♤ ملاكي الحارس ♤ ( مكتملة )

part 32

ملاكي الحارس 🎻🕊 part 32
" لا سلطة لنا على قلوبنا هي تنبض لمن
أرادت ومتى أرادت وكيف  ما أرادت
بعضهم   ينبض  القلب  له   وبعضهم
ينبض القلب به  وبعضهم  هم  نبضه...💙"
♡ في مدينة البندقيه ♡
عاد هشام برفقة جانيت إلى البندقيه وأول ما فعلوه أنهم دخلوا المنزل
هشام : يا الله ..
جانيت : ايه يا بابا
هشام : نسيت انهم هربوا ، أوصلهم إزاي دلوقتي
جانيت : جرب تكلم فؤاد
هشام : أه صح
إقترب هشام من المنضده وإلتقط هاتف وقام بضغط رقم فؤاد
♡ في فندق في مدينة البندقيه ♡
كان فؤاد نائمآ وجد هاتفه يرن التقطه ونظر إلى الرقم بنصف عين ثم رد وقال : ألو
هشام : انتوا فين يابني
انتفض فؤاد وقال : هشام !!
هشام : انا وجانيت في بيت البندقيه
فؤاد : احنا بعيد اوي عنكم
هشام : بعيد ازاي
فؤاد : احنا ف فندق هنا في البندقيه
هشام : طب مروحتوش البيت على طول ليه !
فؤاد : اهدى بس ، قولنا لحد ما الدنيا تبقى كويسه
هشام : طب تعالوا حالا
ثم أغلق الهاتف ونظر الى جانيت التي قالت : هما كويسين ؟
هشام : أه بخير متقلقيش
جانيت : طب انا هدخل أحضرلهم عشا وأظبط البيت
التفتت لتذهب ولكن هشام أمسك يدها وقربها منه وقال : انتي لسه جايه من سفر وتعبانه تروحي فين بس
جانيت وهي تنظر اليه : صدقني انا كويسه هيلين صحتها مبقتش اوي عشان تقف وتعملنا حاجه
هشام : انتي ملاك ف كل حاجه حتى قلبك ابيض
جانيت وهي تنظر الى عيناه : خايفه اوي من نجلاء
هشام : متخافيش من حاجه وانا معاكي
جانيت : هتأذيني
هشام : محدش هيلمس شعره منك طول ما انا جمبك
احتضنته جانيت ف تبادل معها العناق ف ابتعدت قليلا ثم قالت : هروح أنا أحضر كل حاجه
ثم ذهبت وجلس هشام يدخن سيجاره ويفكر
♡ بعد مرور ساعتين ♡
كانت رائحة الطعام انتشرت في المنزل وأمسكت جانيت بالممسحه تكمل التنظيف ف قال هشام : كفايه يا حبيبي وتعالي اقعدي ، بتتعبي نفسك جامد
جانيت : عيزاهم ييجوا يلاقوا كل حاجه جاهزه
أطفأ هشام سيجاره الرابع وقام واقترب من جانيت وقبلها ثم أمسك خصلات شعرها وهي ينظر إلى عيناها ويقول : بالليل هاخدك مشوار مش عايزك تجهدي نفسك عشان كدا
جانيت : هنروح فين ؟
هشام : مشوار هيعجبك واللعنه ع اي حاجه تانيه
جانيت وهي تبتسم : تفتكر رد فعلهم ايه لو قولنا
هشام : هما بيحبوكي وبيحبوني اكيد هيفرحوا
جانيت وهي تعض شفتيها : اقصد نجلاء
هشام : انا معاكي ، انا مش هشيل ذنب غلطها انا من حقي اعيش مع البنت اللي حبيتها
اقترب هشام منها وكان يريد ان يقبلها ولكن دخل فؤاد وبيرلا وهيلين فجأه
بيرلا وهي تركض على جانيت وتحتضنها : وحشتيييينيييي
عانقتها جانيت وهي تبتسم وتقول : وانتي وحشتيني اكتر
صعقت بيرلا ، حتى أن عيناها اتسعتا وقلبها نبض بعنف ، ابتعدت عن جانيت وهي تنظر لها وتقول : ايه دا ! هو انا سمعت حاجه ولا بتخيل !
كانت هيلين وفؤاد لا يقلون صدمه عن بيرلا ف قالت جانيت : رجعلي صوتي .. وأول حد عرف هشام
هيلين : يا حبيبتي يا بنتي حمد الله على سلامتك اخيراا
بيرلا : الله شامه ريحة اكل
هشام : جانيت أصرت تنظف البيت وتعمل أكل عشان مترهقش هيلين
هيلين : طول عمرها طيبه وقلبها أبيض
هشام بفضول : أمال فين نجلاء ونشوى؟
فؤاد : اممم تعالى نقعد عشان في حجات محتاجه شرح
هشام : قلقتني يعم في ايه
فؤاد : تعالى بس
دخلوا الفتيات الثلاثه الى المطبخ وجلس فؤاد وهشام فيما قال هشام بتوتر : قلقتني في ايه
فؤاد : فسخت خطوبتي بنشوى
هشام : نعممم يخويا ؟ لييه عملت كدا مش عارف ابوها مم
فؤاد وهو يقاطعه : مبحبهااش يا هشاام بحب واحده تانيه مقدرش اعمل كدا ف نفسي ولا فيها
هشام : طب اهدى اهدى ، ونجلاء فين
فؤاد : أبوها عرف إنها حامل وبيدور عليها عشان يقتلها
هشام : ايه !
فؤاد : أه والله وسابت الدبله بتاعتك في الفندق
هشام براحه نفسييه : هووووف مش متخيل ريحتني أد إيه
فؤاد : يعني انت مش زعلان ؟
هشام : وهزعل ليه ما تغور أصل انا كمان بحب واحده
فؤاد بإبتسامه : جانيت ؟
هشام : ايه عرفت منين
فؤاد : باين أوي أول ما دخلنا يعني إبتسامات على ملاطفات وهي مكسوفه هههههه
هشام : طب بس بس ، وانت بقى هتعرفنا امتى على البنت لللي بتحبها
فؤاد : ما هو دا الموضوع التاني اللي عايزك فيه
هشام : مش فاهم ؟
فؤاد : أنا عايز أتجوز بيرلا
هشام : إيه !!
♡ في محل الخياطه الشهير ♡
جيمي وهو يحذف المقص : أنا خلصتتت
مارال وهي تصفق بيدها : أخيرآ مفيش سهر وخيوط تاني
جيمي وهو ينظر للفستان : مش قادر أصدق إن أنا اللي عملت التحفه الفنيه دي
مارال : يابني انت موهو وطالما مارال قالتلك كدا يبقى لازم تصدق
جيمي : ننن ينني بس يا ماما ، هروح ارتاح ف الكافيه شويه وأشرب قهوه ، تيجي معايا ؟
مارال : يعني هبقى في الهم مدعيه وفي الفرح منسيه ! طبعا هاجي دا انا اتبهدلت معاك
جيمي وهو يرتدي قبعته ويمسك بيد مارال ليخرجوا إلى ناصية الشارع في الليل : عمرك ما هتطوري يا بنت طول ما الأمثال الشعبيه في بوقك نفس اللبان ، إحنا في البندقيه مدينة السلام والجمال استمتعي !
أمسكت مارال بيده بقوه وهي تقول : بررد بس انا فعلا مستمتعه
ابتسم لها جيمي وأكملوا طريقهم الى الكافيه
♡ في غرفة العشاء ♡
هشام : هو بصراحه انا اتصدمت في الاول بعدين فكرت إن طالما إنتوا الاتنين موافقين يبقى ليه لا ؟
بيرلا بخجل : ربنا يخليك لينا يا هشام
هيلين بسعاده : إحنا في الأول والأخر ملناش غير بعض فرحانه أوي إنكم مع بعض يا أولاد
هشام : بعد العشاء هاخد جانيت في مشوار كدا
هيلين : لا أنا بعد العشاء هنام طبعا إحنا تعبنا أوي اليومين اللي فاتوا دول
بيرلا : هنعمل ايه يا فؤاد احنا ؟
فؤاد وهو يأكل : مش عارف ندخل سينما ؟
بيرلا : لا لسه هنحجز وكدا !
فؤاد : هحجزلك ازنلاين تذكرتين لفيلم تكوني خلصتي ولبستي نروح ع ميعاده
بيرلا : حلو موافقه
أمسك هشام بيد جانيت من تحت الطاوله ف انتفضت ثم رفعها أمامهم وقبلها ف احمرت وجنتاها
♡ بعد ساعه ♡
كان هشام يفتح باب السياره لجانيت وهو يضع قماشه سوداء على عيناها وهي تقول : شيل بقى القماشه دي خايفه اقع
هشام بهمس : غصب عني أحط ع العيون الحلوه دي حاجه تغطيها بس دي مفاجأه يا حبيبي
أمسك بيدها وأدخلها مكان ثم فجأه رفع القماشه عن عيناها ف كان الضوء شديد جدا ولكنها انتظرت قليلآ حتى بدأت تستوضح معالم المكان
نظرت إلى تلك الحلى والسلاسل والأسيالات ثم نظرت إلى هشام الذي كان يقف بجانبها مبتسما ويقول : إختاري شبكتك يا عروسه
وضعت يدها على فمها وهي تشهق ثم عانقت بقوه مره واحده وهو يبتسم ..
رأيكم يا ملائكيين وتوقعاتكم .. 🎻🕊