♤ ملاكي الحارس ♤ ( مكتملة )

part 31

ملاكي الحارس 🎻🕊  part 31
" ياجليس قلبي رويدا فقد فااق حبك كل الازماانن") 🖤
♡ في حديقة الفندق ♡
وقفت نشوى بغضب تنظر إلى فؤاد الذي كان يقبل بيرلا قبل قليل ف قالت : انت عارف معنى اللي انت عملته دا ايه ؟
بيرلا ببرود : يا ترى معناه ايه ؟
نشوى : لا دا معناه انه بيهد كل حاجه بين ابويا وبينه هو وهشام
فؤاد : نشوى متخلطيش دا ب دا
نشوى : لا يا راجل ؟
أمسكت بيرلا بيد فؤاد وخلعت من اصبعه خاتم خطبة نشوى ثم حذفته أرضآ وقالت : تعرفيه منين ومن امتى عشان يحبك ويخطبك ؟؟ حبتيه بأنهي طريقه عشان تستحقي تكوني مراته !
فؤاد : بيرلا !
نشوى بغضب : انتي اد اللي عملتيه ؟ رميتي خاتم خطوبتي ع الارض من غير اذنه !
بيرلا وهي تلتفت لفؤاد : اعمل حاجه مره واحده بس تثبتلي انك بتحبني انا حاجه واحده بس بليز
نظر فؤاد الى وجهها المبلل بالدموع وعيناها المغمضتين بقوه خوفآ من أن يخذلها ثم نظر الى نشوى التي كتفت يديها ووقفت تنظر لهم بحقد وغضب ف رفع وجهه بيرلا وقبلها ف ارتخت ملامح وجهها وعانقته فيما قالت نشوى : برافو يا فؤاد اهنيك على غبائك لاني بمجرد ما اخد نجلاء من هنا ونروح لبابا هتبقى اسطورة منزل البندقيه انتهت للابد ..
ثم التفتت ودخلت الى الفندق فيما نظر فؤاد لبيرلا وقال : اعمل فيكي ايه
بيرلا : نخرج من هنا
فؤاد : لازم اوصل لهشام يا بيرلا
بيرلا : جرب تتصل يمكن يرد
فؤاد : طب يلا ندخل الفندق لان الجو ابتدى يبرد
أمسكت بيرلا بيده وهي مبتسمه ، واخيرا وبعد عشر سنوات تحقق حلم انتظارها ..
♡ في المنزل المتطرف ♡
كانت جانيت تكنس الارضيه من الخشب المبعثر ف قال هشام : مفيش لي شبكه تخليني اتصل اطمنهم
جانيت بخفوت : ت تطمنن خطيبتك ؟
هشام : ما انا فهمتك يا جانيت
التفتت له جانيت وهي ترمي المكنسه ارضا : فهمتني ايه ! الدبله لسه ف ايدك
نظر هشام الى عيناها وهو يتعمق داخلهم ثم بهدوء خلع الخاتم ورماه وسط المفأه للنار تأكله ف اتسعت عينا جانيت ف قال هشام وهو يشدها ويقربها منه : فيكي حاجه مبتخلنيش اعرف اقولك لا ، حاجه بتخليني دايما ضعيف قصاد عيونك
جانيت برقه : قريت مذكراتي؟
هشام : احكيلي عن اللي فيها بصوتك
جانيت : اني استنيتك عشر سنين وفضلت احبك فيهم
هشام وهو يستنشق رائحة شعرها : وايه كمان
جانيت : واني طلعت عنك لقب
هشام : لقب؟
جانيت : اه لقب .. كنت دايما بتخيل انك حواليا في كل مكان واما اجي اعمل اي حاجه غلط اتخيل صورتك ف معملهاش ف سميتك ملاكي الحارس
هشام وهو يقربها منه اكثر : دا انتي اللي ملاكي بلون عيونك وجمالهم وبحصلات شعرك اللي بتعميني عن غيرهم وببياض بشرتك اللي بيسرق القلب وبريحتك ❤ بكل تفاصيلك عارفه الملائكه المتساقطه من السماء ؟
جانيت بابتسامه : سمعت عنهم
هشام : انتي واحده منهم بس وقعتي من صغرك ف بيتي انا عشان احبك وتكوني ليا وبس
جانيت وهي تحتضنه  : هتسبني تاني ؟
هشام : مش هعرف حتى لو فكرت ..
جانيت : هنرجع البندقيه؟
هشام : عاوزه ترجعي؟
جانيت : نرجع !
هشام : انا ورايا مشاوير كتير اوي لسه يا جانيت
جانيت بابتسامه : نخلصهم ونرجع مع بعض
هشام : هتتعبي
جانيت : انا لو رجعت لوحدي فعلا هتعب
حملها هشام وقال : وانا لو وقفتي قدامي ثانيه كمان هنهار
ضحكت جانيت وقالت : خدني معاك مشوارك
هشام : مش هسيبك اساسا
♡ في شكرة والد نشوى بواشنطن ♡
والدها : نعم ياختيي بتقولي ايه ؟
نشوى : بابا من فضلك اهدى
والدها : مكنتش متخيل انك غبيه كدا قدمتيه ليها ع طبق من ذهب
نشوى بصوت عال : ما يروحلها ولا يغزر هي يعني الدنيا هتقف عليه !!
والدها : شغلي انااا هيقف عليه !! شغلي اللي قعدت سنين بحاول احافظ عليه دخلوا هما وسطنا وعرفوا عنه كل حاجه مش صح ابدااا اننا نخلق معاهم عداوه
نشوى : وانا ك بنتك مفكرتش فيا لييه
والدها : اخرسي واقعدي اسمعي اللي هقول عليه كويس ، الطارت الاخير اللي ممكن نلعب بيه ضد هشام عشان ميأذيناش هو بيتهم اللي في البندقيه
نشوى : مش فاهمه
والدها : انا هتصرف ، وانتي يا نجلاء مش خايفه وانتي جايه برجلك هنا ؟
نجلاء : انا جايه لحضرتك عشان تكون وسيط بيني وبين بابا
والد نشوى : لا لا مش وقته ابدا مش شايفه المصايب اللي احنا فيها ؟ انا من رأيي تختفيلك كام يوم وبعدين نبقى نشوف الموضوع دا الا صحيح قولتيلي مين ابو الولد ؟
نشوى : واحد من حرس ابوها يا داد
نجلاء : نشوى !
نشوى : ايه مالك ما لازم تعترفي بغلطك
والد نشوى : بس انتوا الاتنين ! روحوا شوفوا حالكم عشان اقدر اتصرف
قامت نشوى برفقة نجلاء وخرجوا واغلقوا الباب خلفهم
♡ في متجر الخياطه الشهير ♡
وقف جيمي وهو يعدل من خصر الفستان ووقفت مارال بجانبه وهي تقول : تحفه اوووي بجد دا احلى من فستاني
جيمي : مفيش فستان احلى من التاني بس في فستان يليف على جمال اللي هتلبسه
ضربته مارال بيده وهي تقول : تقصد ان جانيت جميله اكتر مني
جيمي : في نظر الناس دا حقيقي في نظري انا انتي هتفضلي الاجمل ، ممكن الخيط الازرق من جمبك ؟
مارال وهي تناوله الخيط : اه يااني
جيمي : انا واثق من بعد ما الناس تشوف الفستان دا على جانيت هبقى اكبر مصمم ازياء في العالم مش في البندقيه بس
مارال : ونتجوز ونلف العالم مع بعض
جيمي : هيحصل بس أخش عروض الازياء السنه دي بتصاميمي وانجح
مارال : ولو منجحتش ؟
جيمي : باذن الله هنجح وهنتجوز مفيش مستحيل طول ما انا بعافر
♡ في غرفة الفندق ♡
دخلت بيرلا وفؤاد وجدوا هيلين تجلس على الفراش في صمت
بيرلا : هالوو احنا جينااا
هيلين لم ترد
فؤاد : مالك يا هيلين ؟
هيلين : اللي انا سمعته دا صحيح يا فؤاد ؟
فؤاد : اللي هو ايه بقى ؟
هيلين : نجلاء حامل من هشام ؟
بيرلا : لا طبعا انتي فهمتي غلط هي حامل فعلا بس مش من هشام
لطمت هيلين على وجهها وهي تقول : وازاي هشام يقبل يخطب واحده زي دي
فؤاد : هيلين الموضوع طويل جدا بس المشكله اني فسخت خطوبتي بنشوى واعتقد راحت تكلم ابوها
هيلين : ما تكلمه يعني نعملها ايه
فؤاد : لا لازم نتحرك ونرجع البندقيه قبل ما تحصل اي مصيبه
هيلين : يالهووي مصيبة ايه ؟
فؤاد : هحكيلك كل حاجه بعديني بس بسرعه انتي وبيرلا البسوا وهاتوا شنطكم ع تحت يلا
قامت بيرلا وهيلين بسرعه وهم يتحضرون للذهاب
♡ في المنزل المتطرف ♡

كان هشام نائما وجانيت بجانبه كان ينظر اليها وتنظر اليه الى أن قال : ما سر عيناكي ؟
جانيت : بتحبك زي ما بحبك
هشام : طب شايفه ايه في عينيا ؟
جانيت : شايفه نفسي وبيت البندقيه وجنينة الورد
هشام : تصدقي نسيت اأسأل مين زرع كل الورد دا في الحديقه
جانيت : انا ، كنت كل اما ازرع ورده ادعي انك ترجع لحد ما الحديقه اتملت ، يعني كل ورده اتزرعت كانت بأمنية رجوعك واهي اتحققت
اقترب هشام واحتضنها بقوه وهو يقبل رأسها وقال : انتي هتبقي ملكي انا ، هتبقي حرم هشام جمال وبيت البندقيه دا هيتملي أطفال منك شبهك
احتضنته جانيت بقوه وقالت : حلم حياتي عيله منك انت انت اصلا كل عيلتي 
هشام : يمكن اول مره تسمعيها مني بالنبره دي بس انا عشقتك ..
أغمضت جانيت عيناها عند تلك الكلمه وتوقفت عن التفكير وارتاح قلبها اخيرآ
رأيكم يا ملائكيين في البارت ٣١ ؟ وفي رواية ملاكي الحارس ؟ 🎻🕊