Friend Zone ( Completed )

°4°

''မေမေလေး!''

''မေမေလေး!''

နိုးနိုးချင်း မျက်လုံးအား ပိတ်ထားလျက် မေမေလေးအား ယောင်ယမ်းအော်ခေါ်တတ်သည့် Taehyung အကျင့်။

မေမေလေးဆိုသည်မှာ မေ့မေ့ရဲ့ ကောင်မလေး တနည်းအားဖြင့် သူ့ ဒုတိယမေမေ။

ခါတိုင်းဆို သုံးခွန်းလောက် အော်ခေါ်လိုက်ရင်ကို အခန်းထဲ ပြေးဝင်လာနေကြဆိုပေမဲ့ အခုတော့ ဘာသံမျှ မကြားရ။

ထိုအခိုက် သူဖက်ထားသော ဖက်လုံးကြီးမှာလည်း လှုပ်နေသည်မို့ Taehyung ခေါင်းနပန်းကြီးသွားကာ မျက်လုံးကို စုံကန်ပြီး ဖွင့်မိသည်။

''Fuck!  ဘာကောင်ကြီးလည်း! ''

ရင်ခွင်ထဲမှ သူ့အား စိတ်ပျက်လက်ပျက် မော့ကြည့်နေသည့် Jeon Jungkook ၏ မျက်နှာကြီး ပွားကနဲ ပေါ်လာသည့်အတွက် Taehyung လန့်ဖျပ်ပြီး အော်လိုက်မိခြင်း။

''ချီးပဲ!  မင်းက ဘယ်လိုလုပ်ပြီး
ငါ့နားကပ်နေရတာလည်းကွ!''

သူခိုးမှ လူပြန်ဟစ်နေသည့် ဤအနေအထားအား Jungkook အတော် စိတ်လေမိသည်။

''မင်းပဲ ငါ့ကို ဖက်ထားတာလေ Kim Taehyung ရဲ့ ။ ခွဖက်ထားတာများ ငါဖြင့် ထလို့ကို မရဘူး ။ ပါးစပ်ကလည်း မေမေလေးဆိုပြီး ငါ့နားရွက်နား ကပ်ကပ်ပြီး အော်သေးတယ်''

''ဟာ အဲ့ဒါဆိုလည်း ငါ့ကို နှိုးပေါ့ကွ ။ အခုတော့ အနီးကပ်အနေအထားကြီး အလကား လူကို ကြက်သီးထအောင်''

ရှုံ့မဲ့ပြီး ပြောနေသည့် Taehyung ၏ ပုံစံက သူ့ကို ဖက်ထားတုန်းက မျက်နှာပေးလေးနဲ့များ လုံးဝတခြားစီ။

ဖက်ထားတုန်းက ချိုမြနေတဲ့ မျက်နှာပေးလေးကြောင့်
သူ့မှာ မနှိုးနိုင်ခဲ့တာပေါ့။ ဒီရှုံ့မဲ့​နေတဲ့ မျက်နှာပေးသာ ဖြစ်ကြည့်ပါ့လား။ဖောင်းနေတဲ့ ပါးနှစ်ဖက်ကို ရဲရဲနီအောင် လိမ်ဆွဲပစ်တယ်။

''ငါ ရေအရင်ချိုးမယ် ။
မင်း နောက်မှချိုး''

သူများအိမ်ကို လာပြီး ကြီးကျယ်နေတဲ့ သကောင့်သားအား Jungkook မှာ တနုံ့နုံ့နဲ့ အမှုန့်ကြိတ်ချင်လာပြီ။

ရေချိုးခန်းဆီ ပြေးဝင်သွားပြီး တဘက်အား နှာခေါင်းတရှုံ့ရှုံ့နှင့် မသတီသလို အနံ့ခံနေပုံကိုက ပိတ်ကန်ချင်စရာ။