"Li... Lisa... နင်... နင်က... ဘယ်... ဘယ်လို "
" Ch... Chae လေး... "
လုံးဝမမျှော်လင့်ထားပဲ တွေ့လိုက်ရတဲ့ Chaeyoung ကို Jisoo အကြောင်သား
ငေးကြည့်နေမိရာကနေ ပခုံးပေါ် တင်ထားတဲ့ LiLi လက်ကို ဖြုတ်ချပစ်လိုက်သည် ။
အလန့်တကြား နောက်တစ်လှမ်းဆုတ်မိတော့ Chae လေးရဲ့ နားမလည်နိုင်တဲ့ မျက်ဝန်းတွေက Jisoo ဆီရောက်လာသည် ။ဘယ်လိုဖြေရှင်းချက်ပေးရမလဲဆိုတဲ့ အတွေးက ခေါင်းထဲမှာ ပြေးလွှားနေရင်း နှလုံးသားကလည်း အပြစ်လုပ်ထားတဲ့သူတစ်ယောက်လို ဝုန်းဒိုင်းကျဲနေသည် ။
ဒီအချိန် အငွေ့သာ ပျံတက်သွားချင်တယ်လို့ တွေးမိပြီး တုန်ယင်နေတဲ့ နှုတ်ခမ်းက အာစေးမိနေသလို စကားတစ်လုံးမှ
ထွက်မလာခဲ့ ။Chae လေး လက်ထဲက အထုတ်အပိုးတွေကလည်း ကြမ်းပြင်ပေါ်မှာ ပြန့်ကြဲလို့ ။
ဒီကလေးက Christmas ညမှာ Jisoo တစ်ယောက်တည်း ဖြစ်နေမှာစိုးလို့ အဖော်လာလုပ်ပေးတာထင်ပါရဲ့ ။နင်...အကြီးကြီးကို မှားသွားပြီ Kim Jisoo ရယ်...
" Ah... Chaeyoung yaa...နင် Ji ဆီ လာတာလား... လာမယ်ဆိုလည်း ကြိုမပြောဘူး ။
ငါတို့ အတူတူအပြင်လည်လို့ ရတာပေါ့ "Lisa က ဘာမှမဖြစ်သလို ပြောပြီး Chaeyoung ဆီ လျှောက်သွားကာ ကြမ်းပြင်ပေါ်က အထုတ်တွေကို
ကောက်ယူလိုက်သည် ။ရှုပ်ရှပ်ခတ်နေတဲ့ အတွေးတွေနဲ့ Chaeyoung ကတော့ Lisa ကိုတစ်လှည့်
Jisoo ကိုတစ်လှည့် ကြည့်ကာ အခုအခြေအနေကို နားလည်နိုင်ဖို့ မနည်းကြိုးစားနေရသည် ။" နင်... နင်က.. ဘယ်လိုလုပ် Unnie အိမ် ရောက်နေတာလဲ Lisa... ပြီး... ပြီးတော့ နင်နဲ့ U... Unnie နဲ့က ဘာတွေလဲ...အိမ်လာလည်ရတဲ့အထိ ရင်းနှီးနေတာလား ဟုတ်လား... ဘာ... ဘာတွေ ဖြစ်ကုန်တာလဲဟာ "
" Ch... Chae လေး... U... Unnie ရှင်းပြမယ်နော်... စိတ်ကို အေးအေးထားပြီး နားထောင်ပေးပါနော်... Unnie ရှင်းပြပါ့မယ်.... "
Chaeyoung ကိုသာ စိတ်အေးအေးထားဖို့ ပြောလိုက်ပေမယ့် တကယ်ပူလောင်နေရသူက Jisoo ပင်ဖြစ်သည် ။ စကားတစ်လုံးပြောထွက်ဖို့ အတတ်နိုင်ဆုံးကြိုးစားနေရပေမယ့် တုန်ယင်နေခဲ့တာ ကိုယ်တိုင်ပဲ သိသည် ။
ESTÁS LEYENDO
YOU , THE ONLY ONE - I
Fanficအရာအားလုံးနဲ့ ယှဥ်ရင်တောင် မင်းကိုပဲ ရွေးချယ်မယ် ဘာကြောင့်ဆို မင်းဖြစ်နေလို့ You,the only one... နှစ်တွေဘယ်လောက်ကြာကြာ မင်းမှမင်းပဲ ချစ်နေမယ် ဘာကြောင့်ဆို မင်းဖြစ်နေလို့ You,the only one... ရင်ထဲက အပြုံးတွေက မင်းနဲ့ကျမှ ဖြစ်တည်လာတယ် ဘာကြောင့်ဆို...