج يالله يابه عندي شغل ماكدر اتاخر اكثر
طلع واني رجعت شبعت بجي اجتي وداد شافتني ظلت تحجي ودكول موزين على الطفل حلبيج الي تنطي اله يضره هي تحجي واني اباوعله واكول شنو ذنبه بالله
كالت هسه الي يسمعج مزوجته عن حب لو عيشج ملكه يمعوده لو ماني حاضره كلشي
هذا الي مقدر و المكتوب عليج واله على الطفل لاتخافين بيبيته موجوده وعدهم خير من الله مايصير اله الي صارلج راح يكبر بهذا البيت
ويعيش بعز ودلال
ويكمل دراسته والخير كله اله
يالله اروح اني اجبيلج غداء طلعت واني سكتت فعلا كلامها صحيح
يارب يجعل حظه احسن من حظي ومايعيش الي عشته جابت الغداء وتغديت ورضعت ابني وخذته لبيبته لان هي مريضه بلفراش من يوم وفاه سامر وهي تعبانه ماتكدر تنزل يصعدولها ابني فوك
للعصر اجوني مرت خالي وخالي ابو طارق هم دخلوا للغرفتي ماطلعت ظلوا يصبروني وكال خالي اني اجيت بلفاتحه وسالت عنج كالوا بعدج بلمسشتفى و اله تعبانه ومالج حلك بيتي مفتوح الج شوكت ماتدرين تجين كل الهلا بيج حالج من حال بناتي
فدوه لعمرك خالو اريدك سالم ان شاء الله
هنا بيتي
وبيت ابني ومحد. ماذيني واني لازمه عده مايصير اطلع
كالت مرت خالي البنات يسلمون عليج هواي وطارق هم راد يجي يشوفج بس ابوه ماقبل
لان مايصير يشوفج
سلمي عليهم هواي اني هم مشتاقلتهم جنت اتصنع القوه وامثل انو اني باحسن بحال وماكاسرني شي لان فعلا الحياه مظاهر والناس عليها بظاهر ومحد يعرف بلداخل ومحد.يحس
بلحزن والالم الي نعيشه حتى من نشكي محد.يكدر يخفف عني شي غير كلمه
الله يصبرج والله يعوضج
رجعت مرت خاللي تسالني عن ام سامر
كتلها فوك واني ماكدر اصعد وهي نايمه بلفراش
كالت اريد اسلم عليها واخذ من خاطرها مايجوز اجيت للبيت ومانسلم عليها
اي خاله ونعم منج طول عمرج بنت اصول وتعرفين الواجب
زين ليش فونج مغلق البنات يريدون يحجون وياج وحتى خالج وليد يريد.يحجي وياج
ويسلم عليج
اني صفنت صدك وين فوني !!
والله خاله مادري وين من قبل لااولد مادري عنه ان شاء الله ادوره وارجع اتواصل وياكم
طلعت راح تروح لخالتي وخالي بقى يمي
هيج اقل نص ساعه رجعت عيونها حمر ظاهر باجيه وياها سلموا عليه واكدوا عليه اتواصل وياهم واخابرهم هزيت راسي بوسني وطلعوا
شويه ارتاحيت احس عندي سند عندي احد.
يحبني ويهتم بيه
بعدها بيومين واني بعدني تعبانه وعملتي تموتني اجت خالت سامر الله يرحمه واخذت من خاطري وهم مرت عمهم هاي بدل مايجون يباركولي على الولاده يجون يعزوني
وظلت هواي نسوان تجيني تسلم عليها ويظلون يحجون ويكولون الحلف مامات وظل ابنج راح يملك كلشي وانتي تصيرين صاحبه هذا الخير كوله من غير كلامهم الهمس الي مااسمعه
وتطلع مجموعه وتجي مجموعه ونفس الكلام وهاي الي دكول شكد.عدكم محلات وشكد.مخازن وترد عليها الثانيه لا كولي كم بيت عدهم غير هذا
يالله اتمنى اكوم اطردهم كلهم حاسديني على عمري الي راح لو على شبابي والي يسمعهم يكول اني الكل للكل زين هما مايعرفون سامر جان انطوه وحده من بناتهم اله هيج يحبون الفلوس والله يالله مادري شون ناس هاي
ثاني يوم وهاي الهوسه نفسها كلت لوداد.اني تعبانه وعمليتي تاذيني و حمودي اليل كله ماينام ابقى هاي كعدتي للصبح ماريد.احد يدخل عليه وين هي الي تواسيني
بس يقهروني
طلعت شويه واندك الباب اهووو هم اجتني هوسه جديده
رجع اندك مره ثانيه صحت تفضل وخليت ابني بحظني انفتح الباب واني فكيت حلكي دخل عليه اخويه حسام وابويه اجه حظني وكلي البقيه بحياتج
اباوعله طولان عن قبل صاير اكبر بس بعده حنين عليه هو الوحيد الي جان زين وياي بلرغم من هو زغير كعدوا يمي وظليت اساله شونك وشخبارك كال داشتغل عماله واريد اعتمد.على نفسي
ياعمري ياخويه بعدك زغير على شغل العماله
لادكولين زغير اني رجال
خليت ابني بحظنه ظل يبوس ويكولي هذا زغير
اي عمره ايام
انطاني رقمه وكال راح اتواصل وياج واي تحتاجي بس خابريني
ودوعوني وطعلوا شكد.فرحت على اقل عندي احد.من اخواني بي حظ احسن من امه وابنها العارالي ماكلفوا على عمرهم يجون ويواسوني صدك الاعوج ماينعدل يبقى طول عمره هيج
بقيت كم يوم نفس الشي
بس خفت الناس الي تجي النا صار على ولادتي عشره ايام لازم اروح
افتح الخيط
رحت اني وداد.العصر وابني خليته عد خالتي بس على عيني كلش خايفه عليه كلت لوداد.خل ناخذه ويانه ماقبلت كالت يبقى بلبيت
ياربي ماكدر اروح واعوفه
شبيج هنوده هو مسافه الطريق مانتاخر جابتلي بوشي كامل على الوجه وكفوف
لبست جبه ولفيت شال على شعري وغطيت وجهي طلعت من المطبخ اخاف احد موجود بلصاله وكفت بلباب لحد.مااجه السايق واشوف نهال كاعده بلحديقه هي واحد من ولد عمها ماشفته زين شكد حقيره حتى بلجذب مااجت سلمت عليه اباوع على لبسها رجليها طالعات وشعرها هذا واخوها ماصارله اكثر من اسبوع من توفى محد راح يتعذب غيري اني وهذا الطفل المسكين اجتي وداد وصعدت وصلنه للدكتورا مااتنظرنا بسرعه دخلتنا سلمت عليه و شافت عمليتي وفتحت الخيط لكتها ملتهبه وبيها جراحه
وتنطتني علاج كومه ورجعنا للبيت واني اكول لوداد استعجلي بسرعه خل يسوق اخاف ابني يبجي اخاف خالتي تعبانه ومالها حيلها حد.ماوصلنا واني مابطلت ملحه عليها
صعدت للفوك ركض دخلت لغرفه خالتي لكيته نايم يمها وهي حاظنته طول هاي الفتره اني ماشايفتها اليوم يالله سلمت عليها وهي بوستني وحظتني وبجت وكالت شكد.وصاني بيج طول هاي الفتره الي هو بلمستسفى انتي ماوكعتي من لسانه كله يكول هنوده ديروا بالكم عليها لاحد.ياذيها وشفتي اخر لحظه من حياتها جانت عاى ايدج اني اختنكت كلامها قهرني هواي هي ظلت تصيح باعلى صوتها وتلطم على وجها
حتى ابني فز على عياطها اخذته خليته بحظني واهز بي حد.مااجتي نهال وظلت تخزر بيه ودكلي شنو سويتلها اكيداذيتها . بلسانج الطويل لج انتي ماجوزين
عاطت بيها امها نهاااال مو هي السبب لج اني كلبي محروك مجاي تبرد.نار كلبي مستكثره بيه
ابجي واعيط وابني جوه التراب هاي بدل ماانتي تساعديني على ضيمي لج شوفي ابنه جان يحسب الايام حتى يشوفها تالي يومين وعافه اني اسمعها ودمعتي تصب كسرت كلبي
الظنى غالي الله يساعدها ربي يحفظ الي ابني
كوه سكتت وظلت تسالني على صحتي واجاوبها اول مره اشوفها تسالني عن نفسي
ظليت يمها بلساعه كاعده وبعدها نزلت جوه لميت ملابسي وملابس ابني والشغلات الي احتاجتهم اجتي وداد.جابتلي العشاء،استغربت
من شافت الغراض شنو هاي هنوده
كتلها اريد اصعد فوك بغرفتي القديمه
ليش ؟؟
احسن فوك ماكو احد.يصعد مااتقيد.مثل هنا
وهم قريب على خالتي اخاف تريد.حمودي
عفيه عليج احسن الج فوك يالله تعشي
حتى اصعد الغراض الج كامت تشيل بلجنط
واني كعدت اكل كملت وشلت ابني اريد.اطلع صاحت عليه وين
شنو ين غير اصعد.فوك
لج اعرف تصعدين فوك بس قصدي مو هيج لفي شالج عدل وجهج غطي لؤي ابن خالتهم موجود.
عوجت حلكي لؤي هذا حتى بلمركه يطلعنا
