Friend Zone ( Completed )

°17°

မျက်လုံးဝိုင်းလေး ဝေ့ကာပြေး
မျက်ရည်များနှင့် ဖွေရှာလေး..

=====

''ဟို ဝတ်စုံရွေးဖို့
Taehyung လိုက်ပို့မယ်မှတ်လား''

ဟေးဆိုး အမေးကို
ခေါင်းတချက်သာ ငြိမ့်ပြသည် ။ ပြီးနောက် မျက်လုံးများက ဖုန်း screen ဆီသို့သာ ပြန်ရောက်သွားသည် ။

လက်ထပ်ဖို့ အေးစက်နေပုံရသည့် Taehyung ပုံစံကြောင့် ဟေးဆိုး အားငယ်မိသွားသည် ။ တကယ်တော့ Taehyung က လိုက်မပို့ဘူးဆိုရင်တောင် အတင်းလိုက်ဖို့ပို့ ပူဆာရဲသူ မဟုတ်။

အွန်းဂျယ်က ဟေးဆိုး လက်လေးတွေကို ခပ်ဖွဖွလေး ဆုပ်ကိုင်လာသည်။

''ဘာမှ အားငယ်စရာမရှိဘူး ။
အဲ့ကောင် မရှိလည်း ငါရှိတယ် ။ ငါက နင့်ဝတ်စုံကို အပီအပြင် ရွေးပေးမှာ''

''အဲ့ကောင်လို့ မသုံးနဲ့ဆိုနေ''

ဟိုတစ်ယောက်နဲ့ဆို ငြိမ်ဝပ်နေသလောက် သူမနဲ့ဆို စွာနေပုံက ။ သူမ ရီးစား Kim Taehyung ကိုဆို ကြမ်းတမ်းတဲ့ အသုံးအနှုန်းလေး သုံးရင်တောင် နည်းနည်းလေးမှ မကြိုက်။

အချိန်ပြည့် ဖုန်းထဲ ခေါင်းစိုက်နေသည့် လူကို အွန်းဂျယ် စိတ်မရှည်တော့ ။

''Kim Taehyung
ဒီတသက် လိုက်ပို့ဦးမှာလား''

''Jungkook နဲ့ အဆက်အသွယ်ရှိလား''

မေးတာတခြား ဖြေတာတခြား။

ဟေးဆိုးတစ်ယောက်လုံး ရှိနေတာတောင် မူပျက်နေပုံက သိသာလွန်း။

''မရှိဘူး သူနဲ့ ။ ရှိစရာ အကြောင်းလည်းမရှိဘူး ''

''သြော် ။ သူငါ့ကို
အခုတလော မဆက်သွယ်လို့ ''

''နင့်ဘက်က စ ဆက်သွယ်လိုက်လေ''

''အဲ့တာဆိ​ု ငါ့ imageပျက်သွားမှာပေါ့''

ကားသော့ကို ဝှေ့ယမ်းပြီး ထွက်သွားပုံက အမြင်ကပ်စရာ ။ Jungkook နဲ့ ဟေးဆိုး သူ့ကို ဘာလို့သဘောကျနေလည်းဆိုတာ တွေးကြည့်လို့မရ။

=====

ဆိုးလ်တစ်မြို့လုံး အငှားတိုက်ခန်းတွေ အကုန်လုံးတွင် စေ့စေ့စပ်စပ် လိုက်ရှာကြည့်သည် ။ Jungkook ရဲ့ အရိပ်အယောင်တောင်မတွေ့ ။