♤ ملاكي الحارس ♤ ( مكتملة )

الفصل السابع

ملاكي الحارس 💫🎻  part 7
" تعزفلي ع الجرح أرتاح ؟ "
♡ في غرفة السيده هيلين ♡
كان هشام يحتضن جانيت ثم أفاق مره واحده وقال : يلا ارتاحي لحد ما اجبلك المضاد الحيوي وأجي ماشي؟
أمسكت جانيت بيده ف قال : انا بتخنق من الدلع ، قولت هجيب الزفت واجي
نظرت جانيت الى الارض ف تأفف هشام وقال : انتي تعبانه اقنعيني هتقومي إزاي
وقفت جانيت على قدميها وارتدت حذائها وامسكت بيده ف نظر اليها وقال : طب تعالي
نزلوا على الدرج حتى ذهبوا الى المطبخ ، جلست جانيت على الطاوله وكان هشام يبحث عن الدواء في الارفف حتى وجده ووضعه على الطاوله وهو يقرأ كيفية استخدامه على الغلاف : ثلاث مرات يوميآ بعد الاكل ، لازم تاكلي الاول هحضر حاجه سريعه كدا
فتح هشام الثلاجه وجد كل شيء مغلف ويجب عليه ان يطبخ وهو لا يعرف ف قال : قومي هناكل برا اصل انا مخنوق اساسا
ثم اغلق باب الثلاجه بعنف ف ارتعدت جانيت ف حاول هشام التحكم في اعصابه وقال : استني هنا هجيب حاجتي واجي
♡ بعد مرور نصف ساعه ♡
جاء هشام للمطبخ وهو يحمل حقيبه سوداء ويرتدي نظارته الشمسيه ومفاتيح السياره ثم قال : يلا هنتحرك هاتي المضاد الحيوي معاكي
احضرت جانيت الدواء وسارت خلفه الى أن ركبوا السياره وانطلقوا
♡ بالقرب من بوابة المنزل ♡
كانت بيرلا تجر قدميها وهي تقول لفؤاد : مش قادرره اخد نفسي
فؤاد : لا بس ممتاز عوضتي فعلا اكل امبارح
بيرلا : كان لازم لا الا هكون شبه منطاد الافتتاح
ضحك فؤاد حتى دخلوا حديقة المنزل ف قالت بيرلا : عربية هشام مش موجوده ، تفتكر راح فين الصبح
فؤاد : اعتقد راح ياكل لانه مبيعرفش يتصرف من غير هيلين
بيرلا : عندك حق ، وبمناسبة سيرة الاكل تعالى ناكل انا اللي هطبخ
فؤاد : اكيد هيكون حلو يا انسه بيرلا
خجلت ف قالت:  طب يلا
♡ في المطبخ ♡
جلس فؤاد على الطاوله وبيرلا كانت تبحث في الثلاجه عن شيء ولكنها لم تجد ف قالت : نطلب؟
ضحك فؤاد ف خجلت بيرلا ف قال فؤاد : طب تعالي اقعدي مكاني
جلست بيرلا مكانه وهي تضع يدها على خدها وقالت : وريني مواهبك يا شيف
أخرج فؤاد بيضتان وعلبة الجبن وبعض من الخضره ووضع الخبز ليتحمص وبدأ في تقطيع الخضار
بيرلا : شكلك فعلا بتعرف
فؤاد : لما ماما كانت عيانه محدش كان بيهتم بيها لا شغالات ولا اي حد وطبعا انتي عارفه والدي كان ازاي ف كنت بجيب كتب الطبخ الفرنسيه بتاعت جدتي وكنت بقرأ كلمه كلمه لحد ما اتعلمت اعمل أكل بسيط كدا عشان ماما تاكل وتاخد الدوا ، الله يرحمها
بيرلا : الله يرحمها هي في مكان أحسن
وضع فؤاد طبق أمام بيرلا ومنشفه وأعطاها الشوكه والسكين ووضع لها قطعة بيض وبعض الخضار ومعلقة جبن بالاضافه الى الخبز المحمص وفعل لنفسه كما فعل بطبقها وجلس وقال : اتمنى يعجبك
وضعت الشوكه في قطعة البيض وتذوقتها وقالت : تحففه، الاومليت كما يجب ان يكون
ابتسم فؤاد وهو ينظر اليها وهي تأكل
♡ عند البحر ♡
أوقف هشام السياره وأنزل جانيت ثم فتح الباب الخلفي للسياره وأخرج طاوله صغيره ثم ثبتها في الرمل ثم جاء بالكرسيين الصغيريين ووضعهم بجانب الطاوله واحضر الطعام الذي احضره من المطعم ووضعه على الطاوله ووضع السلاح في جانبه واغلق السياره وقال : يلا اقعدي عشان ناكل
ثم امسك بحقيبته السوداء ووضعها بجانب كرسيه وجلس
، فتح كوب قهوته ووضع بها السكر وقلبها ثم امسك بعلبة حليب الفراوله الخاصه بجانيت ووضع بها المصاص ( الشاليمو ) وقال : خدي اشربي دا طبيعي وحلو ليكي
ثم بدأ يشرب قهوته وفتح أمامها علبة الطعام عباره عن ٢ ساندوتش برجر بالاضافه الى علبة زبادي صغيره ، بدأت جانيت في الاكل وكان هشام ينظر الى البحر بدون أن يأكل ، طبطبت جانيت على يده ف خلع نظارته الشمسيه وقال : ايه الاكل مش عاجبك ؟
مدت جانيت يدها الى فمه لتطعمه ف ابتسم ورد يدها وقال : انا مبحبش اكل الصبح كلي انتي عشان محتجاه
وضعت جانيت الاكل ونظرت اليه ف قال : وقفتي ليه قولتلك مش عايز !
ظلت تنظر اليه حتى امسك بالساندوتش الخاص به وبدأ يأكل ف امسكت بأكلها وبدأت تأكل معه وهي سعيده ، انتهوا من الطعام ف امسك هشام بزجاجة المياه وفتحها وامسك بالدواء وقال : يلا افتحي بوقك
وضعت جانيت يدها على فمها ف قال هشام : لا يلا اخلصي بقى
امسك وجهها ف فتحت فمها فتحه صغيره ثم دس الدواء داخل فمها وجعلها تشرب ف اغلق الزجاجه وقال : بالشفاء
نظر الى البحر ثم اخرج من حقيبته السوداء كمان صغير وبدأ في العزف ، انبهرت جانيت بعزفه وظلت تنظر اليه وهو يعزف مقطوعه لبيتهوفين رائعه بلا توقف وهي فاغره فمها ، ما ان انتهى حتى وجدها تصفق له ف ابتسم لها ف قال : تحبي تتعلمي ؟
اومأت برأسها ( نعم ) بحماس كبير ف قال : تعالي اقعدي على رجلي
جلست جانيت على رجله ف وضع الكمان على أحد كتفيها وجعلها تمسك بالعود الخاص به وهو يقول : غمضي عينك وافتكري اكتر لحن بتحبيه مع اكتر شخص بتحبيه وحركي ايدك ، احساسك هيخليكي تعزفي
ثم وضع يده على يدها وبدأ يحرك يده مع يدها وهو يقول : شاطره إبدأي وانا معاكي
أغمضت جانيت عينيها وبدأت في العزف وهي تتخيل الشخص الذي تحبه ومتعلقه به واكثر لحن تحبه ، كان اللحن الخاص بالقصه الشهيره ( تيتانيك ) كل يوم اراك في أحلامي ، وانبهر هشام انها استوعبت تعليمه بهذه السرعه حتى وضعها على الارض وهي تمسك بالكمان وتعزف وهي مغمضه عينيها وخصلات شعرها الذهبيه الطويله تحوم من حولها ، كانت كالملاك الصغير وما ان انتهت حتى اخذت نفس عميق ف صفق لها هشام وهو يركض اتجاهها ويحملها ويدور بها ويقول : مبدعتي الصغيره شابو على استيعابك
احتضنته جانيت ف امسك الكمان ووضعه بالحقيبه السوداء ووضع الكراسي والطاوله الصغيره في السياره وايضا  الحقيبه وركبوا السياره وانطلقوا نحو المنزل ..
♡ في محل الخياطه الشهير ♡
هيلين وهي تضع أغراضها في حقيبتها : بيرلا كلمتني يا ابني وطلبت مني ارجع انا واثقه ان هشام ندمان دلوقتي
جيمي : سامحيني يا أمي لو مقدرناش نلاقي البنت الصغيره انتي عارفه إن إحنا دورنا كتير ومش لاقيينها
هيلين : هشام هو اللي هيعرف يرجعها يابني ، انا عملتلك كذا أكله كدا وحطيتهالك في الثلاجه ع التسخين اهتم بصحتك بلاش دخان البايب والبس تقيل واقفل دايما الابواب ، محتاج حاجه يابني ؟
جيمي : سلامتك يا أمي
احتضتنته هيلين وهي تقول : يلا اورفوار
جيمي : اورفوار
خرجت هيلين وأوقفت سيارة أجره وقالت له : السوق الرئيسي للبندقيه ومحتجاك معايا كام ساعه
السائق : في الخدمه يا هانم
ثم انطلق بها
♡ بعد مرور ساعه ♡
توقفت سيارة هشام أمام المنزل ف نزلت جانيت ف قال لها هشام : امسكي أكياس الاقمشه بتاعتك أهي عشان اجيب الكمان
امسكت جانيت بأكياس الاقمشه الذي احضرها لها هشام من سوق البندقيه الكبير للأقمشه وكانت سعيده بهم جدآ ، ما أن أغلق هشام سيارته حتى وجد بيرلا تركض عليه وتحتضنه : وحشتني اووووي بجد كل ما اجي اصحى مش الاقيك
هشام ببرود : حمد الله ع السلامه يا مودموزيل ، هي دي أخلاق بيتنا ؟
اقترب فؤاد منهم ف قال : حمد الله ع السلامه يا هشام
هشام : الله يسلمك ، بس لو عايز تقدرني مهما حصل متسيبش البيت واظن الكلام واضح للكل !
فؤاد : تمام
بيرلا : حاضر
ثم نظرت بيرلا الى جانيت وقال : ايه الاكياس دي
هشام : شوية أقمشه هتتفصل فساتين للبنت لإن معندهاش هدوم
نظرت بيرلا الى هشام وهي تضيق عينيها وتبتسم وتقول : مش مصدقاك يا هشام بجد انت أول مره تهتم بحد غير نفسك
نظر اليها هشام وشعر ببروده تسري في يده ولكنه قبل أن يرد وجدوا سيارة أجره تتوقف أمام الحديقه وتنزل منها هيلين وهي تقول : هما ٢ يورو فقط لا غير انا اللي تسوقت وانت فضلت ف عربيتك ، بالراحه ع كيس الجمبري
هشام وفؤاد ركضوا عليها وهم يحملوا الاكياس ف قال هشام : نورتي بيتك
هيلين : منور بناسه يا ابني ، يلا دخلوه المطبخ عشان هعملكم غدا حلو انهارده
وجدت هيلين جانيت تقف وهي تضحك ف قالت : يا حبيبتي يا بنتي كدا يا بنت تجري وتسيبيني ! لقيتوها فين ؟
بيرلا وهي تنظر بنصف عين لهشام وتبتسم : في مكان مستحيل حد يدخله كانت نايمه امبارح في حضن هشام
هشام : احم .. يلا ندخل قبل ما نتجمد ؟
هيلين : طول عمرك قلبك طيب يا هشام عقبال ما اشيل ولادك يابني
دخلوا جميعا الى المنزل
رأيكم في البارت السابع ؟ وفي رواية #ملاكي_الحارس؟ واكمل ولا لا ❤❤