فسحه امل
٨
مساء الخير والسرور
كل عام وانتم بخير
عشتار
بنت الرافدين
ظلت سالفه المبلغ تاكل وتشرب وياي
منين نسددها احنه
وليش سجلوا عليه
يعني يردون منه مقابل
اي اكيد لعد تنطي فلوس هل الكد بلاش
لازم تاخذ ضمان
حتى يرجعونهم
بقوا شويه وطلعوا
ومرت ابويه خانسه بهاي الايام
ماتفك حلكها
وذاك العار عد خواله
ابويه بعد مااستقبله
بلبيت
وظلوا خواله كل يومين جايين يتوسلون
بابويه حتى يرجعوا
وابويه يرفض
وين يتحملون مشاكله وطلباته
رجع ابويه يداوم بيت ام سامر
بس مو نفس واهسه
قبل متغير من السجن
صاير عصبي ويفكر هواي ويصفن
واكيد المبلغ متعبه منين يدبره
البيت شكله مشحون منا مرت ابويه الي
الي دردم ودعي على ابويه لان ماسامح
وسام ومنا ابويه من يجي
بس يعيط
عيشه تكصر العمر
فديوم اجه ابويه من
الشغل وشكله تعبان
راح حسام جاب المضمد
وخلوله مغذي
شويه تحسن وبعد ماراح بليل مثل كل
يوم
ثاني يوم كعد هو مرته يتوشوشون
واول مره اصواتهم ناصيه
بعدها هي ظلت تحجي طبيعي
ودكله ياريت وين نحصل هيج قسمه
المفروض تطير من الفرح
لازم هسه نوزع جكليت
سمعت هذا الكلام
عرفت اني المقصوده
بس منو هذا الي خله خالتي هيج
تفرح وتوافق لا وهي
تقنع ابويه مو مثل كل مره ترفض
وبقت تقنع بابويه بس ابويه ضايج
وماله خلك.
بعدها يومين ابويه
حالته متخربطه ومايطلع
من البيت ونفس حالته
الى ان اخر يوم
صاحني ابويه وهي كاعده
وظل يحجي وياي
كلي بنتي اجتج خوش
قسمه وناس معروفين
واكيد ترتاحين وسكت ودنك
كملت خالتي كلامه لبسج يتغير واكلج
وتسافرين ترحين وتجين وبيت جبير
وبدل ماانتي تخدمين
تصير عندج خدم
واني ظاله صافنه منو
هذا وشدعوه هل المبالغه
بلكلام خدم وسفر
ابويه شنو كلتي
بشنو يابه
بلزواج
غير اعرف منو
فرك وجهه وكال بنيتي ابن ام سامر
هي طلبتج مني لابنها سامر
وتعرفين هي سجلت
عليه كمبياليه بلمبلغ
و من راح تتزوجين ابنها تلغيها
وماتصير عليه دين
واني ارتاح وانتي ترتاحين
وهم تريحيني
شنو كلتي ؟؟؟
شنو تريد دكول اكيد
توافق اكو وحده تحصل
هيج قسمه ترفض
وين تلكه مثلهم حتى
بلحلم ماتحصل هيج
شي
عاط ابويه اسكتي خل اسمع رايها
شنو اكلتني حاصل
فاصل ماتنطين مجال
هي سكتت
ها بنتي شنو كلتي
يابه يعني مامعقوله غني هيج يزوج.
خدامه شنو قحط بنات
ياحظي صدك متعافيه انتي
هذول ماتهم الاصل
والفصل الفلوس هي الي
ترفع الواحد.
وشبيج انتي اشو شابه وتخبلين وين يلكون
هيج وحده
وتعاي اكلج شنو بنات
الاغنياء يلحكون جمالج
كل واحده مسويه الف عمليه تجميل
لوجها ولجسمها من غير الخبطات
الي تلبخهم بوجها
بس انتي عين البني عليج
اشو جمالج طبيعي
هو بس شعرج يسواله
الف مره من امهات الكرياتين
اني ظاله صافنه من شوكت هيج تمدحني
خالتي ودكول عليه حلوه
بعدها كال ابويه كلام خالتج صحيح
انتي ماناقصج شي وليش تستهانين
بنفسج وتكولين هيج
شافتج ام سامر وعرفت
اخلاقج وتربيتج
لهذا اختارتج
وهي دائما تمدح بيج ودكول ونعم التربيه
زين يابه هو الولد.
شنو يشتغل شكد عمره
يااا شوف حظي
بعد امج يشتغل عماله
يطلع الصبح للمسطر
ابويه كام يضحك
يابويه شبيج انتي
مو بعينج شايفه خيرهم
شنو يستغل بعد
اني هم ضحكت
كال ابويه وهسه كتله بكيفكم
وخالتي كامت تهلهل
اي عفيه ارتاحي واحنه هم نستفاد اكيد
مراح تخلينه هيج
