Limited Region(Completed)

Limited Region-13

Unicode

ကားစတီယာပေါ်က လက်တွေဟာ တုန်ယင်လို့နေသည်...ဂရုစိုက်ပြီး မောင်းနေတာမှန်ပေမဲ့ အမြင်အာရုံမှာ ဝေဝါးလာတာကြောင့် ကားကိုလမ်းဘေးသို့ ထိုးရပ်လိုက်ရလေ၏...

နားထဲမှာ အထပ်ထပ်ကြားနေသည်က အစောက ဒေါက်တာယန် ပြောခဲ့တဲ့စကားတွေ....

"မင်းက Minအိမ်တော်ရဲ့ သားအရင်းမဟုတ်ဘူး...အမကြီးMinက သူ့သူငယ်ချင်းတွေ ငယ်ငယ်ရွယ်ရွယ်နဲ့ ဆုံးသွားခဲ့လို့ ကျန်ခဲ့တဲ့သားလေး မင်းကို မွေးစားထားတာ...''

ကိုကိုနဲ့သူက...ကိုကိုနဲ့သူက ညီအကိုအရင်းတွေ မဟုတ်ခဲ့ဖူးတဲ့...ထိုစကားကို ကြားကြားချင်း သူဘယ်လောက်ပျော်ခဲ့ရလဲ...

သို့ပေမဲ့...သို့ပေမဲ့လည်း....စိတ်မကောင်းစရာ အ​ကြောင်းအရာတချို့က သူ့အသိစိတ်ကို နာကျင်အောင် ထိုးနှက်နေလေရဲ့....

"ဒီအကြောင်းတွေကို သိသွားပြီဆိုတော့ တလက်စတည်း ဆရာတခါတည်း ပြောပါရစေ...Mr.Jeonတို့ ဇနီးမောင်နှံက ရိုးရိုးသေခဲ့တာမဟုတ်ဘူး...လုပ်ကြံခံခဲ့ရတာ...''

"ဗျာ...လုပ်ကြံခံရတာ?....''

သူမယုံကြည်နိုင်စွာ ရေရွတ်လိုက်မိသည်...သူ့မိဘတွေက ဘာလို့များလဲ....

"မင်းမိဘတွေရဲ့ ပိုင်ဆိုင်မှုတွေကို မက်မောလို့​ပေါ့ သားရယ်....ဒါပေမဲ့ အမကြီးMinက အပါမခံခဲ့ဘူး...မင်းရော မင်းအမွေတွေကိုရော ရအောင်ယူပြီး သူ့စီးပွားရေးနဲ့ ပေါင်းစပ်ခဲ့တာ...သူ့သေတမ်းစာမှာလည်း မင်းတု့ိနှစ်ယောက် အရွယ်ရောက်လာရင် ရထိုက်တဲ့အမွေတွေ အသီးသီးခွဲပေးဖို့ ရေးသွားတယ်....''

ဒေါက်တာယန်စကားကြောင့် သူခေါင်းကိုငုံ့ချလိုက်သည်...မေမေ...မိန်းမသားတန်မဲ့ ရုန်းကန်နေခဲ့ရတာ...ဘယ်လောက်တောင် ခက်ခဲလိုက်မလဲ...

"ဆရာ့အထင်ပြောရရင် အမကြီးMinရဲ့ သေဆုံးမှုကလည်း ရိုးရိုးတန်းတန်းတော့ မဖြစ်နိုင်ဘူး...''

''ဗျာ...ဆရာ​ပြောချင်တာက...''

''အမကြီးMinလုပ်ကြံခံရတာထင်တယ်...ပထမတခါတုန်းကလဲ အဲ့လိုဖြစ်ဖူးတယ်....ဒါပေမဲ့ အမကြီးMinအစား လူယုံKimက အသက်ပေးသွားခဲ့တာ...''