فسحه امل
٢١
مساء الخير
بقلمي بنت الرافدين
عشتار
.....
اجتي حاميه للغرفتي لزمتني من،شعري قوي وتصيح بعالي صوتها لج اني كم مره منبهتج ما تخلتطين ويه لؤي
بكل عين وقحه رايحه لقبر اخويه وهو ياج
دفعتها بكل قوتي انعل ابوج لابو الي خلفج
انتي شنو من بشر جايه تتهجمين عليه بغرفتي والله شنو
شون طالع وياي روحي اسالي امج اني شكو
لزمتني من شعري بس هل المره اقوى وكعتني للارض
وداد.بنصنه تريد تخلصني منها ماتكدر الها سحتني سح بالارض اجتي خالتي على الصوت وظلت تعيط عليها تعوفني وهي مستمره
عاطت بيها امها لج كافي الله ياخذج استوني اجيت من المكابر تردين ترجعيني الها ولج جرحي بعده ينزف وانتي فوكي
عوفيها
ماعوفها اله اعرف شنو تريد بلضبط كم مره احذرها وتعاند وانتي ظلي دافعي عليها يتيمه وماالها احد
هاي حيه مسمومه
هذا الكلام كله واني بالارض بعدني شعري صاير كفشه وملابسي مشككه الحقيره مايكول طولها ربع متر اله لعبت بيها لعب
واني بس طول على كوله وداد حتى ضربه ماضربتها
سحبتها امها وطلعت وبعدها تلعلع
اجتي وداد كومتني وتهدي بيه وتسالني شكو
والله علمي من علمج بس هاي مخبله مكانها بمستشفى المخابيل
اسمه المجانين مو المخابيل
اهوووو وقتج اني هسه اجيت اركض اريد ارضع ابني استلمتني الحقيره الله ياخذ حقي منها
كومي ياعيني اسبحي واستهدي بلرحمن ورتاحي ورضعي ابنج
الله لاينطيها حركت دمي
مايهم بكل بيت تصير هاي المشاكل
باوعتله وهزيت راسي ورحت للحمام اعرفها تريد تهديني سبحت وطلعت وانشف بشعري
خلت وداد حمودي بحظني وطلعت
ظليت العبه وهو يضحكلي اوووي فدوه لهل الضحكه تروحلك فدوه عمتك واهلك كلهم
بقيت للمغرب اني العب وياه لحد.ماتعبت رضعته ونمنا كعدت بليل
ومحد.سال عني كل عاده يعني هي تعرف بتها غلطانه حتى ما اجتي واخذت من خاطري هاي لو اني غلطانه جان اجت لعبت بيه لعب بلرزاله وكل كلمه وكالت بنت الفكر هسه اني شنو مكعدني عدهم لااحترام لاحاسبيني وحده من البيت دااحجي وبطني تمغصني من الجوع من الصبح مماكله شي اروح انزل اسويلي اكل اخاف الكه هاي المكروها وهم تتعارك وياي
شعليه خل تولي
انزل والي يصير يصير قابل
اموت جوع اتشعجت ونزلت اباوع منا ومنا زين ماكو احد فتحت الفرن لكيت كم فطيره جبن طلعتهم وسويتلي طماطه كلي واخذتهم وصعدت بسرعه فوك اكلت وغسلت ورجعت نمت من صدك تعبانه ومغثوثه ومن غير حمودي كل ساع كعد بليل الصبح كعدت على صوت حمودي يبجي اباوع الساعه متعديه العشره كعدت رضعته وغيرت ملابسه ونزلنا جوه اباوع البيت فارغ ولا اكو احد تريكت وظلت افتر وحمودي مخليته بكرسي مالته يمي غسلت مواعين وصعدت فوك فتحت الكنتور طلعت جنطتي وخليت بيها كم قطعه الي من يوم مات سامر لليوم لااني طلعت اشتريت وهما اشترولي لميت ملابس حمودي وعندي كم فلس من ولادتي حسبتهم ٣٥٠ الف رحت فتحت ذهبي كلت اخذه وياي فتحت الخانه طلعت العلبه وصفنت اذكر من جابتها الي وداد واني قمه بلسعاده تصورت راح تزوج مثل باقي البنات وافرح
جريت حسره وفتحتها
وهنا جانت الصدمه لكيتها مفتوحه عززااا هاي وين ذهبها دورت على ذهبي الباقي مالكيته منو اخذه ؟؟؟
وهاي اني الفاهيه استوني فكدتها معقوله دخل حرامي اشو البيت كله حرس وكاميرات مايوم سمعت بيهم كالوا انباك شي من عدهم ليش بس اني
ليكون هما اخذوا اوووف ياربي
خلصت التمثيله واخذوا ذهبهم
طلعت لبستي جبتي ولفيت شالي وشلت ابني والجنطه ونزلت خليت الجنطه على الدرج رحت فتشت البيت اخاف احد موجود مالكيت احد بسرعه طلعت مثل الحراميه من الباب الي الحديقه وصلت للباب ماينفتح مقفوله حاولت وياه ماكدرت هاي شون ياربي خليت حمودي بالارض وجبتلي بوريه ضربتها كم ضربه قوي انفتح القفل فتحت الباب شلت ابني وركض للشارع وصلت بنص التبليط اتنفست بقوه احس
