Friend Zone ( Completed )

°13°

ခြေတစ်လှမ်း ရှေ့တိုးဖို့လုပ်လိုက်ရင်
သူမရဲ့ လက်ကိုဆွဲပြီး
ငါ့ကို ချန်ရစ်ထားခဲ့တဲ့မင်း ။

======

ကော်ဖီဆိုင်ကနေ သူ့လက်ကို ဆွဲပြီး ဦးတည်ချက်မရှိ တရစပ် ခေါ်ဆောင်နေခဲ့တဲ့ Taehyung က မျက်နှာထား ခပ်တင်းတင်းနှင့်။

ခြေထောက်တွေ ညောင်းလာပြီမို့ အားသုံးပြီး ရပ်တန့်တော့ စူးရှနေတဲ့ မျက်ဝန်းတွေနှင့် Taehyung က လှည့်ကြည့်လာသည်။

''ဘာကိစ္စ ငါ့ကို ဒီလိုဆွဲခေါ်နေတာလဲ။
ဘာအရေးကြီးနေလို့လဲ''

''ငါ ဘယ်ကိုခေါ်ခေါ်ပေါ့''

''Dateနေတဲ့ အချိန်ကို ထထွက်လာတယ် ။ တဖက်မိန်းကလေးကို မင်း မစာနာဘူးလား''

လှမ်းမြင်နေရတဲ့ ဟေးဆိုးရဲ့ ကြွေကွဲနေတဲ့ ပုံစံကြောင့် စာနာတဲ့သဘောနဲ့ သူပြောမိလိုက်တာ ။ တခြား ဘာရည်ရွယ်ချက်မှ မရှိ။ သူလည်း လူသားပါ တခါတလေ လူသားဆန်ချင်မိတယ်လေ။

''တဖက်မိန်းကလေးတဲ့လား ။ မိန်းမတစ်ယောက်ကို စသဘောကျနေပြီဆိုတော့ ဒီလို ပြောထွက်နိုင်ပြီပေါ့''

''ငါက မိန်းမတစ်ယောက်ကို သဘောကျတယ် ။ ဘယ်တုန်းကလဲ''

Taehyung က သူ့ခံစားချက်တွေကို မျက်ကွယ်အပြုလွန်ပြီး စုံလုံးကန်းသွားသည်ထင် ။ ချစ်နေတာတောင် မမြင်နိုင်တော့။

''ဟိုတစ်ယောက်လေ မင်းကို စမ်းDate ကြည့်ဖို့ ထားခဲ့တဲ့တစ်ယောက်''

''အွန်းဂျယ်လား''

''မင်းသိပ်သဘောကျနေတယ်
မှတ်လား ။ ပြုံးလို့ပျော်လို့''

''ဟေး Dateနေတဲ့ အချိန်မှာ ရီးစားဆီ အာရုံမရှိပဲ ငါ့ဆီရောက်နေတာလား''

ဖြန်းကနဲ နီရဲသွားတဲ့
Taehyung ရဲ့ နားဖျားတွေ။

မခံမရပ်နိုင်မှုကြောင့်
နှုတ်ခမ်းလေးတွေကလည်း
တဆက်ဆက်တုန်လာလေရဲ့။

''ငါအာရုံတွေက မင်းဆီ ဟုတ်လား ။
ဟာသပဲ ငါက
ဟေးဆိုးလက်လေးတွေကို
ဆုပ်ကိုင်လို့တောင် အားမရနေတာ''

ထိချက်ပြင်းသည့် ဤစကားကြောင့် Jungkook မေးရိုးတွေပင်
ထောင်တက်သွားသည်။