KIM Model Agency ရဲ့ Interview Hall Room ကြီးရှေ့မှာ လှပသွယ်လျတဲ့ ပန်းကလေးတွေ အစီအရီ ထိုင်နေကြသည် ။
ထိုအထဲတွင် LiLi ဆိုတဲ့ ပန်းလေးလည်း အပါဝင်ပင် ဖြစ်သည် ။ ဟုတ်ပါသည် ။
Lalisa Manoban ခေါ် Lisa ဆိုတဲ့ ကောင်မလေးကတော့ ထိုအရောင်အသွေးစုံလင်လှတဲ့ ပန်းလေးတွေကြားထဲ
မိမိကိုယ်ကို LiLy ပန်းအဝါရောင်လေးနှင့်ပင် တင်စားမိသည် ။ သူ အရမ်းကြိုက်တဲ့ ပန်းလေးမလား ။ ထိုပန်းလေးက စိတ်လှုပ်ရှားလွန်းလို့ ထင်ပါရဲ့ ။
ရှည်လျားသွယ်လျတဲ့ လက်ချောင်းလေးတွေကို ဆုတ်လိုက်ဖြန့်လိုက်နှင့် လက်ဖဝါးလေးနှစ်ခုကိုလည်း အကြိမ်ကြိမ်ပွတ်တိုက်နေမိသည် ။
သူ့အတွေးထဲမှာတော့ မျှော်လင့်ချက်တွေနဲ့အတူ စိုးရိမ်စိတ်လေးပါ ရောပြွန်းနေသည် ။ သူ အရမ်းတွေ့ချင်နေတဲ့ သူနဲ့ တွေ့ရတော့မှာမလား ။ ပျော်ရွှင်ခြင်းနဲ့အတူ ရင်ခုန်သံတွေပါ ပါဝင်နေတော့ လူက ဂနာမငြိမ် ။
ဂနာမငြိမ် တာကတော့ အခုအခန်းရှေ့မှာ
ရှိနေကြတဲ့ လူတိုင်းပါပဲ ။ သူ့မှာသာ ပျော်ရွှင်နေတဲ့ စိတ်လေး ကြီးစိုးနေတာ ။☁️...နောက်ဆုံးတော့ သူ့ကို ပြန်တွေ့ရတော့မယ်... ဓာတ်ပုံတွေထဲမှာတော့ သူက အရမ်းချောတာ အပြင်မှာရော ငယ်ငယ်တုန်းကလို သေးသေးလေးပဲဖြစ်နေမလား...ကိုယ်ကသာ အရမ်းထွားတတ်လာတာလေ... ဒါပေမယ့် သူက မှတ်မိပါ့မလား ဆယ်နှစ်တောင်ကြာခဲ့ပြီလေ ။ အို... သူ့ထက်ငယ်တဲ့ ငါတောင် ကောင်းကောင်းမှတ်မိသေးတာပဲ ။ သူက မှတ်မိမှာပါ ။ ဟုတ်တယ်... သူ မှတ်မိမှာပါ... နာမည်မြင်တာနဲ့ကို မှတ်မိနေမှာ.... ☁
Lisa တစ်ယောက် သူ့အတွေးနဲ့သူ ကျေနပ်ပြီး စိတ်သက်သာရာ ရသွားသလို အသက်ကိုပြင်းပြင်းရှူထုတ်ပြီး ပြုံးလိုက်မိသည် ။
" နောက်တစ်ယောက် လာပါမယ်နော် "
အခန်းတံခါးရှေ့က အမကြီးရဲ့ အော်သံကြောင့် မော့ကြည့်လိုက်တော့ သူ့ကို
ကြည့်နေတာမို့ သူ့အလှည့်ဆိုတာ သိလိုက်ရသည် ။ Lisa လက်သီးလေးဆုပ်ကာ
စိတ်ထဲကနေ ကိုယ့်ဘာကိုယ် အားပေးရင်း အခန်းထဲ ဝင်လာလိုက်သည် ။Hall ခန်းကျယ်ကြီးထဲမှာ စားပွဲသုံးလုံးကို ခြောက်ပေလောက်စီ ခွာထားပြီး ထိုစားပွဲသုံးလုံးရဲ့ အရှေ့ အလယ်တည့်တည့် ဆယ်ပေလောက်အကွာမှာတော့ ထိုင်ခုံလေး တစ်ခု
ချပေးထားသည် ။ Lisa ထိုထိုင်ခုံပေါ် ဝင်ထိုင်လိုက်ပြီး စားပွဲသုံးခုကို မျက်စိအမြန်ကစားလိုက်သည် ။ တွေ့ပါပြီ ။
KAMU SEDANG MEMBACA
YOU , THE ONLY ONE - I
Fiksi Penggemarအရာအားလုံးနဲ့ ယှဥ်ရင်တောင် မင်းကိုပဲ ရွေးချယ်မယ် ဘာကြောင့်ဆို မင်းဖြစ်နေလို့ You,the only one... နှစ်တွေဘယ်လောက်ကြာကြာ မင်းမှမင်းပဲ ချစ်နေမယ် ဘာကြောင့်ဆို မင်းဖြစ်နေလို့ You,the only one... ရင်ထဲက အပြုံးတွေက မင်းနဲ့ကျမှ ဖြစ်တည်လာတယ် ဘာကြောင့်ဆို...