𝐒𝐇𝐄 [ 𝐨𝐫 ]𝐌𝐲 𝐇𝐚𝐩𝐩𝐢𝐧𝐞𝐬𝐬

EP 21

ᴜɴɪᴄᴏᴅᴇ

ခွမ်....

_ ဟယ်~~
တောင်းပန်ပါတယ်နော်
ချိန်းထားတာ နောက်ကျနေတော့
အလောတကြီး နဲ့ မို့ မမြင်လိုက်လို့ပါ။ _

ကော်ဖီ ခွက်တွေကို သိမ်းပြီး အလှည့်!
ဆိုင်ထဲကို ဝင်လာသည့် ဧည့်သည် တစ်ဦးကြောင့်
ကျွန်မ လက်ထဲက ကော်ဖီခွက်လေးတွေကတော့ အစိပ်စိပ်အမွှာမွှာ!

သည့်ထက်ဆိုးသည်ကား
ကျွန်မရဲ့ လေးလံလွန်းနေသည့် စိတ်တွေသာ။

ကျွန်မ လန့်သွားလို့ များလား။

_ lisa
အဆင်ပြေရဲ့လား _

ကျွန်မ အနားကို အလျှင် ရောက်လာသည့် Soo .

_ ကျွန်မ ကြောင့်ပါ။
ကျွန်မ မမြင်လိုက်လို့ပါ။ _

ဖန်ကွဲစတွေကို ကောက်ပေးရင်း
ဧည့်သည် ဖြစ်သူကတော့ ပူနေလေသည်။

_ မဟုတ်တာ ။ နေပါ။
ကျွန်မ သိမ်းလိုက်မှာမို့ ရှင်  ချိန်းထားတာ နောက်ကျနေပါ့မယ် သွားလိုက်ပါ။ _

_ အားနာလိုက်တာ။
ဒီ ကွဲသွားတဲ့ အရာတွေအတွက်
bill ထဲမှာ ထည့်ပေးပါနော်။ _

ပြောပြောဆိုဆို နဲ့ သူမ သွားလိုရာ ဝိုင်းလေးဆီကိုသာ ထွက်သွားခဲ့သည်။

ပြန့်ကျဲနေသည့် ဖန်ကွဲစ တွေကို သိမ်းမလို့ အလုပ်

_ နေနေ lisa
မင်းလဲ သိမ်း မနေနဲ့တော့
soo ပဲ သိမ်းလိုက်ပါ့မယ်။
အချိန်မလင့်ခင် မင်းလဲ ပြန်တော့လေ _

ကျွန်မ စိတ်တွေရဲ့ လေးလံမှုကို အဖြေရှာ၍မရ။
ရင်ဘက် တနေရာရာ မှ ထိုး အောင့်သလို။
ကျွန်မ ရင်ထဲ ဟာတာတာ ဖြစ်သလို။

_ lisa မင်း အရမ်းလန့်သွားတာလား။
ဒါက ခွက်တွေ ကွဲသွားရုံပါ။ _

_ ကျွန်မ သိပါတယ်။
ဒါပေမဲ့ ကျွန်မ ရင်ထဲ တစ်မျိုးပဲ _

_ မင်း တကယ် လန့်သွားတာပဲ။
ပြန်ပြီး နားလိုက်တော့နော်။
ဒီနေ့ ကူညီပေးတဲ့ အတွက် ကျေးဇူးပါပဲ lisa _

Soo က ချိုချိုသာသာပြုံးပြတော့
ကျွန်မကလဲ ဖျော့တော့တော့အပြုံးများနှင့်သာ

_ မဟုတ်တာ။
ကျေးဇူးတင်စကားပြောဖို့ လိုအပ်တဲ့ သူက ကျွန်မပဲ ဖြစ်မှာပါ။
ယှဥ်ကြည့်ရင် ကျွန်မ အကူအညီက မပြောပါးလောက်ပါဘူး _