Friend Zone ( Completed )

°7°

ဒီနေ့နဲ့ဆို Jungkook သူ့ကို
ရှောင်နေတာ ငါးရက်ရှိပြီ။

ကျောင်းဖွင့်ရက်တွေတုန်းက မဖြစ်သာလို့သာ စကားပြောရပေမဲ့ သူ့ပုံစံက Taehyung ကို လုံးဝ ရှောင်ဖယ်ချင်နေသည့်ပုံ။

အခုကျောင်းပိတ်သွားတော့
ပိုဆိုးသည်။ Taehyung ကို လုံးဝ အဆက်အဆံမလုပ်တော့ ။ ခါတိုင်းဆို ကျောင်းပိတ်ရက်တိုင်း သူ့အိမ်လာဖို့ တစာစာ ဖုန်းဆက်ခေါ်တတ်သည့် Jungkook က အခုတော့ မက်ဆေ့ချ်လေးတောင် မပို့။

စိတ်ဆိုးနေသည့် အကြောင်းအရင်းကို မသိပေမဲ့ Jungkook ကို စိတ်ပြေသွားအောင် မလုပ်ရရင် သူလည်း နေရခတ်ပြီး သေတော့မယ်ထင်ပါရဲ့။

Jungkook က သူ့ကို တစ်ခါမှ ဒီလိုမျိုး ရှောင်ဖယ်ဖူးတာ မဟုတ်ဘူးလေ။

သို့ကြောင့် စားပွဲပေါ်မှ ကားသော့ကို ကောက်ယူပြီး Jungkook အိမ်ကို ချက်ချင်းသွားဖို့ ဆုံးဖြတ်လိုက်သည်။

=====

''သား Taehyung လေး ''

အိမ်ထဲဝင်ဝင်ချင်း သူ့အား ပွေ့ဖက် နမ်းရှိုက်ပါသော Jungkook ရဲ့ မေမေ။

Jungkook ဖေဖေကတော့
သတင်းစာဖတ်နေရင်းကနေ တရင်းတနှီး လှမ်းပြုံးပြသည်။

''Jungkookie ဆီ လာတာလား
သားလေး''

''ဟုတ်ကဲ့ ။ သူရှိလားဟင် ''

''အာ..ရှိတာပေါ့ ။ အပေါ်မှာ
စာလုပ်နေတယ် ထင်တယ် ။
တက်သွားလိုက်နော်''

''ဟုတ်ကဲ့''

လှေကားပေါ်တထစ်ချင်း တက်နေရင်းကနေ သဲ့သဲ့လေး ကြားနေရသော သီချင်းသံတစ်ချို့။

Jungkook အခန်းဆီက ဖြစ်မည်။

ကြားနေရသည့် ငြိမ့်ညောင်းစွာ ထွက်ပေါ်နေသော သီချင်းသံစဥ်အရ Jungkookရဲ့ စိတ်ဟာ အခုအချိန်မှာ တည်ငြိမ်ပြီး ကြည်လင်နေမည်မှာအမှန်။

တခြားလူတွေကတော့ သီချင်းသံစဥ်အပေါ်ကို လိုက်ပြီး ခံစားချက်တွေ ပြောင်းလဲတတ်ပေမဲ့ Jungkook ကတော့ သူ့ခံစားချက်နှင့် ကိုက်ညီသည့် သီချင်းသံစဥ်ကိုသာ နားထောင်လေ့ရှိသည်။

ဥပမာ..Jungkook က သူ စိတ်တိုလျှင် ခပ်ဟော့ဟော့ rock သီချင်းတွေ ၊ သူ့ ဝမ်းနည်းနေပြီဆို အသဲကွဲသီချင်းတွေ၊ သူ စိတ်ကြည်လင်နေပြီဆို classic သီချင်းလေးတွေ စသဖြင့် အမျိုးမျိုး နားထောင်နေတတ်တာ။