Friend Zone ( Completed )

°10°

မင်းကို ပြောချင်ခဲ့တဲ့
ထပ်တိုးမေးခွန်းတစ်ခုက
သူငယ်ချင်းတွေက
နမ်းကြသလားလို့လေ။

======

မှန်ထဲက ကိုယ့်နှုတ်ခမ်းပါးကို
မယုံနိုင်စွာ ခပ်ဖွဖွထိကြည့်မိသည်။

ဒီနှုတ်ခမ်းက လွန်ခဲ့တဲ့ လေးနာရီက Taehyungရဲ့ နှုတ်ခမ်းတွေနဲ့
ထိတွေ့ခဲ့တာတဲ့။

ကိုယ့်ပါးပြင်ကိုယ် ခပ်ဆက်ဆက်
နှစ်ချက်ပစ်ရိုက်လိုက်သည်။

WTF ဒါ အိမ်မက်မဟုတ်ဘူးပဲ!

ကလေးတစ်ယောက်လို ခုန်ပေါက်ပြီး ပျော်လိုက်ချင်ပေမဲ့ တကယ်တမ်းကျတော့ Jungkook မလုပ်ဖြစ်။

ဖုန်းတုန်ခါနေအောင်အထိ အဆက်မပြတ်တက်လာတဲ့စာတွေ။

basketball club ထဲ ဝင်ဖို့ ဖိတ်ထားတဲ့ စီနီယာတွေက လောကွတ်ချော်ပြီး သူ့ကို စကားပြော GP တစ်ခုထဲ ထည့်ထားတာ ကြာလှပြီ။

တစ်ခါမှ ဝင်စကားမပြောပေမဲ့ မနက်က Taehyung ရဲ့ အနမ်းကြောင့် ကတုန်ကယင်နဲ့ ''လူတစ်ယောက်နဲ့နမ်းပြီးရင် ဘာဆက်လုပ်သင့်လည်း'' ဆိုပြီး GPထဲ စာလေးပို့လိုက်မိတာ။

အခုတော့ ပေးလိုက်တဲ့ အကြံဉာဏ်တွေက ဖတ်လို့ပင်မနိုင်အောင်အထိ တရစပ်။

ဖုန်း screen ကို ကြည့်ပြီး ဘေးကနံရံကို အားမလိုအားမရ လက်သီးဖြင့် သွားထိုးလိုက်မိသည်။

ဘာတဲ့ ။ နမ်းပြီးမှတော့ ရီးစားပဲ လုပ်လိုက်တော့တဲ့လေ။

တညီတညွှတ်တည်း ပေးကြတဲ့
စီနီယာတွေရဲ့ အကြံကို သူလက်ခံဖို့ ဆုံးဖြတ်လိုက်သည်။

သို့နှင့် Bananamilk သောက်ပြီး
ရဲဆေးတင်လိုက်သည်။

ဟေး Bro Kim Taehyung လေး
မင်းကို ငါ့ရီးစားလေး ဖြစ်အောင်
လုပ်ပစ်မယ် စောင့်နေ။

=====

ကားကို မှီလိုက် ၊ လမ်းလေးလျှောက်လိုက်နှင့် Taehyung အိမ်ထဲက ထွက်လာမှာကို ဂနာမငြိမ်စွာ စောင့်နေသည့် Jungkook ။

''နမ်းပြီးမှတော့ ရီးစားတွေပဲ'' ဟူသည့် စကားကို ပါးစပ်မှ ထပ်ခါထပ်ခါ ရွတ်ရင်းနှင့်။

ဆံပင်ကို လက်တစ်ဖက်ဖြင့် ဖွာပစ်ပြီး ကျောပိုးအိတ်ကို ခပ်စစလွယ်ကာ ရှင်းသန့်သည့်ပုံစံဖြင့် အိမ်ထဲကနေ ထွက်လာသည့် Taehyung ။