𝐒𝐇𝐄 [ 𝐨𝐫 ]𝐌𝐲 𝐇𝐚𝐩𝐩𝐢𝐧𝐞𝐬𝐬

EP 6

ᴜɴɪᴄᴏᴅᴇ

_ lili yah...lili _

အိမ်ထဲကို ပြေးဝင်လာတဲ့ သူမ
ကျွန်မ မျက်ရည်တွေကို သူမ မမြင်အောင် သုပ်ရင်း

_ ကျွန်မ ဒီမှာ _

_ သူ တို့ကို လာချော့တယ် သိလား
  မနေ့က ကိစ္စအတွက်လဲ တောင်းပန်ပါတယ်တဲ့
  မင်း သိလား သူ တို့ကို ဒါ ပထမဆုံး
  တောင်းပန်တယ်ဆိုတဲ့ စကားကို ပြောဖူးတာပဲ _

_ ကောင်းတာပေါ့ _

အိပ်ရာပေါ် လှဲချပြီး ကလေးတစ်ယောက်လို လူးလှိမ့်နေရင်း
ပြောနေတဲ့ စကားတွေ အကုန်လုံးကို ကျွန်မ မကြားရပါ။
ကျွန်မ နားထဲမှာတော့ တစ်လှပ်လှပ် ခုန်ရင်း နာကျင်နေရတဲ့
နှလုံးသားရဲ့ ငိုသံတွေနဲ့ ဖုံးလွှမ်းလို့ရယ်။

_ lili မင်း တို့ ပြောတာ ကြားလား
  မင်း ဘာလုပ်နေတာလဲ _

_ မနက်ဖြန် ပြန်ဖို့ လက်မှတ် စီစဥ်နေတာ _

_ ဟင်..ဟုတ်သားပဲ မင်း ကို အဲဒီ ကိစ္စပြောမလို့
  ကို ကလဲ နောက်တစ်ပတ်လောက် နေရင် ပြန်လာရတော့မယ်တဲ့
  အဲဒါ တို့ ဒီမှာ တစ်ပတ်လောက် ထပ်နေရအုံးမယ်ထင်တယ်
  သူ နဲ့မှ အတူတူပြန်စေချင်တယ်တဲ့
  ဟို အလုပ်ကိစ္စတွေကိုတော့ တို့ ကြည့်ပြီး စီစဥ်လိုက်ပါ့မယ် _

_ ရှင့် သဘောလေ ရှင်နေချင် နေခဲ့ပေါ့
  ကျွန်မ ရှင့်​အတွက် မှာထားတဲ့ လက်မှတ်ကို ပြန်ဖျက်လိုက်မယ် _

_ မင်းရော မနေဘူးလား lili
  တို့ နဲ့မှ အတူတူ ပြန်လို့မရဘူးလား _

ကျွန်မ အတွက် အချိန်လိုတယ်။
ရှင်တို့ နှစ်ယောက်ကို တွဲမြင်ရတဲ့အခါ
ဘာမှမဖြစ်သလို ကျွန်မ ခံစားချက်တွေကို ဟန်ဆောင်နိုင်ဖို့
ကျွန်မ မှာ အချိန်လိုတယ်

_ lili တို့ ပြောနေတာ မကြားဘူးလား
  မင်း ဘာဖြစ်နေတာလဲ _

_ ရှင် ကျွန်မ ကို ခေါ်လာတာ ရှင့်ကို ထိန်းဖို့ သက်သက်ပါ
  အခု့ ရှင် ကျွန်မ ကို လိုမှ မလိုတော့တာ _

_ လိုတယ်ဆိုရင်ကော _

_ ကျွန်မ မနေချင်တော့ဘူး _

ကျွန်မ စိတ်တွေ မထိန်းနိုင်တော့ဘူး NiNi
ရှင် နဲ့ ပြိုင်ပြီး စကားနိုင် လုဖို့အတွက်လဲ
ကျွန်မ မှာ အားအင်မရှိတော့ဘူး
ထွက်ပြေးချင်တယ်။
ရှင်နဲ့ အဝေးဆုံးနေရာကို ခဏလောက် ထွက်ပြေးခွင့်ပြုပါ။