♤ ملاكي الحارس ♤ ( مكتملة )

part 18

ملاكي الحارس 🎻🕊  part 18
" أغدًا ألقاك؟ يا لهفَ فؤادي من غدي.💕"
♡  صباح اليوم التالي مطار واشنطن الدولي ♡
كان هشام يقف أمام مسؤول الباسبور بالمطار ووراؤه فؤاد وبيرلا ونجلاء
نجلاء بهمس : شابو يا بيرلا
بيرلا من خلف نظارتها السوداء : على ؟
نجلاء : خليتي هشام ينزل البندقيه تاني ونفذتي اللي ف راسك
بيرلا ببرود : اووه انتي شكلك متعرفنيش ، كل حاجه عندي ليها مفتاح وحل ، يعني مثلا لو قولت لهشام متتجوزش خالص صدقيني هعملها
نجلاء بضحك : انتي لطيفه جدآ
بيرلا بإبتسامه مزيفه : وانتي نظرتي الأولى ليكي طلعت صح
إقترب دور بيرلا لموظف المطار ف قال لها : your passport please
أخرجت بيرلا الباسبور الخاص بها ثم جلست مع فؤاد وهشام ونجلاء في قاعة إنتظار بوابة الطياره
هشام وهو يخلع نظارته : إجراءات المطار سخيفه جدا وبتتعب
فؤاد : محتاج أناام وأنام
بيرلا : المهم انكم أخيرآ هتنوروا البندقيه
هشام : انتي لويتي دراعي يا بيرلا ومش هحاسبك على دا حاليآ
بيرلا بسخريه : ليه بتسميها كدا دا حتى خطيبتك تاخد فكره عن مسقط رأسك الأصلي
نجلاء : كان ممكن تتعوض في فرصه تانيه مش كن فيكون
بيرلا : صدقيني مجيتك معانا على عيني أساسا
هشام وهو يقترب منهم وبصوت منخفض : أنا عايز أفهم إيه أخرة لعب العيال دا ؟ هتناكشوا بعض كتير
بيرلا بصراحه : أصلها أوفر أوي يعني محسساني طول حياتها عايشه في واشنطن
نجلاء بسخافه : أنا أصلا أتولدت في فنزويلا بس بابي شغله كله في واشنطن
فؤاد بملل من حديثهم : هقوم أجيب كوفي شكلهم مطولين
نجلاء : خدني معاك
بيرلا وهي تنظر لفؤاد : تاخدها معاك فين !
فؤاد : هنجيب قهوه ونيجي
ذهبت نجلاء معه ف أرجعت بيرلا رأسها إلى الوراء ف قال هشام : أخبار الأوضاع إيه في البندقيه
بيرلا بدون أن تنظر إليه : هتروح تشوف بنفسك
هشام : إيه لسانك هيتشل لو جاوبتيني ؟
بيرلا وهي تخلع نظارتها : هووف زي ماهو يا هشام
هشام بصوت متردد : اءاا جانيت بقت في سنه كام دلوقتي
ضحكت بيرلا بصوت عال ف قال هشام : وطي صوتك يا زفته مقولتش نكته أنا
بيرلا : سوري معلش انت ضايع خالص يابني
إقترب فؤاد مع نجلاء وأعطى كلا منهم كوب القهوه الخاص به ف قالت بيرلا : يوووه مبحبش اللاتيه انا عايزه وايت موكا
هشام : بيرلا إحنا بنشرب حاجه دافيه تشيل التوتر اشربي دا دلوقتي ولما نوصل هجيبلك
فؤاد وهو ينظر إلى بيرلا : أصل طالما أنا اللي جبتها يبقى مبتعجبش
بيرلا وهي تنظر إليه بنصف عين : مالك يا فؤش هما حريم واشنطن مأثرين عليك وخايف ع فراقهم
فؤاد : مش هتستوعبي يا بيرلا اني مبحبش الحريم أساسا إزاي يمكن زمان كنت بحبهم بس دلوقتي لا 😉
نظرت بيرلا أمامها وقد أثرت كلماته بها سمع هشام نداء الرحله الخاصه بهم  ف قال : يلا هاتوا الشنط هنتحرك
سحب كلا منهم الحقيبه الخاصه به واتجهوا ناحية باب الطياره وما إن صعدوا حتى دلتهم المضيفه إلى أماكنهم ف وجدت بيرلا أن هشام سيجلس بجانب نجلاء وهي ستجلس بجانب فؤاد ف قالت لفؤاد وهو يضع الحقائب فوق : عايزه اقعد جمب أخويا أنا
فؤاد بنصف عين : ششش هتقعدي جمبي انا مش مالي عينك ولا ايه ! بعدين اخوكي هيقعد مع خطيبته ولا عايزه تكوني عزول !
جلست بيرلا وهي تتأفف وجلس هو بجانب النافذه ف قالت بيرلا : ممكن سؤال يا فؤاد
فؤاد : ها
بيرلا : مكناش بنوحشكم أبدا ؟
إقترب فؤاد منها بدرجه كبيره : مفيش يوم عدى يا بيرلا مكنتش بتخيل شكلك بقى عامل ازاي كنتي بتكبري في خيالي
خجلت بيرلا ف تثائبت وقالت : هنام شويه
نامت بيرلا ومع الوقت تمايل رأسها حتى غفا على صدر فؤاد
ف احتضنها ونام هو الاخر ..
♡ بعد مرور ثلاث ساعات ♡
نداء الطياره : حضرات الساده الركاب نرجو منكم الالتزام بمقاعدكم لإن الطائره ستهبط الأن
تجهز الركاب وأخذوا حقائبهم ووصلوا مطار البندقيه
♡ بعد مرور ساعتين في منزل السيد جمال ♡
كانت هيلين تستمع إلى راديو المدينه وهي تخيط جوارب الشتاء وتقول : كل يوم نفس الخبر سقوط أمطار غزيره مع إنخفاض في درجة الحراره .. عضمي تعبني
وبينما هي تخيط قالت : جانيت إتأخرت أوي عشان أول يوم ليها في المتجر ربنا يسعدها ويرزقها
ثم سمعت جرس الباب يرن ف قالت : أهي جت الحمد لله كويس اني جهزت العشاء
قامت هيلين وفتحت الباب وجدت هشام أمامها ، فتحت فمها واتسعت عيناها وهي ترتعش وقالت : معقول !
هشام بإبتسامه ساحره : وحشتيني يا هيلين ..
♡ في متجر الحلوى ♡
كانت جانيت تقف في الغرفه الصغيره بالداخل تخلط البيض بالفانيليا وتستمع إلى طلبات الزبائن بسعاده وأرائهم في الحلوى الخاصه بها دخل جيمي الى مطبخها الصغير في المتجر وهو يمسك بقطعه من الكاب كيك وهو يقول : انتي متحطيش سكر خااالص فاهمه !
ارتعبت جانيت ونظرت له بصدمه ف قال : عشان ايدك بتنزل سكر يا بنتت انتي مبيعااتك فووق وبقيتي معاكي فلوس
ابتسمت جانيت وهي تضع يدها على فمها ف قال جيمي : عشان قلبك أبيض وطيبه وبتعملي الحاجه بحب وضمير انا فرحان بيكي جدا
أشارت جانيت إلى كتفيها ف قال جيمي : عارف دا إرهاق الشغل خلاص إعملي أخر كيكه دي وارتاحي
أكملت جانيت عملها وجلس جيمي يكمل الحلوى الخاصه به
♡ في منزل السيد جمال ♡
هيلين : ياااه يابني عشر سنين غايبين !
هشام : بنينا شركات وفلوس هناك
هيلين بابتسامه : بس كنت بدعي ترجعوا وربنا اهو أستجاب
ثم نظرت إلى نجلاء وقالت : مين دي شريكتكم في الشغل ؟
نظرت نجلاء إلى الارض بخجل ف قال هشام : شريكتي انا بس ومش في الشغل
ضيقت هيلين عيناها ف أضاف هشام : شريكتي في الحياه ، أعرفك بخطيبتي نجلاء السلحدار
اتسعت عينا هيلين وقالت : اييه !
رأيكم يا حلوين في البارت ال ١٨ ؟ وفي رواية ملاكي الحارس ؟ ،💕🎻🕊