Friend Zone ( Completed )

°3°

ကျောပိုးလွယ်အိတ်ကို လက်မောင်းတစ်ဖက်ထဲတွင်သာ ချိတ်လွယ်ပြီး အမောတကောနှင့် လှေကားပေါ်က ပြေးဆင်းလာလာချင်း မြင်လိုက်ရသည့်မြင်ကွင်းက

ဧည့်ခန်းထဲတွင်
မိုးမမြင်လေမမြင် နမ်းနေသည့်
အမေနှင့် သူ့ကောင်မလေး။

မြင်နေကြဆိုပေမဲ့ အသားမကျသေးတဲ့ Taehyung မှာ လှေကားလက်ရန်းကိုသာ ခပ်တင်းတင်း ဆုပ်ကိုင်လို့။

''Taehyung မနက်စာ စားသွားလေ ။ ဘာဖြစ်လို့ ကားပေါ်
အတင်းတက်နေတာလည်း!!''

ဆူပူနေသည့် အမေ့အသံများကို မကြားချင်တော့၍ သီချင်းမဖွင့်ထားသည့် နားကြပ်ကို ကောက်တပ်ပစ်သည်။

''ဦးလေးကြီး ကျွန်တော့်ကို
ကျောင်းကို မြန်မြန်ပို့ပေးပါ''

ဒရိုင်ဘာဟွန်းကတော့ သခင်လေး၏ ခံစားချက်ကို နားလည်သည့်အလား တိတ်ဆိတ်စွာနှင့်သာ ကား
အမြန်နှုန်းကိုသာ မြှင့်ပေးလေသည်။

ကျောင်းပေါက်ဝ ရောက်ရောက်ချင်း အိတ်ကပ်ထဲမှ ပီကေကို ထုတ်ယူကာ ပါးစပ်ထည့် ထည့်ပစ်လိုက်သည်။

ဒီနေ့တစ်မနက်ခင်းလုံး ရလာသမျှ စိတ်ညစ်စရာတွေကို ပီကေအပေါ် ပုံချကာ အဆက်မပြတ် ဝါးနေမိလေသည်။

ကျောင်း၏ အုတ်နံရံထောင့်စွန်းလေးတွင် ရှိနေသည့် စက်ဘီးလေး။

အင်း အဲ့ဒါဆို ဟိုကောင်
Jeon Jungkook ရောက်နေပြီပေါ့လေ။

သူ့နေ့ရက်တိုင်းမှာ
ထပ်ခါတလဲလဲ ရွတ်နေမိတဲ့
Jeon Jungkook ရဲ့ နာမည်။

အကြောင်းပြချက်က သိပ်မုန်းပြီး သိပ်အမြင်ကပ်လို့ ရွတ်မိနေတာတဲ့လေ။

ဟက်ကနဲ တချက်ရီကာ ကျောင်းထဲကနေ လှည့်ထွက်လာလိုက်သည်။

ဒီတစ်နေ့တော့ အဲ့ Jeon Jungkook ရဲ့ မျက်နှာကို မကြည့်ချင်လို့
ကျောင်းလစ်ပစ်ရမယ်။

====

အတန်းထဲရှိ လူတိုင်းပါးစပ်ဖျား ၊ ကျောင်းအုပ်ဆရာမကြီးအပါအဝင် ဆရာ၊ ဆရာမတိုင်း၏ ပါးစပ်ဖျားတွင် အမြဲ ဒွန်တွဲစွာ ရှိနေသည့် Jeon Jungkook နှင့် Kim Taehyung။

တစ်ခုခုဆိုလျှင် ရုံးခန်းသာ
တန်းရောက်လာတတ်သည်မို့
ရုံးခန်းတဝိုက်က ဆရာမတွေပင် မျက်မှန်းတန်းမိနေသည်အထိ။