Friend Zone ( Completed )

°11°

ချစ်မိတာ အပြစ်ဆိုရင်
မင်းက လှပတဲ့
အကျဥ်းထောင်လေးပဲ။

======

လျို့ဝှက်ချက်တွေနှင့် ပြည့်နေသည့်
သူ့ရဲ့အခန်း။

မွေးမိခင်ကိုတောင် ပေးမဝင်နိုင်တဲ့အထိ သိပ်သည်းနေတဲ့ လျို့ဝှက်ချက်တွေက တကယ့်ကို နင့်နဲသည်။

ပြက္ခဒိန်တွင် ထင်ရှားနေသည့်
အနီဝိုင်းလေးတစ်ခု။

ထို ခပ်ရဲရဲ ရက်စွဲလေးက
Jungkook ရဲ့ မွေးနေ့။

ဒီနေ့တော့ အဲ့ဒီရက်စွဲကလေးကို ရောက်လာပြီမို့ မနက်မိုးလင်းကတည်းက သူပျော်ရွင်နေခဲ့တာ။

ဒိုင်ယာရီ စာအုပ်ထဲတွင် မှတ်မှတ်ရရ ရေးမှတ်ထားသည့် စာတန်းလေးတစ်ခု။

''Jungkook အသက် 18နှစ် ပြည့်ရင် Tattoo ဆင်တူ ထိုးမယ်''

ဖုန်းထဲတွင် save ထားသည့်
Tattoo ပုံတွေကို Gallery ထဲဝင်ပြီး တခေါက်ကြည့်လိုက်သည်။

အခုထိ ဘာပုံကို ရွေးရမှန်းမသိသေး။

''ငါ့ကို Jungkook ကယ်တင်မှဖြစ်မယ်။ Jungkook ကိုယ်တိုင်
ရွေးပေးမှ ဖြစ်မယ်''

အဲ့ဒီလိုနဲ့ သူ့ရဲ့ နေ့သစ်တစ်ခုကို
Jeon Jungkook ဆိုတဲ့ သူငယ်ချင်းတစ်ယောက်နဲ့ စတင်ရပြန်တယ်။

အင်း ၊ သူငယ်ချင်းတစ်ယောက်နဲ့ပေါ့။

=====

''ငါ ဘာပုံမှ သဘောမကျဘူး''

မနက်ကတည်းက သူ့လက်ကို အတင်းဆွဲပြီး Tattoo ဆိုင်ကို ခေါ်လာတဲ့ Taehyung က..

ဘာပုံထိုးရမှန်းမသိလို့ မသိဘူးပြောတော့ အလိုမကျတဲ့ အကြည့်နဲ့ ကြည့်လာပြန်တယ်။

''ဘာလည်း မင်းက ငါနဲ့ Tattoo အတူတူ မထိုးချင်လို့လား''

''ငါ ဘာပုံရွေးရမှန်း မသိလို့ပါ ။
မင်းနဲ့သာဆို Tattoo ကို
တစ်ကိုယ်လုံးပဲ ထိုးရထိုးရ''

မဝံ့မရဲ ဖြေရှင်းတော့ ဆူထွက်နေသည့် နှုတ်ခမ်းပါးလေးက သဘောကျသည်ထင် ပြုံးစစလေး ဖြစ်သွားသည်။

''အဲ့ဒါဆို မင်းရဲ့ နာမည်ကို
ငါ့လက်ကောက်ဝတ်မှာ ထိုးမယ် ။
ငါ့နာမည်ကို မင်းလက်ကောက်ဝတ်မှာ ထိုး''