Unicode
ChengYangအမေကChengYangတစ်ခုခုဖြစ်နေတာကိုသတိထားမိပေမဲ့အသံအတက်အကျမရှိဘဲပုံမှန်အသံနဲ့စကားစပြောလာသည်။
"နေလို့မကောင်းဘူးလား ဆေးခန်းသွားချင်လား"
သူတို့မိသားစုရဲ့ဆက်ဆံရေးကဒီလိုပါဘဲ၊သူငယ်ချင်းတွေဆွေမျိုးတွေလောက်တောင်တစ်ယောက်ခံစားချက်ကိုတစ်ယောက်ဖော်ပြလေ့မရှိဘူး။အခုလည်းChengYangအမေပုံစံကအေးစက်စက်နှင့်ပုံမှန်ပင်ဖြစ်သည်။
"မဟုတ်ပါဘူး မျက်လုံးထဲကို ဖုန်ဝင်သွားလို့"
ChengYangခေါင်းမော့ကာပြုံးပြလိုက်တယ်။သေချာကြည့်မယ်ဆိုရင်တော့သူ့အပြုံးတွေကဟန်ဆောင်ထားမှန်းသိနိုင်ပါသည်။
သို့သော် သူ့အမေကတော့သတိထားမိဟန်မတူပါ၊သူမကခေါင်းတစ်ချက်ငြိမ့်ပြကာအခန်းထဲကထွက်ရန်ပြင်လိုက်သည်။ထိုစဥ်ChengYangကရုတ်တရက်
"အမေ!"
"အကယ်၍ ကျွန်တော်က…မိန်းကလေးတွေကိုသဘောမကျဘူးဆိုရင်…"
ChengYangအမေရဲ့အေးစက်စက်ပုံစံကသူ့ကိုစကားဆက်ပြောဖို့ခက်ခဲသွားစေတယ်။သူမကသူ့သားအခုဘာတွေပြောနေမှန်းနားမလည်နိုင်ပေ။သူ့သားကဒီလောက်လိမ္မာပြီးမိဘစကားနားထောင်တာသူတို့ကိုစိတ်ပူစေမဲ့ကိစ္စမျိုးလုံးဝလုပ်မှာမဟုတ်ဘူး။ဟုတ်တယ်…အရင်ကလည်းအဲ့လိုဘဲအခုလည်းလုပ်မှာမဟုတ်ဘူး နောင်အနာဂတ်မှာလည်းလုပ်မှာမဟုတ်ဘူး။ဒါပေမဲ့ အခု မိန်းကလေးတွေကိုသဘောမကျဘူးဆိုတော့ ဘယ်သူ့ကိုသဘောကျနေတာလဲ
အဖြေဟာသူမတစ်ခါမှမစဥ်းစားဖူးတဲ့အရာဖြစ်နေမှာလား…
"အန်တီTong ခဏနေလာလိမ့်မယ် အိမ်မှာရှိတဲ့သစ်သီးတွေလျော့နေပြီ ဗီရိုထဲကပိုက်ဆံယူပြီး သစ်သီးသွားဝယ်လိုက်တော့"
သူမကChengYangပြောသည်များကိုမကြားချင်ယောင်ဆောင်ကာခေါင်းစဥ်ပြောင်းလိုက်တယ်။
ChengYangမျက်ဝန်းတို့မှေးမှိန်သွားကာသူ့အမေကိုပြန်ဖြေလိုက်တယ်။
"ကျွန်တော်သိပါပြီ"
သူ့အမေအခန်းထဲကထွက်သွားတော့ChengYangစားပွဲအောက်ကအံဆွဲကိုဖွင့်လိုက်တယ်။ထို့နောက်ညာဖက်ထောင့်အစွန်မှာရှိတဲ့ဘူးအနက်ရောင်လေးကိုထုတ်ကာအထဲကပလက်တီနမ်လက်စွပ်လေးကိုယူလိုက်တယ်။ဒီလက်စွပ်လေးဝတ်ထားရင်သူ့မိဘတွေမြင်ပြီးမေးခွန်းတွေမေးလာကြမှာစိုးလို့သူချွတ်ထားခဲ့တာဖြစ်သည်။
ChengYangပြုံးမိသွားတယ်၊သူအများကြီးတွေးမိသွားပြီဘဲ။ဒီလက်စွပ်ကိုသူ့မိဘတွေသတိထားမိသွားရင်တောင်သူတို့ကအရေးတယူမေးကြမှာမှမဟုတ်ဘဲ။ထို့ကြောင့်လက်စွပ်လေးကိုသူ့ဘယ်ဘက်လက်သူကြွယ်မှာပြန်ဝတ်ထားလိုက်တယ်။
ESTÁS LEYENDO
His son has a richest billionaires dad(Myanmar Translation)
RomanceAuthor(s) Shou Xin 狩心 Artist(s) N/A Year 2018 Status in COO Completed...66 Chapters Licensed N/A The Whole Story Isn't Mine.I just upload this because I want to.So, I give fully credit to the original publisher.BTW I've got permission from English...
