♤ ملاكي الحارس ♤ ( مكتملة )

part 20

ملاكي الحارس 🎻🕊  part 20
"الذي بيننا،مثل وحشٍ جريح،لا يُشفى ولا يموت."
♡ في غرفة هشام ♡
وقفت نجلاء تحتضن هشام وجانيت تنظر لهم في صدمه ف قالت نجلاء : يلا يا بيبي غير هدومك عشان العشاء هستناك تحت ، وإنتي يا حلوه أكيد مش هتفضلي واقفه كدا
خرجت نجلاء ف التفت هشام الى جانيت وقال : يلا عشان تغيري لانك هتبردي لو فضلتي واقفه بالمنشفه كدا
جانيت وهي تنظر إليه كادت أن تقع ف ركض إليها وقال : شوفتي دا اللي عامل حسابه يجيلك برد 
إبتعدت جانيت عن يده وهي تشير إلى باب الغرفه ف قال هشام : أطلع ؟
جانيت بدون أن تنظر إليه أومأت برأسها نعم
ف نظر هشام اليها مطولآ بينما ضمت جسدها بيدها ف أفاق وقال : أسف هخرج حالآ
جاء ليخرج ف سمع صوت ارتطام قوي بالارض إلتفت ليجد جانيت على الارض ف ركض إليها سريعآ وهو يحملها وينادي بعلو صوته : بيرلااااااااااااا
♡ في المطبخ ♡
كانت هيلين تتذوق الطعام ولكن يدها ارتعشت ووقعت الملعقه من يدها وهي تسمع صوت هشام ف قالت : يا حافظ يارب في اييه الليله دي
تركت المطبخ واتجهت إلى الدرج وأمامها بيرلا تركض
♡ في غرفة هشام ♡
دخلت بيرلا وهيلين ونجلاء إلى غرفة هشام ووجدوه يجلس على الارض يحتضن جانيت ف كتفت نجلاء يديها ونظرت بغيره لهم فيما قالت بيرلا : مالهاا جانيت !!
هشام : معرفش وقعت تقريبا جالها برد
نجلاء بسخريه : ما طبعآ لازم يجيلها برد مش واقفه فرحانه بجسمها
قامت بيرلا واقتربت من نجلاء وأمسكت ذراعها وقالت : إسمعيني كويس جانيت دي أختي الصغيره واللي يمسها بكلمه أحطه تحت رجلي فهماني !
نجلاء : سيبي ايدي انتي اتجننتي !
هشام : بسسسس البت هتموت اخلصواا
نظرت نجلاء بغيظ إلى هشام ثم التفتت ونزلت الدرج سريعآ فيما قالت بيرلا : قعدها ع السرير وأنا هلبسها وأجففلها شعرها
حملها هشام ف ارتطم رأسها بصدره ف نبض قلبه وتوقف وهو يحملها وينظر إليها ، إلهي ما هذا الجمال الذي لا يستطيع غير النظر إليه وهل هذا الملاك بالفعل هي صغيرته جانيت ؟
بيراا وهي تقول : ايييه ما تنجز يا هشام
هشام وهو يستفيق : حاضر
وضعها على الفراش ف نزل رأسها وجسدها على الفراش وانتثرت خصلاتها الذهبيه حول وجهها ، كانت بيرلا ستخلع المنشفه ولكنها وجدت هشام يقف وينظر الى جانيت ولا يحرك ساكنآ ف قالت : عييب بقى اخرج خليني أغيرلها
هشام : ااه حااضر
ثم التفت ونزل الدرج
♡ في الصاله ♡
هيلين وهي تقف أمام الباب : مينفعش تخرجي بدون إذن خطيبك
نجلاء : خطيبي ؟ هو كان عملي أي إحترام ودافع عني قاعد حاضنها وسايبني أنا أتهان
هشام بصوت مفزع : إيه اللي بيحصل
إرتعشت نجلاء لكنها لم تلتفت إليه ف قالت هيلين : عايزه تمشي يابني وأنا قولتلها ميصحش من غير إذنك
هشام : شكرآ يا هيلين
هيلين : هروح أجهز العشا
إقترب هشام من نجلاء وقال : مالك ؟
كتفت نجلاء يديها ولم تنظر إليه ف شد يدها بقوه وقال : مش بكلمك ؟
نجلاء : بالرااحه شويه مالك في ايه !
هشام : بقول مالك
نجلاء : يعني يرضيك الاهانه اللي اتعرضتلها فوق !
هشام : تستاهلي عشان قولتي كلمه سخيفه في وقت غلط
نجلاء : دا بدل ما تدافع عني !
هشام : وانتي غلطانه ؟
نجلاء وهي تقترب منه : بس انا خطيبتك وشريكة حياتك
هشام : وعشان كدا عايز منظرك دايما كويس وعايز عيلتي يتقبلوكي ويحبوكي مش العكس
نجلاء : بس هما محبونيش يا بيبي
هشام : جربي تتقربي منهم هيحبوكي صدقيني مفيش أطيب منهم ، استنيني في غرفة العشاء هعمل فون مهم لشركة واشنطن
نجلاء بدلع : اوك يا حبيبي
♡ في غرفة هشام ♡
ألبست بيرلا جانيت ملابسها وجففت شعرها ثم وجدتها مازالت مغشي عليها ف أحضرت عطر وقربته من أنفها
إستفاقت جانيت وفتحت أعينها الزرقاء قليلا وقامت فجأه وهي تشهق وتضع يدها على وجهها وتبكي
بيرلا وهي تحاول إبعاد يد جانيت عن وجهها : لا بصي جانيت ! أنا عارفه انك بتحبي هشام مينفعش تخلي الحقيره اللي تحت تقعد تقهر فيكي صنفها خبيث لو شافتك ضعيفه هتكسرك حيه
مسحت جانيت دموعها ووضعت يدها على قلبها وهي تحاول التنفس ف قالت بيرلا : انتي جميله وطيبه يا عبيطه عشان كدا دايما هتلاقيني جمبك فهماني ؟ يلا أظبطك للعشا هخليكي أجمل منها مع انك كدا فعلا
أومأت جانيت برأسها أن لا ف قالت بيرلا : لا هتنزلي العشاء يا جانيت وهتقعدي تاكلي ومتبينيش حاجه فهماني ! لو فعلا أنا غاليه عندك
قامت بيرلا ومدت يدها لجانيت وقالت : قومي هظبطك
♡ بعد مرور نصف ساعه في غرفة الطعام ♡
نجلاء وهي تمسك بالسكين وتضع أحمر شفاه قالت : إيه الملل دا انا جوعت فين بيرلا
هشام : تلاقيها بس بتمرض جانيت ونازله
هيلين بإبتسامه دافئه : جانيت وبيرلا نزلوا أهو
إلتفتوا جميعهم إلى الباب ف نظر فؤاد لبيرلا التي دخلت أولا ، ترتدي فستان أخضر داكن وفوقه شال ابيض من الفرو وتضع أحمر شفاه قاتم نظرت بيرلا لفؤاد ف وجدته ينظر اليها ف تجاهلته وجلست ثم دخلت وراؤها جانيت وهنا توقف نبض هشام قليلا
كانت ترتدي فستان أبيض مشجر بالورود الزهريه وتضع في جانب شعرها ورده زهريه صغيره ولا تضع أي مساحيق تجميل ولكن وجهها كان ملائكي ورقيق إلى درجه كبيره
جميعهم نظروا اليها حتى فؤاد الذي صفر عندما رأها وقال : ايه دا مين الملاك دا !
بيرلا وهي تنظر لنجلاء التي تقطم أظافرها بأسنانها : ازاي نسيتها يا فؤاد دي جانيت !
فؤاد وهو ينظر بصدمه الى بيرلا ثم نظر الى جانيت وقال : ايه القمر دا !
هشام وهو يخبط بيده على الطاوله جميعهم فزعوا لكنه تمالك أعصابه وقال : يلا نبدأ أكل ، سلامتك يا جانيت
تجاهلته جانيت ولم تنظر اليه ف ظل ينظر إليها وملعقة الطعام بيده وهي تشرب الشوربه الخاصه بها
نظرت لها نجلاء بحقد ف قالت بيرلا لها وهي تأكل : ايه الاكل سخن عليكي يا نوجا ولا ايه
نظرت نجلاء الى هشام الذي غمز لها ف قالت بابتسامه مصطنعه : لا بالعكس ريحته لذيذه تسلم ايدك يا طنط
فؤاد : بتحبي انتي الشوربه يا نوجا
ابتسمت نجلاء له فيما ضربته بيرلا من تحت الطاوله بقدمها ف نظر لها ف برقت عيناها له ف ابتسم ثم نظرت الى طبقها
قال هشام بعدما استفاق من نظره الى جانيت : عندك كام سنه دلوقتي يا جانيت
بيرلا : ٢٠ سنه
هشام : واو ، بتدرس ؟
بيرلا : طبعا ، جانيت في كلية التمريض هنا وطالبه متفوقه جدا كمان
هشام بذهول : ماشاء الله عليكي
لم تعره جانيت انتباه الا أنها قامت وكتبت في مفكرتها شيء ثم قطعت الورقه ووضعتها تحت طبقها ف سحبتها هيلين وقرأت ( أنا شبعت حقيقي العشاء لذيذ زي كل يوم )
هيلين : هو انتي لحقتي يابنتي دا انتي واقفه ع رجليكي في المحل طول اليوم
هشام وهو يعقد حاجبيه : محل ايه ؟
هيلين : لا هعملكم نسكافيه ونقعد في الحديقه نتكلم
هشام : تمام ماشي بس أتمنى تكون حاجه متأثرش على دراستها
هيلين : إحنا في ألأجازه يابني متقلقش جانيت متفوقه
مسح هشام فمه وقال : انا كمان شبعت هقوم أغسل ايدي
صعد هشام غرفته وجد جانيت تضع حقيبه سوداء مزينه بالورود الصغيره وتضع فيها أغراضها ف قال هشام : بتعملي ايه ؟ وهتنامي فين ؟
لم تلتفت جانيت اليه ف قال هشام وهو يقترب منها ويمسك وجهها ويجعلها تنظر اليه : عيب لما اكلمك مترديش و . 
نظرت جانيت داخل عيناه ف قال : نسيت كنت عايز ايه
اقترب منها اكثر ف رجعت للوراء ونظرت الجهه الاخرى ف قال هشام : مش فرحانه برجوعي ؟ توقعت انتي بالذات إستقبالك ليا هيكون مختلف !
وضعت جانيت يديها الاثنين تحت رأسها إشاره إلى أنها لا تريد الحديث  ولكن تريد النوم ف قال هشام : لا مش وقته هنقعد في الحديقه
أومأت جانيت برأسها ثم أخرجت مفكرتها من جيب فستانها وكتبت ثم أعطته وقرأ : ( إعفيني أنا فعلا مرهقه )
ثم سحبت حقيبتها واتجهت ناحية باب الغرفه ف أمسك حقيبتها وحذفها بعيدا وأغلق الباب وقال وهو يمسك ذراعها : ماااللك فيي ايه مش بكلمك انا
حاولت جانيت التملص من يده ف قال بغضب : مفييش خروج من الاوضه ايه مضايقك مني اوي كدا ردي!
هزها بقوه إلى أن دخلت داخل حضنه وبكت ف وضع يده على رأسها وهو يقول : أسف
ثم رفع وجهها ونظر لها عن قرب وقال : تفاصيلك بتنسيني كنت عايز أقول ايه
جانيت كانت تبكي بقوه وتغمض عينيها ف قال هشام بصوت مبحوح : بس فهميني مالك انتي من صغرك معايا عمري ما قدرت ازعلك ليه زعلانه مني مش هستحمل يا جانيت
رق قلب جانيت واحتضنته ف حضنها وهو يقول : وحشتني البندقيه وملاك البندقيه
كانت جانيت تبكي بحضنه إلى أن ابتعدت قليلا ف أمسك بيدها وقبل يدها ف نظرت للخاتم بيده ف سحبت يدها سريعا ثم نظرت له وركضت الى الباب خرجت بينما وقف هشام وهو ينظر الى الخاتم والى الباب المفتوح ف قال وهو يضع يده على وجهه : ايه اللي انا هببته دا !

♡ في الحديقه ♡
جلست نجلاء وهيلين وبيرلا وفؤاد ف قال فؤاد : هقوم أولع خشب عشان الجو برد اوي
قالت بيرلا : هقوم أساعدك
فؤاد : مفيش داعي
بيرلا بنصف عين وهي تغلق الجاكيت الخاص بها : مع ذلك هساعدك
دخلوا الكوخ ف أحضر فؤاد خشبه ف قال : تعرفي تشيليها ؟
بيرلا وهي تنظر اليه : عيب السؤال دا يا ابني
حملتها بيرلا ف وقعت وهي تقول : ينهار أزرق
ضحك فؤاد وقال وهو يقلد صوتها : عيب السؤال دا قومي قومي تك خيبه
قامت بيرلا وهي تعدل شعرها واكمامها : انت ادتهالي على خوانه بس
فؤاد : بلاش فتي خوانة ايه هي حقنه
دخلت نجلاء وقالت : لقيتكم إتأخرتوا قولت لو محتاجين مساعده
بيرلا : عارفه ايه اطول حاجه فيكي !
نجلاء : أفندم ؟
بيرلا : مناخيرك عشان بتحشريها في اللي ميخصكيش
فؤاد بحزم : بيرلا عيب كدا متزعقيلهاش
بيرلا بصوت عال : انت اتجننت انت اللي متزعقليش لا عشانها ولا عشان غيرها انت فاهم ولا لا اوعى تزعقلي اشبع بيها
ثم ضربته في صدره وخرجت من الكوخ ف قالت نجلاء بخبث : تؤ ..  مكنش قصدي أسبب مشكله كنت حابه أساعد بس
فؤاد وهو يتنفس بصعوبه : أنا عارف يا نجلاء متزعليش
نجلاء : طب يلا لاحسن طنط بيرلا تعبت من الهواء
فؤاد : ماشي اطلعي انتي وانا جاي وراكي
ركضت بيرلا الى  داخل المنزل ف نظرت نجلاء لها وهي تركض وابتسمت بخبث
♡ في الصاله داخل المنزل ♡
كانت بيرلا تركض ولكنها اصطدمت بجانيت التي كانت تركض ايضا ووقعوا أرضآ سويآ نظرت جانيت الى وجه بيرلا الباكي ف أشارت لها ف قالت بيرلا : انتي اللي بتعيطي ليه حصل حاجه ؟
بكت جانيت مجددا ف قامت بيرلا سريعا وهي تسحب جانيت وتصعد بها الدرج وتقول : تعالي اوضتي  مش ناقصين حد يشمت فينا
صعدوا سريعا ودخلوا الغرفه وأغلقوا الباب خلفهم ..
♡ في الحديقه ♡
قالت هيلين لنجلاء التي جلست : في ايه يا بنتي
في نفس الوقت خرج فؤاد ووضع الاخشاب على الارض ليشعلها ف قالت نجلاء : ايه يا طنط
هيلين : بيرلا كانت بتعيط وبتجري ليه
نظر فؤاد الى هيلين في صدمه من أن بيرلا كانت تبكي ف قالت نجلاء وهي تنظر إلى فؤاد : دلع بنات مش اكتر
غضبت هيلين منها ولكنها نظرت أمامها ولم ترد في نفس الوقت حضر هشام ف قامت نجلاء مبتسمه وهي تقترب منه وتقول : حبيبي
هشام : أسف لو أتاأخرت .. فين البنات ؟
جائت هيلين لترد ف قاطعتها نجلاء قائله : متجبرهمش يقعدوا معانا يمكن حابين ينامو او يرتاحوا
هشام بشك : مفيش حاجه حصلت ؟
نجلاء : لا يا حبيبي هيكون ايه حصل ! ، بعدين ايه اللي جوا قميصك دا !
هشام : ايه
وضعت نجلاء يدها داخل قميص هشام واخرجت شيء ثم نظرت لهشام بغضب
نظر هشام للشيء الذي بيدها كان ورده صغيره زهريه ، تلك التي كانت تضعها جانيت في شعرها ف نظر الى نجلاء التي كانت تستشيط غضبآ ..
رأيكم يا ملائكيين في البارت ؟ وفي رواية ملاكي الحارس ؟ ❤
ملحوظه .. نزلته عندا فيكي وحبآ في اللي قالوا نزلي 😃