♤ ملاكي الحارس ♤ ( مكتملة )

الفصل الخامس عشر

ملاكي الحارس 🎻🕊  part 15
"حيِّن قَطعتُ حَبلِ الوصلِ بيِّننا، صِرتُّ تَائِهًا، أنزُّف. "
♡ أمريكا العاصمه واشنطن ♡
منزل كبير وتحديدا في حمام السباحه في الأسفل
كان فؤاد يجلس صباحآ على الشيزلونج المخصص لحمامات السباحه ويتحدث في الهاتف : وهو مش عايز يشوفك الموضوع غصب يعني ؟
المتحدث وهي فتاه : طب بلاش يشوفني انا عايزه اكلمه فون
فؤاد : انا قولت اللي عندي وياريت متتصليش تاني انتي كنتي موديل اعلان الشركه وانتهى !
ثم أغلق فؤاد هاتفه وارتدى نظارته الشمسيه وخلع قميصه ثم رجع الى الوراء وهو يقول : غرق دا ولا ايه !
يا هشااام !!!
خرج من حمام السباحه هشام وشعره قد طال وذقنه نبتت قليلا أما عن جسده ف قد كان اهتم به كثيرآ خلال السنوات الماضيه وظهرت له عضلات في جسده
انتثرت المياه من حوله وانسدل شعره على وجهه وخرج اقترب من الشيزلونج وامسك بالمنشفه وجفف نفسه وجلس
فؤاد : اليوم انهارده صيفي جدا مع ان امبارح كانت بتمطر
هشام بصوته المبحوح : مين كان ع الفون
فؤاد ببرود : كبر دماغك
هشام بنفس الصوت المبحوح : مين كان ع الفون
فؤاد : ميجان .. ارتحت !
هشام : لو اتصلت تاني اديهالي اادبها
فؤاد : انا قومت بالواجب
هشام وهو يمسك بهاتفه ويطلب رقم قال فؤاد : هتكلم مين بقى عايزين نريح دماغنا من الشغل انهارده .
هشام وهو يضع الهاتف على اذنه : هطلب غدا مش جعان ؟
فؤاد : بلاش أسماك عشان عندي برد من امبارح عشان كدا منزلتش معاك الحمام بتاع السباحه
هشام وهو يتحدث بالهاتف : اتنين ستيك مشوي مع بطاطس بيوريه وسلطه ومتحطش اي نوع فلفل في السلطه اظن الكلام واضح ! وياريت بسرعه ..
ثم أغلق هاتفه وتمدد فيما قال فؤاد : مش عارف ايه سر كرهك للفلفل
هشام بصوته المبحوح من دون ان ينظر الى فؤاد : مبحبش المظاهر الخداعه
فؤاد : لا يا راجل !
هشام : انا بتكلم جد .. يعني الفلفل لونه لامع وقوامه مشدود وشكله حلو لكن طعمه مؤذي جدا وبيغطي ع طعم الاكل
فؤاد : أمال بتحب ايه ؟
هشام وهو يتذوق شفتيه : الطماطم .. حلوه طعم وشكل حمرا من برا وطعمها بيدي نكهه حلوه ف اي اكله
فؤاد وهو يضحك : عاملين فلاسفه ع الاكل
هشام ضحك ف قال : هو شكله جه أساسآ يلا ناكل
قام فؤاد مع هشام وجلسوا على الطاوله يخرجون الأكل من الأكياس ف قال فؤاد : والله فيه الخير جاب جريدة انهارده
هشام وهو يبحث في السلطه عن الفلفل بينما اتسعت عينا فؤاد وقال : الحق !!
هشام بدون ان ينظر اليه : ايه ؟
فؤاد وهو يعطي الجريده لهشام : بص الخبر دا !
إلتقط هشام الجريده منه ويقرأ ثم قال : ايه داا
فؤاد : متخيل بعد عشر سنين المافيا يتصفوا كدا !
هشام : تقصد ايه
فؤاد بابتسامه عريضه : نرجع البندقيه طبعا نرجع ايطالياا
هشام : مبقاش لينا حاجه هناك
فؤاد : ازاي يعني ! وبي ..
لم يكمل ف قاطعه هشام : صدقني هما في احسن حال من غيرنا واحنا كل مشاغلنا هنا .. شركتي وفلوس و .. خطيبتي !
أكمل فؤاد طعامه وهو ينظر اليه
♡ في مدينة البندقيه - منزل السيد جمال ♡
كانت جانيت تقف في حديقة المنزل التي إمتلأت بالأزهار والورود التي زرعتها جانيت خلال العشر أعوام الماضيه ، كانت تسقيهم وتهتم بهم يوميآ حتى نمو وأعطوا الحديقه مظهر خلاب وجدت جيمي يدخل من باب الحديقه ف ابتسمت ابتسامه واسعه ف خلع جيمي قبعته وهو يقول : بونجور اودوموازيل ، جايبلك معايا ناس مهمه عايزه تقابلك
جانيت وهي تشير كأنها تسأل : مين ؟
جيمي فهم اشاراتها ف قال : لما تقعدي معاهم هتعرفي ، اتفضل
دخل رجل خمسيني العمر وهو يقول : أنسه جانيت حابب أتكلم مع حضرتك ومش هعطلك
أومأت جانيت برأسها ف دخلوا ثلاثتهم الى داخل
♡ في صالة الضيوف ♡
جلست هيلين وجانيت وجيمي والرجل فيما قالت هيلين : انا مش فاهمه حاجه خالص !
الرجل : ايه اللي حضرتك مش فهماه ؟
هيلين : محل ايه ومين دول اللي يعملوا كدا لجانيت
الرجل : ما انا قولت لحضرتك المحل دا ورث عمتها المتوفيه هي الوحيده اللي كانت عايشه من اهلها وهي اللي مرضيتش تربي جانيت بس قبل ما تموت حست ان فلوسها هتروح هدر لان جوزها متوفي وملهاش اقرباء ولا أولاد ف انا دورت على بطاقات السجل المدني لجانيت في البندقيه وقدرت أوصلها هنا من البائعين وكلهم دلوني عليها ، المحل دا ورثها ولازم تستلمه دا حقها
هيلين : حسبي الله .. يلا الله يرحمها ويسامحها رمت البنت لحمه حمرا وعشان تريح ضميرها كتبتلها المحل
تجاهل الرجل هيلين تماما ثم نظر الى جانيت التي كانت متوتره كثيرآ : ها يا أنسه جانيت هتمضي بموافقتك على إستلام ميراثك ولا لا عشان مفيش وقت
نظرت جانيت الى هيلين وجيمي ف قال جيمي : لو حابه رأيي امضي دا حقك وهيعوضك عن كل حاجه
هيلين بتشجيع : امضي يا بنتي وخدي حقك رفضك مش هيغير حاجه
أمسكت جانيت بالقلم وكتبت اسمها ومضت ف قال الرجل : مبروك عليكي أكبر متجر حلوى في البندقيه
ابتسمت جانيت في سعاده كبيره ف قال جيمي : مبروك على البندقيه أحلى كعكة كرز من ايد الملاك
ركضت جانيت واحتضنت هيلين بقوه ف قالت هيلين : ربنا يسعدك ويعوضك يا بنتي
♡ في غرفة بيرلا ♡
كانت تجلس أمام المرأه وتمشط شعرها فيما رن هاتفها ف ردت وهي تقول : الو
المتصل : أنسه بيرلا ؟
بيرلا : ايوه انا مين معايا ؟
المتصل : من شركة ... والد الاستاذ فؤاد اللي حضرتك كل يوم بتسألي عنه
اعتدلت بيرلا في جلستها وقالت : ايووه في أي أخبار ؟
المتصل : متواجد حاليا في امريكا العاصمه واشنطن
بيرلا بغباء : واشنطن ! طب وهشام اخويا !!
المتصل : معاه يافندم صاحب أكبر شركة إنتاج إعلانات هناك
بيرلا : معاك عنوان الشركه أو إسمها ؟
المتصل : العنوان *****
♡ واشنطن العاصمه في منزل هشام ♡
كان فؤاد يجلس برفقة نجلاء ويقول : والله نازل دلوقتي تلاقيه بس خد شاور
نجلاء : بتقول ايه يا فؤاد ! من ساعة ما اتخطبنا وهو كل مره يتأخر في تغيير هدومه حساه مجبور على الخروج معايا
فؤاد : هشام مستحيل حد يجبره على حاجه يا نجلاء هو بيحبك عشان كدا خطبك وعملك أكبر حفلة خطوبه في واشنطن اهدي كدا اهو نزل اهو
كان هشام يضع مسدسه بجانبه وهو يقول : بقالي ساعه بكح فوق شكلي انا السيره اللي على لسانكم
لفت نجلاء وجهها الجهه الأخرى في صمت ف اقترب هشام منها وقبل رأسها وقال : وحشتيني يا حبيبتي
نجلاء : ساعه بتلبس !
هشام بغضب : ما قولت وحشتينني مش قصه هي ! ( جوزائي 😂)
نجلاء : وانت كمان يا هشام غلطان وبتتعصب عليا
احمر وجه هشام وجاء ليرد ف وضع فؤاد يده على فم هشام وهو يقول : باااااس استهدوا بالله كدا ويلا نخرج مش كل يوم الحوار بتاع الخناق دا
هشام وهو يكمل لبس سترته : هوووف بقت حاجه تخنق
وسبقهم الى الخارج فيما قالت نجلاء وهي تضرب الارض بقدمها : شااايف شايف بيعمل ايه وبيقول ايه !
فؤاد : عديها بقى يا نوجا دي ذكرى مرور سنه على خطوبتكم
نجلاء : اديك قولتها سنه مخطوبين سنه مش عايز يتجوزني مع ان المنزل مفروش وهو معاه ملايين يعني جاهز ايه معطله يعني ومتقولش الشغل
فؤاد : خطوة الجواز دي محتاجه صبر اهدي بس وكل حاجه هتتحل انهارده باذن الله
نجلاء : ياريت عشان انا تعبت
سمعوا صوت بوق السياره من الخارج ف قال فؤاد : يلا لاحسن هشام على أخره
♡ في البندقيه أمام متجر الحلوى ♡
وقفت جانيت والهواء يحرك خصلات شعرها وبجانبها جيمي وهو يقول : واااو بجد عمتك دي كانت شيك وراقيه
لوت جانيت فمها في حزن ف قال : اووه انا أسف يا صغيرتي انتي نميتي وكبرتي في بيت جمال باشا متحزنيش
ابتسمت له جانيت وهي تنظر الى المتجر ف قال جيمي بحماس : ايه هتسميه ايه
كان الزجاج عليه ضباب ف رسمت جانيت بإصبعها إسم المتجر ( H&J FOR SWEETS ) ..
رأيكم يا حلوين في البارت ١٥ ؟ ويا ترى أكمل ملاكي الحارس ولا لا ؟