Friend Zone ( Completed )

°16°

မင်းကို ပေးသိချင်တာက
ရင်းနှီးပြီးမှ ပြန်စိမ်းသွားရင်
သူစိမ်းတွေထက်
ပိုစိမ်းသွားတဲ့အကြောင်း...

======

''မင်းကို ငါချစ်မိနေတယ်''

မယုံချင်ပေမဲ့ ဒီစကားပဲ ငါ့နားထဲမှာ အထပ်ထပ်ကြားနေရသည် ။

စာကြည့်စားပွဲပေါ် တင်ထားသည့် မင်းနဲ့ငါ့ရဲ့ အလယ်တန်းကျောင်းသားဘဝ ပုံလေးကို ကြည့်ရင်း ပိုပြီး အားနာမိလာသည် ။

ငါက မျက်လုံးဝိုင်းလေးရဲ့ ဖြူစင်မှုကို အရောင်ဆိုးမိနေခဲ့တာ မဟုတ်လား။

အိပ်ယာပေါ် သုံးပတ်လောက် လိမ့်ပစ်ပြီး ခေါင်းအုံးထဲ မျက်နှာနှစ်ပစ်ပေမဲ့ ငါမင်းကို မမေ့နိုင်ဘူး ။ သဘောကျနေဆဲပဲ ။

ငါ့ရဲ့ ရည်မှန်းချက်က မိန်းကလေးတစ်ယောက်နဲ့ လက်ထပ်ပြီး ကလေးယူချင်တာ ။ အဲ့ကလေးလေးကို ငါ့အဖေ ငါ့ကို မချစ်ပေးတဲ့အချစ်မျိုးနဲ့ ချစ်ပေးပြီး သွေးသားအရင်းအချာ ဒီအဖေက ဘယ်လောက်တောင် ယုံကြည်ရသလဲ ၊ အားကိုးရသလဲ ဆိုတာကို အဲ့ကလေးလေး သိအောင် အများကြီးကြိုးစားချင်တာ။

ငါ့လိုမျိုး ဘယ်သူ့မှ ၊ သွေးသားအရင်းကိုမှ မယုံကြည်ရဲတဲ့ လူမဖြစ်အောင် ငါက ငါ့ကလေးကို အများကြီးပျိုးထောင်ပေးချင်တာ ။ အဖေကောင်းတစ်ယောက် ဖြစ်ချင်မိတာ ။

ဒါပေမဲ့ မင်းကို ချစ်မိတဲ့အချိန်က စပြီး အဲ့ရည်မှန်းချက်တွေအကုန်
ရေစုန်မျှောရတဲ့အဖြစ်။

ငတုံးလေးဖြစ်တဲ့ မင်းရဲ့ လက်သွယ်သွယ်လေးတွေကို ငါ မသိမသာ ဆုပ်ကိုင်မိသည် ၊ သဘောကျလိုက်တာ ငါအထပ်ထပ် အဲ့လက်ကလေးကို
နေ့ရက်တိုင်း ဆုပ်ကိုင်မိရော။

နောက် မင်းကို အနောက်ကနေ သိုင်းဖက်တာရော ၊ ငါ သဘောကျလို့ မင်းကို ထပ်ခါထပ်ခါ သိုင်းဖက်မိသည် ။

အသားချင်းထိတာကို သိပ်ကြောက်တဲ့ငါက မင်းကိုတော့ အထပ်တလဲလဲ ထိတွေ့နေမိခဲ့တာ ။ ဒါက သဘောကျတာထပ် ပိုနေတယ်ဆိုတာ ငါသိသည်။

ဖွင့်ပြောချင်ပေမဲ့ မင်းမျက်လုံးဝိုင်းလေးတွေ တွေ့ရင် ငါ့မှာ ဆွံ့အမိ။