♤ ملاكي الحارس ♤ ( مكتملة )

الفصل الخامس

ملاكي الحارس 🎻💫  part 5
- ‏أُحبّ الأوقات التي لا يشعرُ بها قلبي بشيء ؛ إنها هدنة مُنحت من الجنة! 💜 . ."
♡ في منزل هشام ♡
كان يجلس على كرسيه الهزاز الخشبي وأمامه كرسي صغير تجلس عليه جانيت ، كان ينظر إلى خصلات شعرها التي تغطيها بأكملها ثم قال : فين الباقيين ، يعني انتي ازاي رجعتي من غيرهم ومخوفتيش ؟
جانيت : ....
هشام : اه صح انا بكلم مين ، تقدري تقعدي لوحدك عشان هروح أدور عليهم ؟
نظرت جانيت حولها في رعب الى البيت المظلم ثم نظرت إلى هشام وهي مرتعبه ف قال وهو يضغط على أسنانه : أكيد لا ، ما هو انا مستحييييل أخدك معايا فاهمه ! مستحيل ..
♡ بعد عشر دقائق في سيارة هشام السوداء♡
كان يقود وبجانبه تجلس جانيت ف تأفف وهو يقول : كفايه تنطيط لاحسن يحسبوكي الناس عليا بنتي ولا حاجه
جلست جانيت وربعت يديها ف قال هشام : انتي لما طنط هيلين خدتك معاها متعرفيش خدتك فين ؟
جانيت : ....
هشام ينظر اليها ثم ينظر الى الطريق ويقول : شكلها هتبقى ليله طويله جدا ..
♡ أمام المقهى ♡
وقف فؤاد بجانب بيرلا ف قالت له : هديت وبقيت كويس ؟
فؤاد : انا بخير يا أنسه بيرلا ، اتفضلي معايا أوصلك
بيرلا : وانت مش جاي ؟
فؤاد : انا أسف بس أنا مش هقدر أرجع
بيرلا وهي تقف أمامه : وانا مش هرجع من غير صديق طفولتي ايه رأيك بقى
رفع فؤاد وجهه ونظر إلى تقاسيم وجه بيرلا : عيناها الواسعتان العسليتان ، فمها الصغير الكرزي ، أنفها الصغير الذي يتحول لونه ألى الاحمر من البرد ، عنقها الطويل وشعرها القصير الاسود الناعم ، سرح فؤاد داخل كل تلك التفاصيل الى أن قالت بيرلا : معنى انك بتبصلي كدا يبقى بتفكر ف كلامي وهترجع معايا صح !
فؤاد وهو يبتلع ريقه ويفيق : لا انا مش هقدر
جلست بيرلا على الرصيف ف قالت : وانا ورحمة بابي ما هروح
فؤاد : ليه كدا بس يا أنسه بيرلا
بيرلا وهي تقف : هات ايدك يلا نتمشى طالما لا انا ولا انت هنروح
فؤاد : مينفعش يا أنسه بيرلا لان الشارع مليان ناس مؤذيه وانا خايف عليكي
بيرلا وهي تفرد يداها : بس انا معايا حد يقدر يحميني كويس
فؤاد بغضب وغيره مفاجأه : مين دا !
بيرلا بإستغراب : انت طبعا
ف ارتخت ملامح فؤاد واصفر وجهه ف ضحكت بيرلا وهي تقول : جعانه أوي مش هتعزمني ؟
فؤاد : اا اكيد طبعا تحت امرك تحبي تاكلي ايه يا انسه بيرلا
بيرلا : نفسي ف شوكولاته وشيبس جدا
فؤاد وهو يأخذ بيدها ليسيروا : أعتقد في ماركت جمب البنزينه اللي هناك دي ، اتفضلي
سارت بيرلا بجانبه وهي تقول : فاكر واحنا صغيرين لما كنت بقولك غبي وبجري
فؤاد : بس انا لسه الغبي المفضل عندك
بيرلا بضحك : هههههه دايما ..
♡ في محل الخياطه الشهير ♡
جلست هيلين وهي تدفيء نفسها بالشال الاسود السميك وتنظر حولها إلى أن جاء جيمي إبنها وهو يحمل كوبآ من القهوه الساخنه : اتفضلي يا مام دي باللبن
أخذت هيلين منه الكوب وهي تقول : تسلم إيدك يا إبني
جيمي : حضرتلك السرير جوا ورتبتهولك
هيلين : يابني وانت هتنام فين ؟
جيمي : هنام هنا ع الكنبه جمب عرايسي المانيكانات
هيلين : معلش يا ابني هتقل عليك
جيمي : على فكرا انا عايزك تتقلي عليا بس مترجعيش هناك !
هيلين : هشام طيب وقلبه نضيف بس هو لما بيتعصب بيبقى ..
ولم تكمل حديثها حيث قاطعها جيمي وهو يقول : مش هترجعي هناك يا أمي !
♡ في سيارة هشام ♡
كان يدور المدينه بسيارته السوداء وبجانبه جانيت وهي تنظر اليه
هشام : بتبصيلي كدا ليه وترتيني
جانيت وهي تشير الى معدتها وفمها
هشام : جعانه ! دا وقته دا !
أحنت جانيت رأسها ف قال هشام : يلا هنروح ناكل
صفقت جانيت بيدها في سعاده ثم قامت وأمسكت عنقه وقبلته من خده وجلست
كانت حركتها عفويه ولكن هشام ارتجف وقال : انتي جريئه جدآ ، انا أختي بيرلا عمرها ما عملت كدا معايا
ثم أكمل طريقه بإتجاه المطعم
♡ في الماركت الشهير بالمدينه ♡
كانت بيرلا تركض بداخل الماركت ووراؤها فؤاد بعربة التسوق المليئه بالحلوى
بيرلا : لو مش معاك فلوس قول عشان أستخدم الفيزا بتاعتي
فؤاد بإبتسامه وهو يقترب منها : أنسه بيرلا إنتي ناسيه ميراثي كام ؟ يعني لو عوزتي الماركت كله هجبهولك
بيرلا بسعاده : طب يلا عشان نلحق قسم الشوكولا
فؤاد بابتسامه : يلا
وصلوا الى قسم الشوكولا ف نظرت بيرلا الى فوق وهي تقول : وااااو عايزه لوح الشوكولا الكبير اللي ف الرف اللي فوق دا
فؤاد وهو ينحني : إطلعي على كتفي عشان تجيبيه
صعدت بيرلا على عنق فؤاد وجلست وهي تقول : أوعى توقعني
فؤاد : مستحيل ..
ثم وقف ورفعها ف قالت : الله لقيته بس تقيل
فؤاد : شيليه بالراحه خالص
حملته بيرلا ووضعته في عربة التسوق ثم أنزلها فؤاد ف ارتطدمت بصدره ثم وقفت أمامه وهو ينظر الى عينيها ف ارتبكوا ف قالت بيرلا : اااءا يلا نحاسب
فؤاد بسعاده : يلا
♡ في مطعم البرجر الشهير ♡
جلس هشام وأمامه جانيت تأكل بشهيه وجائت النادله ووضعت أمامها طبق من البطاطس المقليه وهي تقول : دي بنتك ولا أختك الصغيره ؟
هشام : أختي ..
النادله : واضح إنها جعانه جدآ
ثم ذهبت ف قاال هشام : في كاتشب على بوقك
أشارت جانيت على فمها ف قال هشام : تعالي يا بلاء ربنا
قامت جانيت من كرسيها وجلست على هشام بينما أخرج منديل من جيبه وبدأ في مسح فمها وهو يقول : كل دا كاتشب مصاصة دماء انتي ، بعدين خلصي عشان نكمل تدوير
جلست جانيت بكرسيها وكان هشام بجلس وهي تأكل وأمامه كوب القهوه الخاص به وفجأه وجد يد جانيت ممتده بقطعه من البرجر مع البطاطا ف قال : لا شكرا مش باكل بالليل
لوت جانيت فمها ومدت يدها اكثر ف قال : طب هاتي
رجعت يدها الى الوراء ثم مدتها مره أخرى في حركه تدل أنها تريد أن تطعمه بيدها ف فتح فمه والتقط منها الطعام ف صفقت بيديها في سعاده ، وكان هناك رجل وزوجته خارجون ورؤوهم ف قالت الزوجه : so cute ❤  " لطيف جدا"
ف خجل هشام ولكنه ارتدى قناع الجديه وقال : كفايه دلع وتعالي كملي اكلك في العربيه
قامت جانيت برفقته وركبوا السياره لإكمال رحلة البحث
♡ في شارع أتلانتك ♡
كانت بيرلا تسير وبيدها لوح الشوكولا الكبير تأكله ويسير بجانبها فؤاد في صمت ف قالت بيرلا : مممم لذيذ جدا لازم تدوقه وتجربه
فؤاد : ألف هنا يا أنسه بيرلا ، انا مش عايز
بيرلا : ايه دا اللي مش عايز انا صممت دوق كدا
ثم مدت يدها بقطعه من الشوكولا ف التقطها فؤاد وهو يغمض عينيه ويتذوقها ثم نظر الى بيرلا في عينيها وقال : فعلا طعمها حلو اوي
خجلت بيرلا وارتعشت يدها ف قالت : تيجي نرقص كدا زي المجانين
فؤاد : ازاي ؟
بيرلا : مبتعرفش ترقص ؟ انا هعلمك
ثم دارت حول نفسها في حركات دائريه وفستانها الرقيق يدور حولها ف قالت : اعمل كدا بس دور حواليا
فؤاد وهو يقلدها : كدا ؟
بيرلا : ههههههه شاطر
فؤاد ظل ينظر الى بيرلا وهي تدور حوله وفستانها الرقيق يلتف حولها ثم قال داخل نفسه : الوحيده اللي قادره تنسيني اي حاجه وحشه حصلت ، مبقتش قادر اشوفها ومحبهاش .. 💔
رأيكم ؟ وأكمل ولا لأ❤