Friend Zone ( Completed )

°2°

ချိုချဥ်တစ်လုံးအစပြုပြီး ဖြစ်လာသည့် ရန်စတွေက သူနဲ့ ဟိုကောင်ကြားမှာ ဒီရေအလား တိုးဝင်သည်။

''Kim Taehyung တဲ့ နာမည်ကိုက!''

မလိုမကျစွာနှင့် လမ်းပေါ်မှ ခဲလုံးတစ်ချို့ကို ဖိနပ်ဖြင့် ပိတ်ကန်ပစ်တော့ ကားအကောင်းစားကြီးအား တည့်တည့်ပင် သွားမှန်သည်။

''သခင်လေး Taehyung ဒီနေ့လည်း Mrs.Kim က စာကောင်းကောင်းသင်ဖို့ မှာလိုက်-''

ရိုကျိုးမတတ်ပြောနေသည့်
ဦးလေးကြီးအား လက်ကာပြပြီး ကျောင်းထဲဝင်သွားသည့်
သကောင့်သားက အဆိုးတကာ့အဆိုးဆုံး Jeon Jungkookဆိုသည့်
သူ့ထက် ပိုပြီး ရိုင်းဆိုင်းနေသည်။

''ဒီကောင် ကျောင်းကထွက်သွားရင် ကောင်းမယ်!''

သူ့ရဲ့ အလယ်တန်း ဒုတိယနှစ်တစ်ခုလုံး ဖွာလန်ကြဲအောင် လုပ်ထားတဲ့ သကောင့်သားအတွက် Jungkook ရင်ထဲမှ မေတ္တာစကား။

ရုံးခန်းကို အိမ်လိုရာလို
ဝင်ထွက်နေတာက အရင်တုန်းကဆို မိမိတစ်ယောက်ထဲ။

အခုတော့ အဲ့ Kim Taehyung ဆိုတဲ့ကောင်နဲ့ မတွေ့ချင်ဘူးဆိုရင်တောင် ရုံးခန်းမှာ ခဏခဏဆုံနေလို့။

ပီကေအမြဲဝါးတဲ့ ထိုသကောင့်သားက သူ့အလယ်တန်း ဒုတိယနှစ်တစ်ခုလုံးကို မပျော်ရွှင်အောင် တမင်လုပ်နေသလို။

ဂူတစ်ဂူထဲမှာ ခြ ေင်္သ့ နှစ်ကောင် အောင်းလို့မှ မရတာ ။

တစ်ယောက်တော့ ထွက်သွားပေးမှ ဖြစ်မည်။ Kim Taehyung ထွက်သွားပေးမှ ဖြစ်မည်။

ကျောင်းခန်းထဲ ဝင်ဝင်ချင်း ဘယ်သူမှ မထိရဲတဲ့ သူ့အပိုင်စာသင်ခုံပေါ် ခေါင်းမှောက်အိပ်နေတဲ့ Kim Taehyung ။

အရင်က ပြတင်းပေါက်ဘက် ထိုင်နေကျကို အခုမှ ဘာထဖြစ်တာလည်း။

Kim Taehyung ဟာလေ မနက်ကတည်းက သူ့တစ်နေ့တာကို စပြီး အမဂလာတွေ ပစ်သွင်းနေပြီ။

''ဟေ့ကောင် ထစမ်း ။ ဒါ ငါ့နေရာ ''

စာရေးခုံအား လက်ဖြင့် ခေါက်ပြီး ပြောလိုက်သည့် သူ့အသံမာမာကို မထီသလို မော့ကြည့်လာသည့် မျက်လုံးတွေ။