Friend Zone ( Completed )

°1°

ဘေးတစ်ဝိုက် သူ့အုပ်စုလိုက်လေးဖြင့် သွားနေကြသည့် ကျောင်းသားတစ်ချို့ကို မထီသလို တချက်ကြည့်ပြီး...

အိတ်ကပ်ထဲမှ ပီကေကို
ပါးစပ်ထဲပစ်ထည့်ကာ
လက်နှစ်ဖက်ကို ဘောင်းဘီအိတ်ထဲ လျိုသွင်းပြီး ကျောင်းရှေ့တည့်တည့်တွင် ထောင်ထားသည့် ဆိုင်းဘုတ်ကို ရောက်နေသည့် သူ့အကြည့်တွေ။

လေတချက် ဝှေ့လာသည့်
သစ်ရွက်တွေထဲက တစ်ခုက
သူ့ဆံပင်ခပ်ပွပွပေါ်သို့ မထီမဲ့မြင်
လာကပ်တွယ်သောအခါ

''ကျစ်''

စတိုင်ပျက်မှာ သိပ်ကြောက်သည့် သူက စိတ်ပျက်စွာနှင့်ပင် ခေါင်းပေါ်မှ သစ်ရွက်ကို လက်တစ်ဖက်ဖြင့် ဖယ်ခွာတော့...

သူ့ခြေထောက်နားသို့ လိမ့်လာသည့်
ချိုချဥ်လုံးလေးက မြင်ကွင်းထဲသို့
ခွင့်ပြုချက်မရှိ ဝင်လာသည်။

''ဘယ်အကောင်
လက်ကမြင်းတာလည်း!!''

ပါးစပ်ကသာ ကျိန်ဆဲပေမဲ့
ချိုချဥ်လုံးကို လှမ်းကောက်နေသည့် သူ့လက်တွေက မုန်းစရာပင်။

လက်ထဲရောက်လာသည့် ချိုချဥ်လုံးကို တချက် ဝေ့ဝိုက်ကြည့်လိုက်သည် ။

စတော်ဘယ်ရီ အရသာများလား။

''ငါ့ချိုချဥ် ပြန်ပေး''

သူ့အရှေ့သို့ မိုက်မိုက်ကန်းကန်း
ထိုးပေးလာသည့် လက်ဝါးပြင်။

ဟုတ်သား သူခုနက
ဘေးပတ်ဝန်းကျင်ကို
ဝေ့ကြည့်ဖို့ မေ့သွားခဲ့တာပဲ။

သူ့ကို လူမုန်းသိပ်များစေသည့် လှောင်ပြုံးတချက်ပြုံးကာ ဖြန့်နေသည့် လက်ဝါးပြင်ကို ပိတ်ရိုက်ပစ်တော့ သူ့အရှေ့ကကောင်က စိတ်ပျက်စွာ ကြည့်လာသည်။

''ဘာလား မင်းက ဘာကောင်လည်း''

သူ့နီးပါး ဆိုးသွမ်းပုံရသည့် လူထံမှ ရန်စကားကို ကြားသည့်အခါ
ပျော်ရွှင်မှုက ဖုံးဖိမရ။

အိမ်နဲ့ အဆင်မပြေခဲ့လို့ ဒီနေ့
သိပ် ရန်ဖြစ်ချင်နေတယ်မဟုတ်လား။

''ငါ ဘာကောင်လည်း
သိပ်သိချင်နေလား''

ခပ်မိုက်မိုက်သူ့အပြောတွင်
ရီစရာမပါဘဲ ခပ်စစပြုံးနေသည်​့
ထိုကောင့် နှုတ်ခမ်းပါးကို
Taehyung ကြည့်မရတော့။