SANTI SIXTO

SANTI SIXTO Part 5

“

“Ano nga kaya ang pangalan niya?” tanong ni Marissa, may pananabik na naman.

“Posibleng Juan, baka naman Berto. Or maybe his name is Burton. You know, Filipinos now have modern names, Marissa.”

“And who again is your president, yaya?”

“President Gloria, she toppled Estrada during his term, Marissa. Na-people power si Erap.”

“Erap?”

“Estrada… he is also called Erap, Marissa.”

Tumangu-tango ang mayamang dalagang banyaga. Basta ang nasa isip pa rin niya ay ang napakaguwapong lalaking kamukha ng yumaong nobyo.

NAGPAPASALAMAT si Santi Sixto na sa San Simon ay hindi man lang nabalitaan ang tungkol sa pagiging cover boy niya ng Global Weekly.

Napayapa na siyang muli, ngayo’y hinaharap na naman nang husto ang kanyang farming.

Naalala ni Sixto ang pangako sa ina, na sa loob ng susunod na dalawang taon ay may asawa at anak na siya.

Kaso ay wala pa ngang balak si Sixto na magkanobya man lang. Enjoy na enjoy pa siya sa buhay na walang pressure, walang responsibilidad sa iba kundi sa sarili lamang.

He values his laid-back life, ang makupad na takbo ng kanyang buhay sa Santiara at karatig.

Here he is, pabasa-basa lang ng diyaryo sa umaga bago sasabak sa trabaho sa bukid.

Pakape-kape. Pakalakalabit ng gitara.

Pakanta-kanta na rin ng mga lumang paborito. All of me…why not take all of me… can’t you see, I’m no good without you…

Napadako ang mga mata ni Sixto sa isang balita sa diyaryo sa umagang iyon. Binasa niya. Heiress Is Now In The Philippines for Charity. Marissa Garrera Johnson, the only daughter of multi- millionaire philantropist Howard Johnson, is coming to the Philippines to set up a charitable organization specifically aimed at helping the under-privileged youth of the country…

May kasamang larawan ni Marissa Carrera Johnson ang balita at nagandahan si Sixto. Kakaiba kasi ang beauty ni Marissa, parang Pinay na tisay.

At ganitong tutulong pa pala sa mga yagit na kabataan ng bansa, lalong humanga kay Marissa si Sixto.

Walang kaalam-alam ang gentleman farmer na siya ang tunay na dahilan kaya pupunta sa Pilipinas ang magandang banyaga.

“Sir Sixto, tapos na po kami ni Tacio sa pamimitas ng mangga. Mga export quality po lahat.” Inabala siya ng isang tauhan.

“Okay, Sendo, ako na ang bahala sa delivery. Puwede na kayong umuwi ni Tacio. Bukas naman.”

“E, Sir Sixto, babale daw kami ni Tacio,” nakangising sabi ni Sendo habang katabi na si Tacio.

Napailing ang binatang gentleman farmer. “Sabi ko na nga ba, e. Magtsi-chicks na naman kayo sa kabaret sa bayan…”

“Sir naman… paminsan-minsan lang,” sabad ni Tacio. “Gusto n’yo, sama kayo?”

Tinitigan ni Sixto ang dalawang tauhan na mga binata pa rin.

“Naku, sir, nagbibiro lang po kami. Alam naming hindi kayo nagkakabaret o nangtsi-chicks,” tarantang sabi ni Sendo.

“Saan ba ‘yon?” seryosong tanong ni Sixto.

“Po? Ang alin po, sir?” tanong ni Tacio.

“Ang pupuntahan ninyo, saang lugar?” halos pabulong na sabi ng among binata ng Santiara.

NANG gabing iyon ay nakasama nina Tacio at Sendo sa paglilibang sa bayan si Santi Sixto.

Siguro ay si Sixto na rin ang nakapansin sa wala halos kulay niyang buhay-binata.

Ilang buwan na ba mulang huli siyang magkaroon ng nobya-nobyahan?

Apat-limang buwan na ba?

Aba, daig pa pala niya ang isang pari na celibate! Na walang sex life kahit kaunti. Masyado na palang naabala ang atensiyon niya ng pagtatrabaho sa kanyang taniman na napabayaan na niya tuloy ang pagbibinata.

Dati naman ay nambobola siya ng mga dalaga. Idinidate niya ang mga ito mula sa restaurants hanggang sa sinehan.

May pagkakataon pa nga na ang game na mga babae ay sumasama sa kanya sa pribadong bahay-kubo niya sa katabing lote ng Santiara.

Palihim niyang dinadala roon ang babae at halos magdamag silang magniniig bago niya muling ihahatid ito sa bayan, sakay ng kanyang service van na siya mismo ang nagmamaneho.

Wala naman kasing motel sa San Simon kaya sa bahay-kubo niya dinadala ang mga ganitong babae.

“Sir Sixto, narito na ho tayo,” nakangising bulong ni Sendo. “Mamili na kayo sa mga nakahanay na belyas. Mga bagong paligo ho ang mga ‘yan.”

“Bagong paligo ng pabango,” biro ni Sixto. At kumuha na ng isang dalaga para bolahin habang isinasayaw sa kabaret.