♤ ملاكي الحارس ♤ ( مكتملة )

الفصل الثالث

ملاكي الحارس💫🎻  part 3
"‏أشعر اني بالمكان الخاطئ، دائمًا، مثل نكتة في عزاء.💙"
♡ بعد إنتهاء العشاء ♡
وضعت السيده * هيلين * الأطباق لتغسلهم ف دخلت بيرلا وراؤها المطبخ ووجدت الفتاه الصغيره تجلس على الكرسي المرتفع ، ف استندت بيرلا على باب المطبخ وهي توجه حديثها ل هيلين وتقول : لقيتيها فين وازاي ؟
السيده * هيلين * : جمب محل بائع اللحوم ، القطط دلتني عليها
بيرلا : وهي هتنام فين ؟
هيلين : جمبي في غرفتي
بيرلا وهي ترفع أكتافها : اللي يريحكم خلي بالك منها لانها صعبت عليا
هيلين : بتحاولي تتظاهري انك قاسيه زي هشام بس انتي قلبك طيب
بيرلا بابتسامه : وهشام برضو قلبه طيب يا آني صدقيني بس هو متحمل مسؤولية كل حاجه ف لازم يخاف علينا
هيلين : انا هخلص الاطباق وأخدها عشان ننام لو عوزتي حاجه يابنتي قوليلي
بيرلا : لا انا هطلع الحديقه شويه
خرجت بيرلا ف اصطدمت بهشام عند خروجها وقبل ان يدخل المطبخ امسكت بيرلا بذراعه وقالت : هشام من فضلك هي خلاص ماشيه بكرا ف مالوش داعي نبقى سخيفين معاها أكتر كفايه اللي عملناه في غرفة العشاء
هشام : وايه كمان ؟
بيرلا : من فضلك يا هشام لو بتحبني
هشام : طيب
دخل المطبخ وقال : هيلين من فضلك لو خلصتي الاطباق عايز كاس شمبانيا
وضعت الفتاه الصغيره يدها على فمها في صدمه وبرقت عيناها ف قال هشام بسخريه : ايواا نورت المحكمه يا بيه هتستهبلي بقى على أساس أبوكي يا بنت الايطاليين مبيشربش زفت على دماغكم
أشارت الفتاه الصغيره بيدها على شكل أمواج بحر متحركه ثم أشارت الى نفسها في غضب
قال هشام : أه ممثله هايله وبرضو مفهمتش حاجه
وقفت هيلين أمام الفتاه وأشارت بيدها أمواج البحر ف وافقت الفتاه ف التفتت هيلين وهي تقول : معنى اللي بتعمله بايديها دا حركة أمواج البحر
هشام وهو يصفق : وااو العرض المسرحي دا هيخلص امتى عشان أخد الكاس بتاعي وأخرج ؟
هيلين بإبتسامه : البنت تقريبا ليها أصول مصريه تقصد نهر النيل يعني
هشام بسخريه : وايه جابها إيطاليه
هيلين : يمكن أبوها إيطالي او أمها إيطاليه والاب مصري
هشام : ميهمنيش ، عايز الكاس
وضعت له هيلين في كأسه القليل من الشمبانيا ف أخذ كأسه وخرج ثم عاد وهو يقول : أنا خارج وهتأخر نامي انتي
هيلين : ربنا يعينك يا أبني
♡ في الحديقه ♡
خرجت بيرلا وهي تتجول في الحديقه وبدأت تدندن بكلمات أغنيه ثم جلست على نافورة الحديقه ونظرت إلى السماء ، وفجأه وجدت من يضع عليها جاكيت ف نظرت خلفها وجدت فؤاد ف قال : هتبردي يا أنسه بيرلا غلط عليكي التواجد برا البيت في الوقت دا
التفت ليذهب الى غرفته ف أمسكت بيرلا يده وقالت : إنت زعلان مني صح
فؤاد : ماعاش اللي يزعل منك يا انسه بيرلا
بيرلا : لاني كنت سخيفه مع البنت على العشاء
فؤاد بإبتسامه : ما حضرتك لو بعد الشر حطيتي نفسك مكانها كان مستحيل تجرحيها كدا ، تصبحي على خير
بيرلا : تلاقي الخير
ثم تنهدت ونظرت الى السماء
♡ في غرفة هيلين ♡
دخلت الغرفه برفقة الفتاه الصغيره ف قالت لها هيلين في ود : متزعليش يا حلوه من طنط بيرلا وأونكل هشام دول طيبين بس بيحبوا يهزروا معاكي
الفتاه أومأت برأسها وهي تبتسم فيما معناه أنها بخير وليست حزينه
هيلين : بصي بقى هتنامي جمبي بس استني أجبلك الشال الرمادي بتاعي يدفيكي
أحضرت لها الشال وضفرت لها شعرها الاشقر الطويل ولكن فجأه قامت الفتاه وأشارت إلى دب بني اللون على الرف ف قالت هيلين وهي تضحك : هههههه دا بندق عجبك ؟ خديه يا حبيبتي العبي بيه
أخذت الفتاه الصغيره الدب واحتضنته وجلست بجوار هيلين على الفراش ف قالت هيلين : هو لو اديتك ورقه ومذكره هتعرفي تكتبي اسمك ؟ ممكن ؟ ولا مش فكراه
مدت الفتاه الصغيره يدها لهيلين ف أعطتها هيلين المذكره ف كتبت شيء واعطتها لهيلين مره أخرى ، ف أمسكت هيلين المذكره تقرأ ماذا كتبت الفتاه ف قالت هيلين : جا   .. جان .. جانيت  ؟ اسمك جانيت !
أومأت الفتاه برأسها ف قالت هيلين : اسمك جميل اوي يلا نامي بقى عشان نصحى بدري
وأغلقت هيلين ضوء المصباح ليناموا وسرعان ما غطت هيلين في نوم عميق إثر الإرهاق وجائت جانيت لتغلق عينيها لكنها سمعت صوت مفاتيح البوابه ف نظرت من النافذه وجدت هشام يخرج ف لبست حذائها ونزلت على الدرج ثم ركضت في الحديقه حتى وصلت إلى البوابه وجدت هشام يسير في الشارع ف سارت وراؤه حتى وصل إلى سرداب في عماره قديمه ونزل الدرج بينما وقفت هي في الخارج ممسكه بالدب اللعبه ، وجدت هشام يصافح بعض الرجال ثم يرقص معهم على ألحان قديمه ، كانت تراقبه من نافذة السرداب الزجاجيه وهي تضحك وسعيده كإنها تجلس في الصف الاول لحضور حفله راقصه ، وفجأه سمعت إطلاق نار في الهواء ف ارتعشت وهي تنظر وراؤها ولم تجد احد ، كانت في قمة خوفها وفجأه وجدت من يكمم فمها ويحملها ، كانت لا تستطيع الصراخ او الاستنجاد بأحد حتى توقف الذي حملها ووضعها على الحائط ، نظرت داخل عيناه وقلبها ينبض سرييعا ف أزال هشام الغطاء الاسود عن وجهه ثم أخرج مطواه صغيره وضعها على رقبة جانيت وهو يقول : حمامه في موسم الصيد ، ايه اللي جابك ورايا ؟
رأيكم ؟ ❤❤ واكمل ولا لا ؟
#ملاكي_الحارس1
#روزان_مصطفى